اين محلات المظلات المنزلية في الرياض ؟

[هبوب الصبا]

السلام عليكم
مساكم الله بالخير

ابحث عن محلات المظلات المنزلية في الرياض بأشكال مختلفة يارب اللي يرد علي يكسب مليون في شهر آمين وشكرا

[غازي الاسمري]

وعليكم السلام
ههههههههههههه
صراحة دعوتك مغرية
لأكن عسى الله يرزقنا ويرزق جميع المسلمين بالحلال ،،،
بالنسبة للمظلات ياطويل العمر
اي محل خيام تلقا عنده
واذا ماتعرف محل خيام
اطلع مع مخرج ١٥ ووجهك شرق ( طريق عبدالرحمن الاول ) طريق المية،،،
تجيك الاشاره الاولى تعدها ،،، تجيك الاشاره الثانية تعدها ،، وامسك الخدمة ،،، بتجيك محلات الخيام على يمينك ،،، فيه تقريباً اكثر من ١٠ محلات
طبعاً الوصف في مدينة الرياض ،،،
اتمنى أفدتك ،،

[نديم الجدي]

صادق اخوي غازي

امسك مخرج ١٥ ووجهك شرق باتجاه الحرس الوطني تلاقيها يمين ويسار

[هبوب الصبا]

يعطيكم العافية وماقصرتوا
لكن كنت اقصد مظلات مو خيام ومشكورين

[عاشق السيل]

وعليكم السلام ورحمة الله وبركاته ،،

المحلات اللي قالوا الشباب يسوون خيام ومظلات بأنواع وأشكال كثيييييرة ،،

وهم بين إشارة الهرم وإشارة المقبرة وأنت متجه شرق وتراهم أكثر من 50 محل وأنصحك تدور على أغلبيتهم علشان تعرف فرق الأسعار وأنواع الخامات والله يوفقك للي فيه الخير والصلاح .....

[غازي الاسمري]

اخوي فاهم قصدك ،،،
انت روح واحكم ههههههه
فيه مظلات وفيه خيام وفيه سواتر ،،، وفيه اللي تبي ان شاء الله

[هبوب الصبا]

ياجعلكم تسلمون
الله يكتب لكم الأجر ويبارك في حلالكم ومالكم
سلام

[yes999]

ساكو - وشف صفحة 54 في الكاتلوج للاسعار
http://old.saco-ksa.com/promotions/

[باعباد2013]

مظلات وسواتر المديميغ - شارع التخصصي وهذا موقعهم http://www.shadess.ucoz.com

[ابوملوك]

هل لازالت المعلومات كما بالموضوع .. لأنني بحثت عن السواتر بمحرك البحث ووجدت المعلومات الهامه بمنتدانا الغالي مكشات.. كما أحببت أن أرفع الموضوع لأنه قد يهم غيري أيضاً ��

[ابوهَوس]

عندي رقم شخص يفصل وسبق اني فصلت من عنده مظله .. اذا حبيت تتواصل معه راسلني