أفضل أنواع القهوة والشاهي لديك !؟! ادخل وعطنا رأيك

[عود رمث]

السلام عليكم

الصراحة إذا صار الشاهي والقهوة محكورات فهن زينات بلا شك

وعلى دوخة الراس إذا اصملنه من أي نوع صارن وبدون تحديد

لأن فيه ناس كثار ما ميزو بين القهوة الهرري أو اليمانية أوقهوة الشعير وأظن إني منهم

وصدقوني إنه قليل اللي يميز

بس إذا جت بوقتها وصحّـت الراس واعدلته فهي قهوة الكيف اللي أدت الغرض

هذا باختصار وسلامتكم

[مدمن الشاهي]

هالموضوع انا اللي باكسبه ..........والميدان يا حميدان

القهوة ريحانه وبس
والهيل الهندي ( لاصحاب الخرمات )
الشاهي ابو جبل لكنه منتالي خرب مهوب مثل الاول
اما الخيط ابطيحكم بشاهي بتروقون عليه هو شاهي انقليزي اسمه (twinings)
تلقونه بالتميمي قرطاسته حمراء
ذوقوه وردولي تكفون خل اشوف انا صدز مدمن ولا كلام نواعم .......... (متأكد تبي تدعولي )
وطبعا ما فيه مثل التلقيمه
ومشكوررررين على الموضوع اللي اتاحلنا نبدي ارآنا .....
مشكور اخوي

[عاشق المجمعه]

موضوع حلو انا الصراحه ما ني راعي قهوه الا برا الديره وعلى الضو اما الشاهي ما اصبر عنه يوميا خاصة بعد نومة الظهر ما احس اني صحيت الين اطقطق لي براد وشاهي ابو جبل هو دواي و الا الليبتون لو اشرب برميل ما يسرني وسلامتكم

[جربوع داعس]

بصراحه افضل انواع القهوه عندي الهرري ويجي منها انواع بس اطلب انت هرري درجه اولى لونها بني غامق ام البني الفاتح لاتاخذها وسعرها ب170 ريال
<<<اسال مجرب ولاتسال طبيب
اما بالنسبه للشاي فافضل شاي ليبتون سيلاني تلقيمه ياخي يخليك تمخمخ
او شاي عدني تلقيمه ورقه صغير ومدور مثل الحبه السوداء
واشكرك اخوي على طرحك الموضوع المفيد

[مهاجر11]

والله بالنسبه للقهوه ( القطماء)
والشاهي ابو جبل

[ودي السدر]

الشاهي الطيب شاهي اسمه شمشيري في صندوق خشب
اللي يعرفه يدلني عليه لاني لقيته فالمزرعه ولا ادري من جايبه
والي عنده منه ان اشتري الصندوق ب200

[ابوفواز]

موضوع جداً جميل
بنسبه لي افضل قهوة هي الهرري
اما بنسبه لشاهي فهوا ابوجبل بياله منه تعدل الراس
ويعطيكم العاقبه

[محب الغيم]

الموضوع ما شاء الله من مواضيع زمان ...

عموماً يبدو أن خبرتكم ومشاركاتكم تجعل الواحد يقرأ الموضوع بدون مشاركة ...

-------------------------------------------------------------

لكن بالنسبة لي غير ( ليبتون ) ما أكيف أبداً ...

وبالنسبة للقهوة ما ني من كييفتها ، لكن يجي لي حزات أمسح دلة لوحدي حتى لو ما أدري وش نوع البن ، أهم شي يكون مزاجي صافي !!

[اخو صالحة]

الشــــــــاهي ربيع تلقيمه
القهـــــــوة الهررياهم شي ماتون ناعمه ...


جربت قهوة نواة التمر وماجزت لي

[ريان الشمال]

قهوة بن هرري وارد من اليمن والتحضير بنفس تحضيرك يابوالشباب
اما الشاهي حلى البر شاهي الربيع ولا اطلق منه

ــــــــــــــــــــــــــــــــــــــــــــــــــ ــــــــــــــ
الــــــــــــــريانـــــــــــــي

[بواردي الدلم]

<HR style="COLOR: #cccc99" SIZE=1> <!-- / icon and title --><!-- message -->

قهوة بن هرري الخيشه الخضرى بنفس تحضيرك يابوالشباب
اما الشاهي حلى البر شاهي الربيع ولا اطلق منه
الــــــــــــــريانـــــــــــــي
الحقيقه ماخليت شي يالرياني لاكن ابو جبل جاله وطر

[امبارك]

السلام عليكم ورحمة الله وبركاته،،،

في رأيي المتواضع.. أن القهوة اليمنية الخولانية مع الهيل الهندي أبوغزالين.. مبهرة بدلة بغدادية.. ومصعطة بشوين قرنفل و(بقصة) زعفران.. مع إبريق شاهي معدن اصلي.. مخدرن به شاهي أبو جبل أو ربيع تلقيمة.. أحسن ما يطلبه راعي الكيف.

تحياتي

[مباري السويس]

والله افضل انواع القهوه عند القهوه الهنديه واسمها (فرحانه) جربوها ياخوان وبتدعون لي انشاء الله تراها مربعه وتجي في خيشه لونها بني ومربوطه بحبل احمر قيمتها تبدا من ال 90 ريال وتصل في بعض الاحيان الى 120 ريال
اما الشاهي فهو الربيع العادي التلقيمه..........

[المكحل/ابو]

طريقتي بالقهوة:
تكون القهوة هرري
حمستها شقراء وليست سوداء ولا خضراء .
حط الملقمة على النار حتى يفوح الماء ثم حط فنجال ونصف قهوة وتكون بجنب النار حتى تقلب لمدة سبع دقائت
بعدها ابعدها عن النار قليلا حتى تصفي شوي ولمدة دقيقتين فقط .
جب الدلة ضع فية ملعقة هيل مع عودين زعفران . ثم اسكب القهوة من الملقمة على الدلة بعدها حط الدلة تقلب مرة واحدة لكي تاخذ طعم الهيل . ثم اشرب خمسة فناجيل او سبعة تكون وتر افضل لك.
طريقة الشاي.
طبعا افضل الشاي ابو جبل.
ولكن احذر ترى ان كنت منتب عارف الوزنية مضبوطة يكون مر .
الطريقة :
خل البريق العدني الهندي على النار حتى يفوح ثم ضع السكر حسب مقدارك بعد قلب السكر قلبتين خل الشاي بيدك ثم ضع الشاي وهو يقلب وانت رافعة عن النار ثم ضعة ليخدر على راحتة واشرب لمين تقول بس انطحلت من الشاي.
والمثل يقول ( عليك باول الدلة واخر البريق )

[العاني]

السلام عليكم

ياشباب بالسبه للأنواع هذي كل واحد ومزاجه فتجد من لايشرب الشاي الا ليبتون علاق ؟؟؟؟؟؟؟؟؟؟؟؟؟؟

وبعض الناس لايشربه الا اذا كان تلقيمه

واما بالنسبه لي انا فالقهوه الخولانيه اليمنيه وكذلك الهرري اذا كانت حمستها ثقيله شوي تفتح مسارات بالمخ

اما الشاهي فهو شاهي (محمود) من الامارات هذا رقم واحد مافيه كلام وجربت جميع انواع الشاهي ولاحصلت مثله

وبعده ابو وزة