السلام عليكم .
اليوم الاثنين الصباح فيه سيول بالصمان . اللي مشيتة من جنوب الرفيعة وهو سيل الى شمالي بلدة شوية .
والفياض مليانة . الله ينزل البركة .
والسلام عليكم
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم .
اليوم الاثنين الصباح فيه سيول بالصمان . اللي مشيتة من جنوب الرفيعة وهو سيل الى شمالي بلدة شوية .
والفياض مليانة . الله ينزل البركة .
والسلام عليكم
شكرا اخوي البدوي
الله يفرح قلبك مثل مافرحتنا والله يطرح البركه في هالامطار وتربع الديار
اخوي ماتدري عن المنطقه اللي شمال الصمان من يم جو النظيم ورضه ام اقرين جاها مطر ولا لا
مشكور يالنشمي .
والنضيم ماعندي خبر عنة لاكن جو لبن جاة اليوم سيل وفيضة مغطية مليانة وكذلك الصلب وفياضة جاها سيل طيب . ام قرين مدري عنها لأن اللي عطاني الخبر يتصل من حسنا لاكن المهمري اليوم يمشي وام قرين ماهيب بعيدة عنة.
ولم محفار الفقع اذا الله اراد.
اخوك البدوي.
اخوي البدوي
السلام عليك ورحمه الله وبركاته
اخوي شكرا لك .
والله يجيب الربيع الطيب اللي يكثر فيه الفقع وتزين الخدان ويربع الحلال ويستانسون الناس وتزين المزارع
كلش يزين اذا ربعت الديار حتى خطر الناس تزين ونفوسهم.
اخوي البدوي تقبل تحيات اخوك / النشمي
الحالة الجوية لهذا اليوم الأربعاء 1 رمضان 1432هـ في المنطقة الشرقية (الدمام وضواحيها ) إرتفاع الحرارة نسبيا في الصباح ثم إعتدال الجو ظهرا وفي العصر تغير الجو فغطت الشمس طبقة متوسطة من الغبار المرتفع مع هبوب رياح قوية في المغرب وإنخفاض كبير في درجة الحرارة ليلا .
السلام عليكم اود ان اظيف شكري وتقديري للجميع ودمتم
يا جماعة الخير السلام عليكم ورحمة الله وبركاته
حي الله هالوجيه
كيف حالك يالبدوي إن شاء الله بخير
عندي ملاحظة :
وش رأيكم اللي يفرحنا بالسيل يذكر اليوم والتاريخ والساعة عشان تكمل الفرحة بالمطر
وعندي سؤال للبدوي ولكل فاهم مثله ::::
أنا ابروح للصمان ان شاء الله يوم الأربعاء 15 / 9 / 1423 وودي اخذ علوم السيل قبل ما اروح
تخبرون الصمان كبير بالحيل
ومعي خوي لي جاي من خارج المملكة وودي امشيه 00 ولا ودي اروح لاماكن ما جاها مطر
تكفون الفزعة يالربع وتحددون الفياض باسمائها اذا ما عليكم كلافة 00 واذا جيت ان شاء الله علمتكم وش لقيت
شاكر لكم
ابشركم جاء مطر اليوم على محافظة الرس 000 أمطار متوسطة امتلات الشوارع بالمياه ونقعت الارض في بعض الاماكن الساعة الان الثامنه والامطار تهطل من بعد الفطور ( صوت الرعد وحنا بصلاة المغرب يثلج الصدر ويشرح الخاطر وياكريم
والله يازينكم ياربعي ..
ويازين علومكم ..
ويازين علوم السيل والخير ..
عسى الله يجيب المطر ..
وابشروا بالخير جاي إن شاء الله .. واللي عند الله قريب ..
هذي صورة من تصوير مكشات دوت كوم ( أبوياسر) مع مغيب شمس هذا اليوم 11/9/1423هـ في مدينة بريدة .. وش ملح هالصورة وحلاته !!!
