السلام عليكم جميعا واول مشاركه لي في المنتدى،
وعندي مشكلة تستدعي اجتماع الخبراء (ولاكن بدون تشكيل لجنة)،
عندي لاندكروزر جي اكس آر 2008 و8 سلندر.كان مع الولد قبلي وعلى يده من الوكاله.
فيه حنه تكون ملاحظه بعد سرعه 40 وتحسها في سكان السياره ودواسه البنزين والارضيه، والى سرعه 120 او اكثر، وموجوده مع دوران السياره في اي اتجاه.
فضيت القير N وعلى سرعات مختلفه ودست البنزين (لفحص الصوت هل هو ن المكينه او لا) والحنه موجوده، طفيت المكيف وعلى سرعات مختلفه والقير على الفاضي N ولنفس السبب والحنه موجوده.
سويت فحص في الوكاله بو جميل على 80 الف مع ان السياره ماشيه 103الف لان الولد مقاطع الوكاله وان بعكس ذلك اؤمن بعمل الصيانه الدوريه في الوكاله (مع احترامي الشديد لكل المخالفين لي بالرأي)،
ومافي شيء والمكينه ممتازه وسويت فحص كمبيوتر برى الوكاله ومافي شيء.
الكفرات جدد مركبه قبل 4 اشهر من هانكوك وسليمه 100٪.
كل اللي لاحظته وجود زيت على المساعد الايمن الامامي (كانك راشه بزيت ورمل [في وجه الاعداء]) وشغال. واذا لفيت السياره لليسار وللاخير اسمح صوت قرقعه اذا تحركت السياره مع عدم وجود اي دليل خارجي على وجود مشكله.
فما هي المشكله !!!!!!!!!!!!!!!!
شكراً لمن رد منهم (الخبراء) ومن قرأ ولم يرد،
تحياتي للجميع