انا مع نمر ابن حثلين ما مثل كبوس والعلم على طريقة التصليح
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
انا مع نمر ابن حثلين ما مثل كبوس والعلم على طريقة التصليح
[img]https://www.mekshat.com/pix/upload/
ALRASS
الشاي ايرل قري الانجليزي
القهوه ...الخولانية
طبعا الشاهي اما كبوس وخصوصا اذا صرت بالبيت وعقب المغرب .... ياسلام
او ابو جبل لاكشت مع الربع ... كيافه مامثلها ابد
اما القهوة ... وما ادراك ما القهوة ... فالوالدة عسى الله يرزقني برها ... تحمس ذيك القهوة ثم تدقها دق موزون ... وتتكز لك هاك الهيل اللي مامثله لاهوب اللي كثير يحرق حلقك شوي منه عشان التنكيه .. واحيانا مانحط الهيل ... ولا ادري وش هي ولا من وين جايبتها ... بس الشاهد انها اطلق قهوة اشربها في حياتي - اذكرو الله عليها - هههههههه ... تقاوم ستار باكس بجودتها هههههه ... ومن اراد التجربة .. فحياه الله
للكيف ذوق ولاستماع النشيدي ### لاقلطوا رسلان والا بغاديــــــــدثنتين هيل وثالثتهن عويــــــــدي### وكل على ماتطلب النفس وتريد
هديتي من اخي ريف النشاما ...أهـلا هـلا فيـك راعـي الكيـف === يومك على الحوض متراكـيلافــي عليـنـا بــدار الصـيـت === يـا خيـمـة الشـعـر محـلاكـيملفى هل القاف وأهل البــيت === شـعـارنـا الـيــوم تـزهـاكـــيودنــو دلالــي دنـانـا ضـيــف === سـلــواي يـاكـيـف لــولاكــي
القهوة كلن ومزاجه
اوما الشاهي فهذي اول مشاركة لي وخلوني اتفلسف فيه :
شاهي تلقيمة مافيه احسن من توننقز الاحمر ولازم تراعي ثلاث حاجات الاولى الموية يعني مثلا لا تستخدم موية نستلة لانها مالحة , شف لك اصفى انواع الموية
الثانية اغسل الشاهي بمويه بارده على خفيف
الثالثة نوع الابريق والافضل برايي ستيل اصلي
طريقة الاعداد انت ومزاجك لكن تذكر ان غلي الشاهي ثواني بس
* اللي عنده مكينة كوفي بفلتر ورقي ياليته يجرب يسوي فيها شاهي ويقول لنا رايه......شاهي صافي يخليك تمخمخ
استغرب من الاخوان الي يحبون شاهي ابو عطره
جربت ليبتون ايرل جراي وتكرم النعمه عجزت اكمل البياله
مافيه طعم للشاهي وكن الواحد يشرب من جرة عطر
إحصائية ردود الأعضاء
القهوة
الهرري : 10 أصواتالخولاني : 9 أصواتأم حبال : 5 أصــواتلقمتي : صوتينالبرية : صوتالإندنوسية : صوتالبن الإمريكي : صوت
الشاهي
ربيع : 18 صوتأبو جبل : 12 صوتالكبوس : 7 أصواتاكسبرس : 3 أصواتتوننجيز 3 أصواتالوزة : صوتينممتاز : صوتينليبتون : صوتردليبل الأحمر : صوتتنجل : صوتلورد: صوتالضيافة : صوتالعلمين : صوتالأخضر الصيني : صوت
=====================
أشكر في الحقيقة كل من دلى بدلوه في هذا الموضوع وأفادوا الإخوة الأعضاء والزوار بآرئهم
=====================
أدعوا جميع ملم يشارك في هذا الموضوع أن يتحفنا برأيه
=====================
أسأل الله لنا ولكم التوفيق
السلام عليكم اشكركم على موضوعكم المهم 1-افضل انواع القهوة الهرري طريقته 1-تعبي الدله ماء واذا فاح الماء تحط البن الذي يكفي الدله ثم تطبخ لمدة نصف ساعة
