(( رابطة ملاك الهايلكس دبل 4×4)) الجزء الثاني

[abooodi111]

السلام عليكم .

تم بمحمد الله تعير المساعدات الامامية ل الهايلكس دبل 4×4 .

نوع المساعد الذي تم تركيبة : مساعدات جبريال امامية . جديدة لـ الهايلكس دبل 4×4 .

مشاء الله تبارك الله











سعر المساعدات 2 : 430 ريال . في الصناعية القديمة جنب ورشة مرات

تجربتي له في النفود : ممتاز مره .

انصح بره


التعديل على الهلي الدبل 4x4 موتري 2013 م :

1- سبرنت بوستر .
2- بواجي بواجي دينسو .
3-ماصوره هدرز مكان الشخالات .
4 مساعدات جبريل امامي .
5 مساعدات فكسار خلفي .

الموتر في النفود : مشاء الله تبارك الله .



( ناقص الموتر : كمبيوتر يوني شب و برمجة )


تحياتي لكم

سامي666

700_kik: ss

~

السلام عليكم اخوي سامي ممكن تفيدني عن هذي البواجي من ناحية الأداء والعزم للسياره وهل فيها ضرر ع السياره لأَنِّي بصراحه ركبة الماصوره وركبة مساعدات ليفلز الغازية وودي أزيد عزم الموتر

[مجروح الروح]

السلام عليكم مساكم الله بالخير
اخواني انا من ملاك الهايلكس دبل عندي مشكله في وطيات الموتر وطاية الفرامل والكلتش
مزعجه مع المطبات والله ودي احذفها وامشي على رجلي الي عنده حل لايبخل علينا

[ذيب النشاما]

السلام عليكم مساكم الله بالخير
اخواني انا من ملاك الهايلكس دبل عندي مشكله في وطيات الموتر وطاية الفرامل والكلتش
مزعجه مع المطبات والله ودي احذفها وامشي على رجلي الي عنده حل لايبخل علينا

عليكم السلام. الله يمسيك بالنور.

الحل جداً سهل. رح اقرب قطع غيار تويوتا
قل ابغا الجلب السودا حقت دعاسات الكلتش والفرامل
صغيره سودا مدوره ومقطومه واقرب ورشه يركبها لك.
بالتوفيق.

[Hwer]

السلام عليكم مساكم الله بالخير
اخواني انا من ملاك الهايلكس دبل عندي مشكله في وطيات الموتر وطاية الفرامل والكلتش
مزعجه مع المطبات والله ودي احذفها وامشي على رجلي الي عنده حل لايبخل علينا

للكلتش والفرامل نفس القطعه للكلتش عدد 2 بلاستك والفرامل مثلها المجموع 4
رقم القطعه
90386-13015

[Hwer]

يااخواني الاعزاء
اسعد الله اوقاتكم بكل خير
حبيت الانظمام في رابطتكم الرائعة وبارك الله في من نفع الناس

اخواني ابيكم تفيدوني عن الاتي:
سيارتي هايلكس دبل 2013 بريمي
ابي اركب لها فيبر الحوض
ودعامة امامية
وريموت الابواب كامل
وهل استطيع ان اجعل المفتاح بشريحة من شان السرقة
طبعا بروح الرياض بعد اسبوع ان شاء الله الي يعرف لي
محل يبيع هالشغلات او ورشة او تشليح او عنده الاغراض
لايبخل عليه وله دعوة بظهر الغيب وسلامتكم جميعاً

جميعها موجوده عند الوكاله قسم الاكسسوارات

[Hwer]

السلام عليكم كيف الحال ياربع ابي جنوط هلل اصلي مقاس 16تركب علي الهايلكس ادبل

البارح حصلتها بالغرابي بالرياض ويقول قيمتها 1000 ريال وهي بالاصل للباجيرو وتركب على الهايلكس بدون توليف

[Hwer]

السلام عليكم ورحمةالله وبركاتة

الحمد لله اشتريت لي هايلكس دبل 2012

لكن حبيت استفسر منكم ياشباب الحرارة عندي تاصل اقل من النص بشوي يعني فوق الربع اقرب مالها النص وشفت سيارة واحد من الشباب على الربع نفس موديل السيارة ونفس الممشى تقريبا غيرت الغطاء متغيرت ...

