متحير بين جمس سيرا
او فورد
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
متحير بين جمس سيرا
او فورد
خلك ع الرصيف ههههههههههههـ
الفورد وانت مغمض هذي مايبيلها نشدت شيخ
رغم حبي للجمس وعراقته لكن عند الرابتر بصراحه ينظلم الجمس واي موتر ثاني بالمقارنه معه
الرابتر موتر بر تعجز الراليات بتجهيزاتها عنه وش حال باقي المواتر
اكيد الرابتر اصل ماصمم الى لاصعب واقسى الظروف
لكن مشكلته كبر حجمه وسعره الظاهر 170 الف
وقدراته خرافيه لكن مااظن تحتاجها كلها واتوقع سيرا 2500 كافي ويقوم بالزوم
والله يكتب لك الى فيه الخير
شف مبيعاتهم في امريكا وتدري ....الفورد شهريا يوصل 50 الف سياره .وغيره ماقد وصل 40 الف .
بدون مقارنه و بدون حيرة و لا حتى تردد الفورد الرابتر و لكن فرق السعر في حدود 50 الف ريال بينه و بين السييرا ؟!!؟
وش لك وللامريكي
اذا انت راعي بر ابعد عنهم كلهم
وخذلك شاص فتك الجديد <3
سيرا ابرك لك
بدون تفكير يابعدي السييرا
يكفيك لا اشتغل قامت ترعد شكامينه
سييرا قطع 2500 دبل ما اشوف بعدها شي والله .. واشئل مجرب ولا تشئل طبيب
وش لك بالفورد وشكله النايم
ياعاشق اذا انت راعي بر وكرف ابعد عن الامريكي حساس جدا لا فرت ولا سيرا ولا دوج..خذ ياباني دق سلف ومش ، وبالبيع ما يعوق ..يا الله الغنيمة ورضاك.
اخوي عاشق البر7
نصيحه خذلك جمس سيرا سعره مقدور عليه واي ورشه تصلحه
اذا انت راعي ديره خذلك 1500 مكينه 5.3 ودبل لاتقولي ما احتاجه بيجيك وقت تحتاج للدبل
اما اذا انت راعي حلال وراعي سحب خذلك 2500 دفرنسه ومكينته قوي ويتحمل
واذا انت خاطرك في فخامه وشكل والقوه خذلك سيرا دينالي
ونصيحه لا تاخذ شي من هنا خذها من قطر وعندي رقم مندوب المبيعات
الزياده على المواصفات (قطر) الي عندنا كمره خلفية وتحكم في دعاسة البنزين والفرامل وهوك خلفي وتحكم في سحب المقطورات
اخوي اذا تبي جديد ومايفرق معك السعر انصحك ب f-250 حلو وقوه وفخامه وهيبه وداخلي خيال
انصحك ياخوي في النتدرا
الذين يشاهدون الموضوع الآن: 1 (0 من الأعضاء و 1 زائر)