لكي تطلع قهوة تبيض الوجة ثم تطلعها وتتركها لمدة 5دقائق خارج النار ثم تضع الهيل في الدلة وتصب القهوة عليةثمن صب الفنجال وعلوم رجال راح تدعيلي وراح يستانسون ربعك ...وشكرا
2-افضل انواع الشاي هو شاي الربيع الورق وشكرا
السلام عليكم
أما أنا فرأيي هو كما يأتي:
القهوه :هي البريه وهي نوعان: 1)الخولانيه 2)القطما (المبرومه)
وكثر أستدلال الشعراءبهذا النوع من القهوه كما قال الشاعر مرير الحبيل العتيبي:
وبرية شريت على الشرط وخيار ************ شريتها يوم اليماني جلبها
************************************************** ************
أما الشاي: فبرأيي أن الربيع إذا كان مسوى على نار وببراد معدن فلا يضاهيه شاااااااااااااااااااااااااااااااي في العالم
ودمتم 17/3/1427
جربت القهوة الخولانية ووالهرري الحبشية
ووجدت أن الهرري أفضل من الخولانية
أما الشاهي
فجربت الكثير
ومع أني منيب راعي شاهي لكن عندي شاهي أعجبني وطلبته من برا
وهو شاهي إنجليزي أصلي
اسمه: PG
طعمه يدخل في المخ على طووووول
ما شفته في محلات الرياض أو السوبرماركت أبدًا
رحت كم سوبر ماركت.. من هايبر بنده إلى بقالة أبو سعد اللي جنب بيتنا ومالقيته
طبعًا أنا طالبه من برّا...
وهذي صورته
افضل انواع الشاهي عندي ربيع تلقيمه والقهوه البريه هرري
[blink]
أشكر الإخوة المشاركين بردودهم في هذا الموضوع
وأطلب من الأخ ((ضلع الرقيبة)) أن يشرح لنا طريقة صنع القهوة التي ذكرتها
وأطلب من جميع الزوار مشاركتنا في الموضوع لتعم الفايدة وتزيد
[/blink]
فيه ناس يمدحون شيء وما جربو غيره
لكن بشكل عام أقول أن الكيف معادلة عبارة عن الآتي :
القهوة
القهوة + الحمسه + طريقة التصليح + التبهيره (هيل - عويدي) + النار = تلقى لك راسين مرصصه
لاتنس تغسل القهوة أياً كانت في مشخل وتنشرها وتفردها في الشمس في صحن قبل حمسها
الشاهي
شاهي + أبريق غضار وارد الجبر أصلي (غير مكسور)+ سكر عدل + نار هاديه = تشوف الشمس في الليل
أما أنا فأفضل من القهوة (البرية) بعد تجربة جميع الأنواع ، ومن الشاي (أبو جبل) بعد تجربة جميع الأنواع ولاحظو ورقة شاي أبو جبل نظيفة وطويلة أما باقي الشاي فهو حتات الشاي كسر صغيرة وغبار
والكركديه (الضيافة أكياس)
والله يعظم أجركم في بقية القهاوي والشواهي والكركديهات
معلومه مفيده ام احسن شاهي فهو موجود علي طريق الملك فهد في كارفور جمب عمارة الخطوط السعوديه يوجد محل مايبيع الا شاهي قطفه اولى بس شوي غالي
السلام عليكم ورحمه الله وبركاته
يالله انك تحيي الجميع
موضوع راءع وتجاوب أكثر من رائع
وأنا أقول تعددت الآراء والكيف واحد
لكن والله اني استغرب من اللي يقولون شاي الليبتون ( الله يديم النعمة ) لكن أحترم آرائهم وعلى راسي
حنا عندنا بالكويت بالنسبة للقهوة
أفضل نوع هو البرية اليمنية ثم تجي ميسور نيباري
والشاي خوذوا العلم من واحد راعي كيف
رد ليبل ( الفل ) يعني مو الورق لا اللي يجي حبه مفلول
أخوكم السرحي
أنا أفضل شاهي ربيع اللي يجي في علبة حديد
واما القهوه فيهي القهوة الخولانية البرية لكن خلها 20 دقيقة على نار هادئه
الذين يشاهدون الموضوع الآن: 1 (0 من الأعضاء و 1 زائر)