((((,,, رابطة ملاك و عشاق النافارا,,,))) الجزء الثاني

[sna-651]

مساكم الله بالخير جميع

اخوي navara 2011 ممكن تقولنا وش نوع المروحه اللي شريته

لاني والله انا اعاني بعد من الحرارة وودي اركب مروحه اضافيه

[أبوشريدح]

الله يعطيك العافية navara-2011
ترى ابو ملوح يقربلي هو من الجماعة
وحنا منتظرين احلا ارائك وابدعاتك
الله يسلمك ويطرح فيك الخير والبركة (اللهم آمين)

[أبوو نايف]

ما شاء الله تبارك الرحمن

هذا الفديو رآح يصير له ضجة في اليوتيوب بعد فترة

كيف نفك الفصلة يا أبو نايف من غير فصل عداد الحراراة ؟

و كذلك فصل العداد الكيلومترات ؟

و غير ذلك هل الموتر يجيب 220 كلم من دون أن تمشي وراء أحد ؟

أرجو لك التوفيق

أخوك : NAVARA-2011

والله جبت 220 على ذرا وبدون ذرا تجيب 205 تقريبآآ

وعداد الحراره لا يغرك تره مخبط هههه يعني يشتغل وهو فاصل < اتحداك تفهم ههه

وعيال السرعه شينه فقع معي كفر على 200 الحمدلله ستر ربكم علي

[أبوو نايف]

هلا أبو نايف

أنتم تأخرون علينا فترة طويلة

يالله شد الهمة أنا توني صحيت و الشباب جايين بالطريق

أرجو لك التوفيق

أخوك : NAVARA-2011

آبشر وولا يهمكك

[sna-651]

مساكم الله بالخير جميع

جبت لكم صور لموتري بعد الانقطاع الطويل لكن الموتر وكاله مااضفنا عليه شي مغير الكفرات

ماشاء الله تبارك الله

















هذي صوره احترافيه تخبرون نطقطق على الكام

[jeep 2001]

السلام عليكم ورحمة الله وبركاتة
انا ودي اشتري نافارا جديد
تنصحوني بالموتر
وهل لاحظتة عليه شيى يعيبه
وثاني شي كم قيمتة جديد في المعارض
وهل لازم اشتري بضمان ولا بدون عادي
ووش المواصفات الزينة يعني اخذ SE او LE
واسفين على الاطاله

[jeep 2001]

والنية قير عادي وداخليه احمر

[sna-651]

هلا اخوي

النافارا موتر ماعليه كلام يطربك والحمد لله ماشفت منه اللا كل خير

وانصحك تاخذ ٢٠١٢ LE يجي منها قير عادي وداخليه حمرا

لان فيه ايرباق ومثبت سرعه وتكايه بين السواق والراكب

اما عن السعر الظاهر بحدود ٧٨ الف بالمعارض الوكاله الى الحين مانزلو ٢٠١٢

[jeep 2001]

sna-651 الله يجزك خير يا
لاكن SE ما يجي مراتب مفصوله
وفرامل اي اب اس؟

[jeep 2001]

وهل اذا اخذت بضمان
هل ابستفيد منه
واسف على الاطاله

[sna-651]

sna-651 الله يجزك خير يا
لاكن SE ما يجي مراتب مفصوله
وفرامل اي اب اس؟

لا اخوي SE مراتبها متصله زي الهايلكس

ولا فيها اي اب اس

وبالنسبه للضمان يعطيك الحمراني ضمان لكن لازم تلتزم معه بالصيانه

يعني كل خمس الاف لازم تغير الزيت عند الحمراني مره ب300 ريال ومره ب500ريال

يعني مامنه فايده ياخذ فلوس على الفاضي

[عاشق الكنق2]

لا اخوي SE مراتبها متصله زي الهايلكس

ولا فيها اي اب اس

وبالنسبه للضمان يعطيك الحمراني ضمان لكن لازم تلتزم معه بالصيانه

يعني كل خمس الاف لازم تغير الزيت عند الحمراني مره ب300 ريال ومره ب500ريال

يعني مامنه فايده ياخذ فلوس على الفاضي

بالنسبه لضمان الزيت مو شرط يغيره الحمراني اذا وديت الموتر له قله الزيت مغيره لان الزيت عندهم غالي وشكرا

[برهوم _نافارا]

السلام عليكم ورحمة الله وبركاته


يشباب انا طاحت معي لبست الكشاف الايسر

ورحت الشريكه قالو بـ360 ريال

وهي ماتجي 50

المهم تكفون شوفو لي حل

ودورت بصناعيه مالقيت

[NAVARA-2011]

بسم الله الرحمن الرحيم

كل عام وأنتم بخير

و أسأل الله الإعانة لكم على الخير ما تبقى من هذا الشهر الفضيل

هذه طريقة لاضافة مروحة تبيرد إضافية للنافارا

لمن يشكي ارتفاع بسيط في حرارة الموتر عند الوقوف و المكيف شغال

أولاً / الأدوات :

1/ مروحة تبيرد:

2/ أسلآك :

3/ كتاوت :

4/ زر تشغيل ( إذا أحببت ) :

ثانياً / طريقة العمل :

1: مكان المروحة ( أمام الرديتر ) :

2: مكان زر التشغيل :

3 : مكان توصيل سلك زر التشغيل :

ثالثاً / التكلفة :

1/ مروحة التبريد صينية بـ 50 ريال حجمها 8 .
2/الأسلاك من الكتاوت تقريباً 40 ريال
3/ زر التشغيل بـ 30 ريال
4/ شغل اليد عند واحد معلم بـ 150 ريال

ملاحظة ::

بالنسبة الذي لا يريد زر التشغيل باستطاعته
تسليك المروحة عن طريق مراوح التبيرد
الأتوماتيكية مع السيارة

لكن فيها جرح للأسلاك !!

فأفضل طريقة بعيده عن تجريح أسلاك الوكالة
عمل توصيل تلقائي للبطارية
و عمل زر خاص به
متى ما شغلت المكيف أو تركت السيارة واقفة وهي شغالة
تشغل مروحة التبيريد الأضافية يدوياً ..

المروحة تأكد خذ أكبر حجم يأخذ المكان الذي توضع فيه المروحة

النهاية

و أي استفسار أنا حاضر

أرجو لكم التوفيق

أخوك : NAVARA-2011

[NAVARA-2011]

السلام عليكم ورحمة الله وبركاته


يشباب انا طاحت معي لبست الكشاف الايسر

ورحت الشريكه قالو بـ360 ريال

وهي ماتجي 50

المهم تكفون شوفو لي حل

ودورت بصناعيه مالقيت

ع ـليكم السلام و رحمة الله و بركاته

هلا و غلا بإبراهيم

أبششر أنا بدور لك عندنا بالصناعية

و أبي أمر الوكالة

عندهم خصومات و أعرف بها ناس

أرد لك قريباً

أرجو لك التوفيق

أخوك : NAVARA-2011