انا افضل القهوة الخولاني حمس ثقيل وشاي الوزه والربيع طبعا تلقيمه
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
انا افضل القهوة الخولاني حمس ثقيل وشاي الوزه والربيع طبعا تلقيمه
القهوة فأنا ارى ان مافيه احسن من القهوة النيبارية وارد المستنير ولكن سعرها غالي
10 كيلو فوق 300 ريال تقريباً
اما الشاي فالتلقيمه مافيه مثل ابو جبل بس يبيله سعة صدر الين يخدر
و الاكياس عندي ان شاي احمد بالهيل هو رقم 1
القهوه افضل البريه والشاهي الافضل شاي الوزه
القهوة لقمتي
والشاهي ربيع فرط
أولاً فيه مثل يقول(القهوة حلاتها بأولها والشاهي حلاته بأخره)
أفضل قهوة بالنسبه هي قهوة هرري باشنفر والحمسه وسط يعني رقم(2) والهيل الأمريكي رقم(1) ولابد من وجود العم ابو شيبه(الزعفران)
أما الشاهي فهوا شاي ربيع السيلاني اللي يجي بصندوق خشب (وهذا يباع فقط في سوق المسوكف بعنيزه وسعرالصندوق 100ريال)
متى على الله نطوي العفش ماشـين للديـار اللي ذبحـنا غـلاهـا
افضل انواع القهوه بنظري هو القطما اليمنيه
طبعا محصولها قليل ولا توجد الا في نجران
اما الهيل الهندي رقم 1 او هيل بافرط يجي اكياس 200 جرام ب 45 ريال
اما الشاهي فبعد عدة تجارب وجدت ابو جبل وبس طعم ولا اروع
انصح الجميع باستخدام السكر البني الطبيعي فررررررق وصحي
ليه ما اسج الرجل وابعد الهم
يقطع الله دنياً مافيها وناسه
اولا / لولا اختلاف الاذواق لبارت السلع
ثانيا /الدور الاكبر في مذاق القهوه او الشأي يعود ( للي مسويها ) وطريقته في الاعداد والطعم في لمساته
ثالثا/ اعتقد بأن افضل قهوه موجودة بالسوق1- البريه الخولانية 2-هرري باشنفر .... والشأي 1- شأي الغزالين تلقيمه منتج مستورد من فلسطين 2- شأي ربيع تلقيمه
السلام عليكم ,,,, وياصاحب الموضع مشكووووووووور
نبدأ بالقهوة وكل نوع له سعر وحمسة (تحميص) غير,,وطبخ ..واللي يحطون مع القهوة حاجات تغير طعمها يسمح لي ان قلت له انت راعي مرق مانت راعي كيف.
والقهوة المفضلة اليمنية الاصلية ولا تحصلها الا قليل ويخلطونها الا اني حصلتها وسعر الكيلو65.
اما الشاهي فابتعدوا عن اللي كنه روس قعوس والاكياس اللي يصقعون بها المرجج في السقف والشاهي الصح ما يسود على طول والا.. ترى فيه صبغة. عليك باللي اوراقه بعضها بني وفيه عودان والسيلاني احسن من الهندي لكن احسن الموجود ابو جبل بشرط تحطه بعد ما يغلي الماء والسكر- لاتحاول تغلي السكر كثير -وتركده بدون غلي شوي بالبراد الاصلي اللي ما يطلع له ريحه .مثل الاباريق الكورية الاستيل او الهندي اللي معدنه ثقيل.
الشاهي ابو وزة (تلقيمة) وابو جبل
الشاهي الوزه عز الله انه كيفة الكيف
الذين يشاهدون الموضوع الآن: 1 (0 من الأعضاء و 1 زائر)