رحلة غير موفقة يوم الخميس الصبح الى العامودة بالخفجي

[diver1120]

اخواني سلام عليكم ورحمة الله وبركاتة جهزت عدتي واغراضي وطلعت من الكويت الى الهدف وهي العاموده بلخفجي وكلي حماااااااس ونااااسه وتفائل وقاعد افكر شلون الصيد واول سبيطي ووووو مالكم باطويله وصلت رحت بصرح جان انصدم قالي انت كويتي ما اقدر ادخلك لازم تاخذ تصريح من القيادة بالخفجي وقالي اليوم الخميس ماكو تصاريح خخخخخخخخ طبعأ لاتشوفون الصدمه قتله زين يمين يساااار تكفى جان يقولي والله موضوعك بالقيادة او تعال السبت المهم انتو تعرفون الحداق اذا في باله حدااااق يصير مجنون رحت القيادة بالخفجي بعد السؤاااال وصلت بعد 45 دقيقة وسألت عن المسؤل عن التصاريح قالولي انتظر يمكن نقدر انصرحلك والله الرجال ما قصر شربني شاي وقهوه وقعدت اسولف معاه لين ننطر اتصال بالموافقة او الرفض وبعد 15 دقيقة اتصلو بلعسكري وقالوا بلغة اذا يبي تصريح يمر علينا من السبت الى الاربعاء فقط . عندي سؤال يا جماعة الخير الي عندة فكرة اذا رحت طلبت تصريح حق يوم الخميس او الجمعة يعطوني ولا لازم كل يوم بيومه وانا فكرت اخذ تصريح يوم الاربعاء مدة 3 ايام وادخل يوم الخميس في مشكلة ابيكم تساعدوني والله ياربع انها بخااااطري ابي احدق بالعامودة وأسف على الاطاله

[بن نويشر]

والله ما أدري ،،،،!!

[diver1120]

مساكم الله بالخير 81 شخص شاهد الموضوع والرد واحد؟؟؟؟؟؟؟؟ وينكم يا اهل الخفجي؟

[كنعد]

مساكم الله بالخير 81 شخص شاهد الموضوع والرد واحد؟؟؟؟؟؟؟؟ وينكم يا اهل الخفجي؟

سلاح الحدود في العامودة مزعجين جدا ما اقول كلهم يمكن اكثرهم يمكن لظروف معينة الله اعلم

[Hawwat Yanbu]

والله ما ادري انا من الغربيه

الله يوفقك ويرزقك بالصيد الي يسرك

تقبل مروري

[السلفرادو]

بالحقيقة حاجة غريبة ايش تصريح من السبت الى الأربعاء ليش دوام رسمي حتى بأعطاء التصاريح الله يعطيك العافية أخي السائل واتمنى أفادتك ولكنني لست من الخفجي ويبغالك الأتصال تلفونيا بالمركز قبل ماتتوجه لهم من الكويت بالسلامة ويعوض الله عليك بطلعة ثانية أحسن وأفضل ان شاء الله خير لك

[White_Shark]

أخوي diver1120

في الحقيقة الأنظمة لدينا عقيمة ومعقدة جداً , ولكن بحسب ما أعرف بأنه إذا كان التصريح من القيادة ( أي قيادة ) فيكون بمدة معينة ( يعني أسبوع مثلاً ) وهذا يتطلب منك في بعض الأحيان ( عمل خطاب خطي , وصورة من الجواز , وورقة تعريف من العمل بالنسبة للأجانب ) .. ولكن بالنسبة لك كخليجي فلا علم لي بالمتطلبات .

تصاريح قيادة الجبيل لا أعتقد أنها تختلف كثيراً عن الخفجي , أوقات استخراج التصاريح في أوقات الدوام الرسمي من السبت - الأربعاء , في بعض الأحيان تستلم تصريحك في نفس اليوم .. وأحياناً في اليوم التالي ( حسب المزاج ) .

ولكن استطعت أن أجد لك أرقام قيادة حرس الحدود :

7660979
7661464

تستطيع الإستفسار عن كل مالديك قبل الحضور ,, الله يعينك ونتمنى لك التوفيق والحصول على مبتغاك .

تقبل تحياتي .

[accentkool]

ان شاء الله اللي اللي يخبرون مثل هالانظمة مااايقصروون معك

[لطااام الاول]

مساك الله بالخير اخويdiver1120
ارسلي رقم موبايلك حتى استطيع مساعدتك
ولك ولأخواني الأعضاء كل التقدير والأحترام
اخوك ابوعبدالله
ملاحظه /حتى لوكان رقمك كويتي


ودمتم

[diver1120]

مشكور اخوي بوعبدالله هذا رقمي 0096599887889

[خفجآإوي]

انت طحت بسلاح الحدود حقين العاموده ههههههههههههههههههه
الله يوفقك بس على فكره العاموده معي زي اول ماعاد فيها صيد الي انت خابر خلاص
عمومآ موفق خير ولاتنسانا بالتقارير الطيبه

[abomeshal]

فيها خيره اخوى والله انا واربعه شباب معي من راس تنوره والدمام مشينا لعموده الخميس وصرحنا بلرغم انو رفض فى البدايه كانت بطاقة الاحوال منتهيه بس فى الاخير الله هداه بعد ما توهق وجاه اتصال يطلب منه يدخل شخص بطاقته منتهيه المهم جلسنا فيها من الضهر الى 11 ليلا والله ما تصدق ما تحركت سناره وحده من 11 سناره وش السبب مدرى بلرغم انو الشباب يعرفووون محادق مجربه من اول هوامير وشعووور البحر متغير مررره

[ابوذيبان]

شىء طبيعي يكون التصريح وقت الدوام الرسمي من السبت الى الاربعاء

اما الخميس والجمعة استلامات فقط وليس لديهم صلاحية لمثل طلبك

ولعل في الامر خيرة لك

اعانك الله ورزقك الصيد الوفير

[ذوالجناح7]

مــا شـــاء الله تبارك الله

الأخوان مو مقصرين وأكيد أهل الخفجي أدرره

مشكلة حرس الحدود كل منطقة لها نظام وهذا يعتمد على القايد

بالتوفيق إن شاء الله

[diver1120]

يا اخوان رحت يوم الاحد قالولي العامودة تبع الجيش مو عندنا عطوني تصريح حق منيفة ورحت يوم الخميس الي طاف من 5 الصبح الى 5 العصر اتصدقون ما حركو الطعم ورديت بدون اي صيييد