كان عندي هايلوكس 2010 غماره وكانت حرارته تحت النص بشوي بعته واشتريت هايلوكس 14 غماره جاه صدمه خفيفه بالمقدمه مع راعيها السابق والمروحه شطفت من الاديتر شيء بسيط وتم تغييره وتماتيك المروحه ماتغير وتم تغيير الهوايه الى تايلندي
الحين الحراره الربع الملاحظه اني احس حنة المروحه كأن السيارة بارده اذا وقفت بالزحمه وبعدها تروح الحنه
اتوقع اتماتيك المروحه بعد الصدمه ثقيل وهذا سبب ان الحراره الربع

[مجروح الروح]

الله لايهينك ابي شرح بسيط قلبت مخي الصوره

للكلتش والفرامل نفس القطعه للكلتش عدد 2 بلاستك والفرامل مثلها المجموع 4
رقم القطعه
90386-13015

[slnq7]

يا اخوان من يقدر يفيدني بسعر الفيبر اللي على الرفارف " للدفرنسين "
مثل هالصورة :


لان موتري مثل هالشكل "2006"


يسميه البعض شركات

وودي اركب له الفيبر عشان يغدي مثل ذا :

-----
لاني رحت للتشاليح ولا لقيت الا اماميه يمين ويسار بدون قطع الصدام الصغار
السعر للثنتين الامامية من التشاليح 150 ريال ويبي لها تلميع
اما الفيبر الخلفي ما لقيت الا كم تشليح وينعدون على الاصابع اللي عندهم وكلهم يقولون ما تباع الا بالحوض كامل ! , ما عدا واحد قال للثنيتن 500 ريال !!
و القطعتين الصغار اللي تجي على الصدام الامامي ما حصلت ولا تشليح يبيعها ولكن يقولون سعرها في حدود 150 ريال للثنتين
---
فالسؤال من يقدر يفيدني بأسعارها في التشاليح لانها جديدة غالية قبل الخصم 2800 وكسور وبعد الخصم 1800 ريال " النهدي "
والسؤال الاخر كم يكلف شغل اليد لتركيبها ؟

[صريح المقال]

السلام عليكم ورحمة الله وبركاته ،،

الله يعطيكم العافية جميع والله يجزاكم خير على ما قدمتم من معلومات ونصائح وتوجيهات منها المفيد ومنها المهم ومنها الضروري ويعلم الله اني داخل هالرابطة ما أعرف الهايلكس الدبل ولا بعد استعملتها والآن أقدر أقول اني أمتلك عنها معلومات تكفيني لمعرفة الفروقات بينهن وتحديد المناسب لي سواء عايدي أو تماتيك والوارد وتسجيل الموتر عشان الضمان وما إلى ذلك

ولله الحمد اطلعت على العديد من الموضوعات في مكشات وقرأت في هالموضوع الي هو (( رابطة ملاك الهايلكس دبل 4×4)) الجزء الثاني الكثير ولدي بعض التساؤلات لعلي أجد لديكم الجواب الكافي والله يعافيكم بكل الأحوال، وللعلم مابعد امتلكت هايلكس أبد وقيادتي لها بسيطة وحالياً معي جمس سييرا والنية أبيعه وأشتري هايلكس دبل جديد بإذن الله تعالى:

س1: لمن يمتلك الدفرنس والدفرنسين أو جربهن الاثنين هل فيه فرق بينهن من داخل ؟ يعني هل غمارة الدفرنسين أكبر ومراتبها أرفع؟

س2: المراتب المفصولة أتوقع تقدر تحرك المرتبة ومسند الظهر أيضاً، هل الأمر نفسه مع المرتبة المشبوكة؟

س4: ما تخبرون معرض أو صالة وكالة بالرياض عندهم هايلكس دبل أقدر أفتحها وأركب فيها عشان أشوف وضعها وهل هي مناسبة؟
أقول هالكلام لأن عندي مشكلةٍ بالظهر والحمد لله على كل حال، ولازم الموتر يكون رفيع من داخل بحيث يرتاح الظهر.


