إحتـرنا بين الوسم والبـيرق افيدونا

[مكشاتي مهاجر]

السلام عليكم ورحمة الله وبركاته





ياجماة الربع افزعولنا نبي خيمه ناس تمدح وناس تذم ماعرفنا والله كلهن زينات العمود يقولون ثبات وبدونه اوسع وانا ادور الحجم الكبير وش الراي 5*5

[الشيخ900]

حياك اخوي الي سمعت عنه البيرق ناس كثير تمدحها من القاضي للخيام فيه موضوع قبل كذا نزلوه عن خيام القاضي اتمنى يفيدونك الاخوان

بس حلوه يا جماة الربع لاعاد تعيدها ههههههههههههههه

[الشيخ900]

هذا موضوع سابق نفس طلبك اخي اتمنى يفيدك

http://www.mekshat.com/vb/showthread...E1%DE%C7%D6%ED

[مملكة الرحلات]

موصفات ومقاسات خيمة البيرق
تصوير فديوم مقاومة المياه

View My Video

[قيس عبدالله]

الوسم من القاضي روعه بس عيبها الاطناب صغيره مره

[مملكة الرحلات]

هذا مقطع مصور حق خيمة البيرق وخيمة الوسم انشاء الله تستفيد منها

اخوك مملكة الرحلات


خيمة الوسم



خيمة البيرق

[عبرود الودي]

التميمي وبس

[bedwizar]

شف عزيزي
أنا جربت الثنتين
وفي الاخر أقتنيت وحده منهن

الوسم أوسع لأنها بدون عامود ، لكن عيبها أطنابها كثير
البيرق عيبها في سدها للهوى مالها أنسيابيه مثل الوسم وميزتها اطنبابها اقل من الوسم

ومن وجهة نظري،،، هذي فيها عيب وميزه والثانيه العكس ------> إذا خل السعر هو اللي يختار لك

[SNIPER07]

هلا و غلا
انصك اذا ودك بالبيرق خذ 4*4 افضل من 5*5

،و الوسم اي مقاس خذ و انت مرتاح .

مجربهم ،،، و اذا كانت حق العائله خذ الفرسان ازين

تحياتي

[مكشاتي مهاجر]

يعطيكم العافية جميع لكن احس ان الوسم ممتازه لكن السعر والمدة يكفي انك تختار الي تبي فيها بس وش سالفه الاطناب

[عرنكش]

الله يعطيك العافيه
ابحث في نفس المنتدى عن (خيمه الوسم) وانا انصحك قبل تشتري اي خيمه تشوف الموضوع والله اني رحت لمحله في محافظه الرس وجلست في خيمه من خيامه قسم بالله انها روعه بصدق ودفعه له 2400 حتى يصلح لي خيمه 3*3 بس والله اني عارف اني مراح اندم على شغله ويكون في علمك ترها بدون عمود فالوسط وصناعه سعوديه وطنيه 100% وانا اقول اذا دفعه ادفع من قلب لشي يسوى خذها من اخوك نصيحه قبل تستعجل
والله ولي التوفيق

اخوك
عرنكش

[قيس عبدالله]

يعطيكم العافية جميع لكن احس ان الوسم ممتازه لكن السعر والمدة يكفي انك تختار الي تبي فيها بس وش سالفه الاطناب

خيمه الوسم من القاضي انا مجربها مره روعه اما بالنسبه للاطناب الله يهديهم حاطين تقريبا ست اطناب كبيره والباقي صغيره المفروض يبدلونها لنا بكبيره بس نصيحه خذها انا عندي طبقتين والله من الدفا بعد

[fof6666]

الوسم افضل
خصوصا وقت العجاج
والسعر بعد مغري

[عاشق السيل]

يا اخوان فيه تنبيه مهم ...

( الوسم ) فيه خيمة القاضي اللي معروضة فوق ،، وفيه خيمة الوسم اللي يصلحونها بالرس وسعرها غاااالي بالحيل لكن جودة عالية وخامات ممتازة وهي اللي تكلم عنها أخوي عرنكش وهذا الرابط حقهم :

http://www.mekshat.com/vb/showthread.php?t=260013


وبصراحة صاحب الموضوع ماندري أي وحدة يقصد ؟؟؟

أما خيمة البيرق معروفة ومالها مثيل وعن نفسي عندي 4*4 ممتازة بالحيل والآن سعرها عليه عرض عند القاضي لا يفووووووووووووووووووتكم !!!!!!

وبوجهة نظري أفضل من خيمة الوسم اللي عند القاضي بألف مرة والسبب نزول جدرانها ماتقدر توقف إلا بالنص ....

[مكشاتي مهاجر]

يا اخوان فيه تنبيه مهم ...

( الوسم ) فيه خيمة القاضي اللي معروضة فوق ،، وفيه خيمة الوسم اللي يصلحونها بالرس وسعرها غاااالي بالحيل لكن جودة عالية وخامات ممتازة وهي اللي تكلم عنها أخوي عرنكش !!!

وبصراحة صاحب الموضوع ماندري أي وحدة يقصد ؟؟؟

أما خيمة البيرق معروفة ومالها مثيل وعن نفسي عندي 4*4 ممتازة بالحيل والآن سعرها عليه عرض عند القاضي لا يفووووووووووووووووووتكم !!!!!!

وبوجهة نظري أفضل من خيمة الوسم اللي عند القاضي بألف مرة والسبب نزول جدرانها ....

الله يعافي الجميع اقصد الوسم تبع ابوعبدالعزيز الي بالرس اما حقت القاضي ولا بريال
الناس تمدح الوسم بشكل كبير لكن انا ابغى 4*4 ومدري ممكن الكبر يسبب مشكله مع الهبايب وبعدين عليها طلب كثير على كلامه من الردود بالمنتدى يعني يالله على الموسم الجاي ان الله احيانا يجيك الدور