عطوني العلم الوكاد باللاندكروزر vxr1999

[ابوحميد122]

السلام عليكم
الجيب عداده ما شاء الله (( 249600 ))
شريته وكان العداد (( 130500 ))
متى يجب تغيير سير التمبلت
حيث ان الجيب خليجي
8 سلندر vxr موديل 19999999
حيث شريته من الامارات
هل يتغير السير ع (( 250000 ))

والمشكله الثانية
صوت الحنه مرتفع
هل يجب تغيير صحنة الكلتش والدسك والفحمات
سبق وان قمت بتغييرها قبل سنتين
والله يرزقكم بالمال والبنووون

[الإستراتيجي]

ممكن الحنة من المروحة حقت الموتر هل هي كهرب ولا عادية .


السير الداخلي أخوي يغير تقريبا بين 60 و 120 والله يوفقك

[MGS88]

اذا تقصد السير داخل المكينة هذا انقطع علي على الـ180 الف وطفى الموتر وشلته بصطحة
لانه لازم يتغير كل 150 الف
وعلى العموم فيه لمبه تعلمك واظنها تكتب شي زي "T-blt"

[ابوحميد122]

ممكن الحنة من المروحة حقت الموتر هل هي كهرب ولا عادية .


السير الداخلي أخوي يغير تقريبا بين 60 و 120 والله يوفقك

المروحة توي مغير لها توماتيك
يعني اغير سير المكينه الداخلي افضل ولك مني كل ود واحترام

[ابوحميد122]

اذا تقصد السير داخل المكينة هذا انقطع علي على الـ180 الف وطفى الموتر وشلته بصطحة
لانه لازم يتغير كل 150 الف
وعلى العموم فيه لمبه تعلمك واظنها تكتب شي زي "T-blt"

اللمبه متى تظهر هل هي على 250 او ع 300
وأخاف ان صاحب الموتر السابق ما غيره او انه غيره
هل يوجد طريقه لمعرفة ذلك
والله يحفظك

[MGS88]

بتأكد لك من الاسم وارد لك بكره << بردان
لكن هي طلعت لي في الطبلون في وقتها ومشيت عليه حول ثلاثين الف
يعني لا تخاف بيكون عندك وقت ولكن بجيب لك اسمها عشان تتأكد انها موجوده عندك لان موديل اللي عندي 2000

[كبسولة2]

سير التايمنق توجد لمبة تضيئ بعد 150 الف كيلو متر

تغير السير وتعيد برمجة وبعد 150 الف ثانية تضيئ

الحنة قد تكون من المروحة

[عاشق الفكسار]

سير التيمن يتغير كل 150 ألف الى 200 ألف

تجيك علامة T-Belt في عداد الضغط

اذا بغيت تعرف هل هو مغير ولا لا .. تلقى ستكر ابيض مكتوب عليه الكيلوات اللي تغير فيه السير في مقدمة المكينة عادة أو حولها
وأحيانا اللي يغيرونها ينسون يلزقون الستكر

موفق

[رحال7]

احيانا تكون الحنه من طرمبة الدركسون. اذا فيه تهريب فى الطرمبه او الدوده او فى نظام الدركسون بشكل عام

والله اعلم

[عبدالله المطيري]

الحنه اسبابها كثيرة ولا هو اي واحد يطلعها

انا معي فكسار وطلع معي صوت حنه وديته العضيب طلع لي لسته

تكلف فوق ١٠٠٠٠ قطع بس

يقول سبب الحنه من الكرونه ومن عمود الكردان

خليته ورحت لصديقي البكستاني وقال هذا رمان فلنجه امامي

كلف حول ٢٠٠ ريال وراحت ولله الحمد والحين ماشاء الله عليه

انتبه منهم ترا اسماء وشهره على غير سنع

[عبدالله المطيري]

^
^^
^^^

عشان ما اظلمهم الفرع اللي جيته فرع العضيب اللي بشارع الميه

مقابل المقبره وقالي حنا مالنا دخل بالكرونه فكها عند مكيانيكي برا

وغير عامود


علماً الفحص ب ٥٠ ريال

[الإستراتيجي]

فيه فرق بين حنه و ونه

الحنه تجي من المكينة أو قريب منها


الونه تجي صوتها مميز وتون بعضها مع المشي ولما تفك تروح وبعضها تون وأنت تمشي ولما تفضي القير وتريح المكينة ما تروح

وبعضها لما تريح المكينة تروح


يعني على حسب فلو دعست بالموتر وأنت واقف هل تطلع الحنة .

ولو كنت تمشي وأنت مريح تطلع الحنة المقصود الثاني (( الونة ))


او أنها لما تدعس تحن السيارة وهي في مكانها ويطلع لها ريح كلتش !!

وبعدين ممكن يكون الكلتش غير موزون ولو أنه جديد فتحن المكينة فتحتاج وزن كلتش عبر الدعاسة الخاصة بالكلتش ...


لكن يبقى أنك حددتها بالدعسة فأعتقد لما تدعس وتطلع الحنه وتحن على طول على غير الطبيعة فهي مشكلة تحتاج حل ...


فجرب الحنة على أربعة تجارب من كلامي السابق وهي :

1- أدعس وأنت واقف هل هي هي !! موجودة أو لا

لو موجودة هالحنة ممكن مكينة ممكن مروحة هل تكون قوية أول ما تشغل وهي باردة أو لما تحتر ...

ممكن تماتيك مروحة !

2- أدعس وأمش فوق 130 وأنت تمشي وفك بعدها بدون ما تفضي هل تروح الحنة ؟ موجودة أو لا

ممكن كلتش أو قير أو.... حاجة من رمانات خلفية لو كانت ونه ماهي حنة.

3- أدعس وأمش 130 وريح وفض القير هل تروح الحنة ؟ موجودة ؟ ممكن رمانات

الرمانات الأمامية أفلنجة

4- أدعس وفض القير هل تروح الحنة ؟ نفس الأثر؟ لا أجل ماهي رمانات ممكن قير دفرنس مكينة .


ولو كانت صجة وضجة ترج الموتر ممكن ترصيص أو ترصيص عمود كردان أو دبل ..


طبعا هي كثيرة كثيرة وممكن حاجة بسيطة وممكن حاجة كبيرة

مثل ما تفضلو الأخوان عاليه

[~EmPeRor~]

السير الداخلي < تقول الوكالة كل 150 الف

لاكن فية جهاز استشعار او حساس بالاصح

اذا ولعت لمبتة غيره

ماولعت < لاتغيرة الين يوصل 300 الف

بالتوفيق