ياشباب وش أخبار فياض لينه واعيوج لينه هل هن مربعات..
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ياشباب وش أخبار فياض لينه واعيوج لينه هل هن مربعات..
بريكة الأجردي ، وما يسميها البعض وتشتهر بـ البسيتينات ..
وصلتها نهاية الأسبوع الماضي . .
شيء يوجع القلب !
والله ان اللي ما قد شافها بهالحاله يمكن تدمع عينه !
أرضها شهباء . .
وأدنى هبوب يثور الغبار !
والباذر موجود . . لكن بشكل خفيف جداً وموب عام !
يعني بالمطامن ، وحول السدر . .
وعسى الله يرزقها السيل ويطرح البركة .
مشكورين ويعطيكم العافيه
شمال قطر اليوم
وههاي صورة من العضو k.h.m
علوم الديار اللي شمال من القصيم
ولاهنتم
السلام عليكم ورحمة الله وبركاته
احبتي قرأت في سبق الالكترونيه
أنه تم الإعتداء ع بعض الشباب في التنهات والسطو عليهم
هل ماذكر صحيح ... وانا اوجه نصيحه صح الخبر ام لا
لابد من التحرز والانتباه واختيار المكان المناسب في الطلعات
نصيحه من القلب اهديها لكم ...
ماشاء الله شي يشرح الصدر
صورتان لبداية ظهور الربيع شمال الدوادمي 45 كيلو وهي تبشر بالخير والله يتبعلة بالقريب العاجل
وهذي فوووق البيعة
ماشاء الله يأهل الدوادمي وشماله امربعين ياعله دوم انشالله ربيع
وصلنا طرف الصمان الشمالي ..
وما فيه شيء يذكر إلا فيضة أم غرسه ، فيها ربيع خفيف بالحيل . .
يعني اللي مشتهي يشم ريحة الربيع روح هنـاك
ربيعها خفيف ، لكنه يرد الروح !
ملاحظه / الله أعلم غذا فيه شيء افضل من ام غرسه! لكن اللي شفنا هي الافضل .. وربيعها بسيط
واللي يبي يروح يحافظ على نظافة المكان !
ووالله إنا يوم جينا نمشي اننا آخذين اكياس الزبايل ومنظفين محلنا من شيء لنا وشيء لغيرنـا ، والواحد يترك المكان نظيف للي عقبه ، ولو الواحد منا ترك قشّه وزبايله والله ما ينقعد باي فيضه !
روضة خريم يوم الخميس 11-2-1433
الجهه الشماليه الغربي
المعذره على القصور التصوير بلجوال
صور من الصريف
الفياض الي مريت عليهن الاسبوع الي فات
روضه النظيم :ربيع خفيف على أوله
شعيب الشوكي: خفيف لكن منعش ويعتبر افضل الموجود ووسط افضل
التنهات : مناقع بخوابيه وبوسط الفيضه لكن مافيه ربيع
ام قرين:ربيع حول الشجر
ام غرسه :ربيعه لابأس به تشم ريحه الربيع
ام الطين ورديفته :ايضا ربيعهن لابأس به لاكن الغنم قضت عليه ولايستاهل العنوه
بعض فياض الحاصبيات :الغنم يرعن بالفيضه وربيعهن خفيف
فيضه مشلح : بدايه الربيع ووجود الماء
باختصار الربيع على اوله والله يفكه من الغنم ,,
الذين يشاهدون الموضوع الآن: 1 (0 من الأعضاء و 1 زائر)