15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
من ناحية القوة الرانجلر اقوى من جميع النواحي كان معي اف جي كل مادخله تشيك الوكالة اسولف مع الموظف ولمحلي مرة ان القير لك عليه حجرتله قالي بيني وبينك قيره مايتحمل الجور والضغط خاصة وقت التطعيس قلت ياولد الله يستر واناظر بمنتدى اف جي كل مدة واحد يقول القير طق المهم اول مانتها الضمان نزلته المعارض
مكشاتي متقدم
الرانجلررررر اقوى بدوووون اي مناااقشة
دفرنس خلفي 4:10 نسبته مثل كارونة جمس 2500 4:10
والدفرنس الامامي : 3.73 بعد ممتااااز
يكفيك ان الدفرنسات حديد صلب , لا مقصات ولا يحزنون وهاذي لصالح الرانجلر بالجبال والصخور والطين والاوحااال
مكينته 6 سلندر 3.6 285 حصااان واسرع من الافجي بلا منازع والقير عادي عملي وقوووي
وفيه المواصفات الي انت تبيها شاشة وبلوتوث وجي بي اس ومدري ويش والاشياء الاكترونية هاذي الي فكل سيارة فل اوبشن ..
ويكفيك ان دفرنسااات جييب من شركة دانا ,, دانا اكبر مصنع للدفرنسات بالعالم
حتى تشوف مقاطع باليوتيوب معاهم اف جييه مركبين دفرنس دانا صلب
طبعن لحد يقول اني امدح الجيب عشان عندي جيب ,, انا ماعندي موتر ^^
والاف جيي مع احترااامي وتقديري للجميع ( ماعندوه سالفة ) لو تقولي اخذ اف جي ولا اخذ نيسان باترول ربع اكيد باترول ربع
لو تقول لي اف جي ولا جيب تايوتا ربع اقولك جيب ربع المقفص
اف جييي غااسل يدي منه من يوم ما طلع
وعلى طاري الجيب الرانجلرر بالطعوس ( ما يصف معاه ولا اي موتر - نيسان باترول - جيب مقفص تايوتا ربع - جمس سيرا - فورد اف 150 - ,,, الخ )
وعلى طاري ملك الدفع الرباعي ( فورد رابتر ) وحشششششششششششششش بالطعوووس
مكشاتي متقدم
عيوووبه مهو مريح بالخطووووط نظرا لشكله مربع مهو انسيااابي
بالنسبة للخاربات عشان تتفادى انواع الخرابات سوي له صيانه بنفسك وحافظ علييه ولا تهمله
ادعس فيه لمن تقول امين بس لا تنسى الصيانه ( لا اقصد الصيانه بالوكالة ) اقصد سوي صيانه بنفسك تفقد كل شيء
والحرارة .. حرارته طبيعية على النصف واعلى من النصف بشرطة طبيعية بالطعوس او مدينة
مكشاتي متقدم
المشاركة الأصلية كتبت بواسطة THE KILLER
Jeep
تكفيك العلامه على الكبوت.
لاكن مثل ماقلو بالفطره تايوتا.
مكشاتي متواصل
اكيد رانجلر <<<<< لانه ماهوب تويوتا
مكشاتي متقدم
والله قوة ومتانة شي خطير لانجلر
مكشاتي متواصل
الرانجلر بلا منازع, كان مع اخوي واحد, اذا حافظت عليه ولا تعبثت فيه صدقني ما بتبيعه في يوم ابداً, اخوي اشتراه موديل 95 ب 25 الف ه
مكشاتي متواصل
هذا الكلام بال 99 وباعه بال 2009 ب 15 الف بعد ما فك كل الزينه اللي عليه. كان موتتتتتتر ينشد فيه الظهر, رحنا فيه للشرقيه وللاردن اكثر من 5 مرات ولا اشتكينا منه ابداً. الاف جي ماادري عنه ولكن ميزته عند البيع سعره فيه وتبيعه وانت في بيتكم. انا اشوف ان الرانجلر ايضاً في عليه طلب. ممكن تشوف مواقع البيع وتقارن.
مكشاتي متواصل
السلام عليكم
انا اقول اف جي من واقع تجربه اخذت 2012 من شهر 5 العام الماضي ولا فيه ديره وعره الا وجيتها
وطلعات مايطلعها لا صالون ولا ربع الا بالملعنه يطلع بسهوله مركب له يايات ومساعدات استرالي
وبالحره كفرات بالون 17 ولا يردك عن المكان اللي تبي.
مكشاتي
والله من واقع تجربه القير حق الاف جي طق علي وانا بالثمامه اطاعس فيه ولا شديت على الموتر ووضبت القير بـ9 الاف بس ما شاء الله عزمه زين وشكله مقبول ( بالنسبه لي ) بس مشكلته القير
مكشاتي متقدم
صراحه الرانجلر ممتاز بالارقام (احصنه - عزم ... الخ) و ممتاز في التجهيزات خصوصاً التعليق (مساعدات - يايات - دفرنسات)
و يميزه خفه الوزن تقدر تفكفك الموتر تخليه كشف و تفك الابواب تخليه بدون ابواب
يعني الموتر حق استخدام وعر .. لدرجه ان شركه jeep ما حطت اي سلك في ارضيه الموتر حتى سماعات المسجل ماحطوها في الابواب حاطينها في السقف ( حاسبين حساب للي بيدخل يتمشى في الشعبان ههه)
لكن في الواقع و بالذات عندنا فشل .. فشل ذريع بعد , المتحدة وكيل سيئ جداً و الموتر كثير الاعطال والطلبات بعد استخدام فترة .. و عيبه الحرارة دائماً على النص و تعتبر حرارته الطبيعيه , يعني مع شوي جور عليه ترتفع فوق النص و هي تعتبر شيء طبيعي بالنسبه للرانجلر لكن انت كـ سواق ماترتاح وانت تشوف الحرارة طاقه فوق النص
و انا وكثير زيي مستعد يشتري موتر 50 حصان و وزنه 7 طن ولا يشتري موتر 500 حصان و وزنه 1 طن بس يبهذلني بالاعطال و ما القى له قطع (يعني لا اهميه للتعليق ولا الوزن ولا القوة والعزم اذا كانت بدون اعتماديه) وش ابي بذولي كلهن وانا متوقع انه يطفى علي بأي لحظه
اما الاف جي مع احترامي لملاكه فهو مايسوى قرش , سيئ بمعنى الكلمه خصوصاً بمجال الرؤيه من مكان السواق يالله تشوف اللي قدام خشم الموتر من طول طبلونه
نعم تويوتا شركه عريقه لكن ماهو كل شيء عليه علامه تويوتا يعني ممتاز !
مكشاتي متواصل
الرجال ماقال بيشتري
الرجال طرح موضوع من باب النقاش من ناحية النقاط اللي ذكرها
وانت رجعت تقول تويوتا راضعينه مع الحليب ومن هالكلام
معروف ان تويوتا هي المركز الاول من ناحية الانتشار والرغبه
بس احنا نتكلم عن القوه
اما عن قطع تويوتا فتراها غاليه
روح مساعدات الفورشنر 4 سلندر بكم سعرها وقارنها مع مساعدات الرانجلر
اما القطع الاصلي فمافيه مثلها
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس