مشاكل التايوتا الربع والشاص سؤال وجيه

[احوال جويه]

مرحبا

سؤال لا اقصد بة شيئ يعلم الله طبعأ سيارتي في الورشة
لا حظت جيوب ربع وشاص مديلات حديثة 2012 و2011 و2010
مفكوك المكينة توضيب وهايلكسات 11 و10 توضيب
الله يعوض اصحابها خير
السؤال هل هو عيب مصنعي ام سوء استخدام لوكان سؤء استخدام ما يكون بهذة السرعة

[دليلة1]

مالي علم في هالمشكلة ..
لكن.. وهو توقع,, أنه من كثر الشد على المكينه و والقير في التطعيس وبأقصى حد ولفترة طويلة فهذا والله العالم يضر المكينة والقير سواء في المدى القريب أو البعيد وهالحال يدخل فيه تويوتا وغيرها .. وأنا ولله الحمد عندي موتر بر جديد FJ 2011 ودخلته مره للطعوس وفيها لازم تشد على المكينة والقير ثابت على الثالث فبعدها وقلبي موجعني واستخدامي صاير للبر والشعبان أكبر والحفاظ أشوفه أفضل ..
سامحنا على الإطالة وعدم إثراء الموضوع بالخبرة .. والله يعينك على مصيبتك وآخر الشر بإذن الله .. بالتوفيق للجميع

[ذيب النجيل]

بالنسبة للجيوب الربع والشاص مافيه احسن من المكينه الي تجي 24 بلف

وجت بالربع والشاص من موديل 92 الى 99 كلبليتر

ومن موديل 2000 الى موديل 2009 بخاخ

طبعا البخاخ احسن واقوى عزم لان البواجي تجي راسين

واقل صرفية بنزين واقل خرابات من الكلبليتر

ومافيها ديلكو يحتاج وزن وهذا يساعد على زيادة العزم لان التحكم بكهرب البواجي عن طريق منظم ( كمبيوتر )

[sgl2002]

الربع والتويوتا الجديد فيه مشكلة نفس الباترول الفتك وهي مسامير الثلاجة تسقط مع الشد والمرش بالنفود

وطبعا المكينة الجديدة اقل تحمل من القديم ولا احد ينكر

[محب الشافعي]

اخي الكريم : سؤ الاستخدام يؤدي الى خراب المحرك وخصوصا السرعة الجنونية < التطعيس > في احد المرات جائني شاب يشكو من رجفة في المحرك السيارة نيسان باترول 2000 , 6 سلندر وبعد الفحص الاصولي لم اجد سبب هذا العطل فغلب على ضني ان السبب في الصمامات وقد وجدت صمامين محشورين ما بين الشاكوش وحين سئلته عن استخدامه للسيارة اجاب بان له اخ صغير يقود السيارة بشكل جنوني .

[رحال الجوف]

اتوقع يا اخي بحكم ان معي شاص ٢٠١١ ان السبب
الضغط على المكينة بالسرعه والتطعيس والمكينة اشك ان في عطل من المصنع
انا مرة طلع معي صوت تكتكه وتقطيع (ترتره) بالمكينة وراح بس اول ما طلع انا قلت خبط بس
وديته للورشة وفحصته لمار استغرب العامل وشكك بكلامي وقال مابوهـ شي ونا المسؤل بس غير البواجي
ولاتظغط عليه وغير الزيت لايطول يعني كل ٣٠٠٠ كيلو وعملت نفس ماقال والله ضبط لاكن عرفت بعدين من صديق لي. يقول هذا تكايات البلوف الزيت لانقص مايصلهن ومع الوقت يبان صوت احتكاكه وذا تبي تخليهن عادي بس الزيت لايطول وذا تبي تغيرهن غير يفكون المكينة

[ابوحمد1992]

اقول لااحد يوسوس بس
كل موتر مخبط وله قصه مع راعيه

[sgl2002]

^^^
صدقني بتثبت لك الايام ان المكاين القديمة اكثر تحمل من الراسين الجديدة

والا من متى نشوف ربع والا شاص مخبط؟؟!!

[ابوراكان تبوك]

عندك الفلتر الرياضي هو سبب ايضاً للتخبيط لأنه يشفط التراب ( تكرمون ) وهي من الاسباب التي قد يغفل عنها بعض المستخدمين

[ماجد الحايلي]

ماادري والله عن الأسباب بالضبط
لكن سوء الأستخدام أتوقع أنه الأكثر
لأنه كنت بحائل في يوم 1/26
وشفت هايلوكس 2012 جديدة
يارجال سألت العامل عنها قال
الكلتش محترق
قللت له معقولة كذا ماأمداها
تطلع من الوكالة وأشوف داخل
الهايلوكس نفود حائل بوسطها
مليانه قلت قلابي ماهي هايلوكس
ولا وراء العامل يمكن 5 أطنان
كوارين للربع والهايلوكس

وسوء الأستخدام هو أتوقع الأكثر والتأجير المنتهي بالتمليك
زاد المشكلة خرب وأصدم والتأمين عليه الباقي

[احوال جويه]

هل من المعقول ان سؤء الاسخدام يؤثر عليها بشكل سريع
طيب المديلات من 2005 وتحت عندماكانت جديدة مانشوفها بلورش
او ان الصناعة تغيرت

[Abo gssar]

الجديد خصوصا الياباني منها عليه ملاحظات كثير بس مااتوقع تاصل انه تخبط مكاينة من غير سوء استخدام بهذه السرعة

[الد ر ع]

مكاين الجيوب القديمه يصبرن بتطعيس والمجن اما الجديد ياكثر علالهن

[moooj]

سووووووووء استخدااااااام
غير كذا مستحيل يخبط موتر او يجيه شيء قبل ال 300 الف كيلو مهما كان نوعه امريكي او ياباني
يا عزيزي عندنا ناس فاهمة غلط يخيل لهم ان هالنوع او الماركة ما تخرب
انا شايف شيصان مطلعينهم نفود رجعو على سطحات اثنين جدد بقراطيس الوكالة وفي نفس اليوم
وهايلكسات ولاند 2008
وكلهم شايف وش صار لهم
باختصار كلهم تعرضو لأنواع التعذيب والآيذاء الجسدي المتعمد
وما تبيهم يخربون؟؟؟
لكن اقول
الله يهدي الجميع ويرزقنا شكر نعمته

[NOYEB]

نعم سوء استخدم وزر على المكينة والقير.. يؤدي الى تخبيط المكينة بسرعة في اي سيارة كانت.
هذا نوع من الاسراف المنهي عنه.