[c] [/c]
[c] أحلى تحية لكم جميعاً [/c]
الأخوة الأعزاء
السلام عليكم ورحمة الله وبركاته
الآن السّــــاعه الثانية وسبعة عشر دقيقة من صباح يوم الأحد 12/9/1423هـ
[[[[[ عليهم ديم ٍِ طيب ]]]]] حسب ماروى لي أحد الزملاء يعني علم ٍِ أروح وأجي عليه 0
وذلك في محافظة الرس ويقول أن عليهم [[ غشون ]] من صلا ة المغرب والبارق عنهم
شمال ومقبل ٍِ عليهم خير ٍِ من القبلة وحسب علمه أن اللي جاهم يطلع الباذر ولكن ماهو كله ويقـــول الأرض (( وليت )) أم سيل ٍِ يذكر يقول ماهناك سيل 0 وأثناء كتابتي لهذا الموضوع أتصل وقال أن المطر مركــّــــــــب عليهم هالحين وهو غشون متواليه 0
وذكر لي أن المطر اللي جاهم من الرس وشمال يقول أنه راح مع طريق دخنه وأنه أنقطع عن المطر حول الفحص الدوري 0000 الله يرزق بلا د المسلمين ويغيثها وينفع
بما نزل من الغيث العباد والبلاد والحاضر والباد 0 أنه على ذلك قدير
وتقبلوا تحيات ///////// ذيب حوما //////////
ابشرك ياذئب حوما والربع بالسيل على الرس من الساعة ثلاث الفجر الى هالحين الساعة تسع ابروق وارعود مشى شعيب 1- الابتر 2- الارطاوي 3- الملاذ 4- المزارع الي في المحافظة من جميع الجهات
دخلتها الشعاب الصغيرة وهذا الخبر بالتفصيل من بشائر الخير والبركة هطول أمطار غزيرة على مدينة الرس وما حولها من مغرب امس
وزادت في الليل الساعة 3 واستمرت الى ساعة كتابة هذا الخبر وقد سالت على أثرها الشعاب وامتلات السدود في المزارع وتفاوتت غزارتها من مكان
الى آخر والشي المفرح انها أمطار مستمرة ارتوت منها الارض تماماً مما
يبشر بالخير الساعة الان التاسعة صباحاً ولايزال الرعد يسمع مستمر الى الان
[mover]الله يطرح فيه البركة [/mover]
هطلت على مدينة عنيزة امطار من بعد صلاة الفجر يوم الاحد 12 رمضان ولا تزال الامطار تهطل بشكل شبه متواصل الى الان الساعه 11 صباحا والجو ملبد بالغيوم وباذن الله مراسلكم بيطمر عقب شوي للبر ومعه الكاميرا ونصور لكم
في بريدة........
هطلت أمطار متوسطة وغزيرة يوم السبت 11/9 الساعة 8 مساءا واستمرت حتى يوم الأحد 12/9 الساعة 9 صباحا والآن السحب متفرقة بعدصلاة الظهر الأحد
اللهم اجعلها أمطار خير وبركة........
ياجماعة وش رايكم تنزلون بعض الصور الطازجة عشان تشجعونا ونجي عندكم يا أهل القصيم ولا ما تبونا !!
خلاص هونا منحب جايين لمكم شكلكم ما تبونا 000000 اجل وين الصور هههههههه
الله يجيب الخير يارب
عموما الجو في الرياض بديع جدا وعليه بعض الرش البسيط
ويقولون والعهدة على الراوي ان جلاجل جاها مطير زوين مهوب زين زوين وذلك أمس السبت 11/9 بعد التراويح 000 تراهم يقولونه!!!!
الحمد لله على خير وفضله!!!
المطرعلى ديارنا ( السر) والي مايعرفها تراها جنوب المذنب 70 كم
الحمد لله يالربع
من البارح بالليل وهي تمطر علينا وتكف ثم تمطر وتكف والى هالحين الساعه اربع العصر يوم الاحد 12/9/1423هـ وهي تمطر ديمه
ولله الحمد والشكر والمنه والمطر هذا يروي الارض وينبت الباذر انشاالله !!!
والله يرزق عباده !!!
اخوكم ابو نوره!!!
الذين يشاهدون الموضوع الآن: 1 (0 من الأعضاء و 1 زائر)