والله يجزاكم خير جميع .. هالموضوع ماله ثمن ومشاركاتكم فيه هي السبب.

والسلام عليكم ورحمة الله.

[ابو ووووافي]

يامرحبا بك اخوي
انا من ملاك الغمارتين الدبل وسبق وجربت الغماره بدون دبل واشوف ان مافيه فرق يذكر بينهم من ناحية وسع الغماره تقريبا نفس الشي طبعا الي تجي مراتب مفصوله اريح بعض الشي من المتصله وجهة نظري قابله للصواب والخطاء
الراحه والله مافيه راحه ابد جربت غيرت كفرات ولبست المراتب مافيه فايده وانا افكر ابيعها لهذا السبب طبعا الناس موب سواء فيه من يشوفها مريحه وفيهم زيي من يشوفها متعبه خصوصا في السفر ولا القوه والعزم وقل الاعطال ماشاء الله خذ موتر بس عيبه الوحيد الراحه هذا ما عندي وسلامتك

[صريح المقال]

السلام عليكم ورحمة الله وبركاته

يامرحبا بك اخوي
انا من ملاك الغمارتين الدبل وسبق وجربت الغماره بدون دبل واشوف ان مافيه فرق يذكر بينهم من ناحية وسع الغماره تقريبا نفس الشي طبعا الي تجي مراتب مفصوله اريح بعض الشي من المتصله وجهة نظري قابله للصواب والخطاء
الراحه والله مافيه راحه ابد جربت غيرت كفرات ولبست المراتب مافيه فايده وانا افكر ابيعها لهذا السبب طبعا الناس موب سواء فيه من يشوفها مريحه وفيهم زيي من يشوفها متعبه خصوصا في السفر ولا القوه والعزم وقل الاعطال ماشاء الله خذ موتر بس عيبه الوحيد الراحه هذا ما عندي وسلامتك

جعلك سالم وبيض الله وجهك اخوي

بالسفر اكيد تتعبك لكن ما فكرت تغير المساعدات؟

بالنسبة لي ما ابيها للسفر ولكن للحلال والابل وفي الديرة والخط خمسين كيلو رايح ومثلها جاي بشكل مستمر.

والله يكتب الي فيه الخير والصلاح لنا ولك وللمسلمين أجمعين

والسلام عليكم ورحمة الله.

[ابو ووووافي]

ومن قال سالم يالغالي
مدام الدعوا 50 كيلو خذها ولا تشاور موتر كفو وقوي ويتحمل الكررف
لا وتشيل عليه من العلاف لين يقول بس ماينزل بس انا بعلمك بشي اخاف اخوانا اصحاب الهايلوكس الدبل يزعلوون على ثم تجي علوووم
رحت مع واحد من الربع معاه شاص فتك ياي والله اني عقب هذاك المشوار كرهت الهايلكس كره ياخي قوه خفه راحه غير طبيعيه وسعره مناسب جدا

[صريح المقال]

السلام عليكم ورحمة الله وبركاته ،،

ومن قال سالم يالغالي
مدام الدعوا 50 كيلو خذها ولا تشاور موتر كفو وقوي ويتحمل الكررف
لا وتشيل عليه من العلاف لين يقول بس ماينزل بس انا بعلمك بشي اخاف اخوانا اصحاب الهايلوكس الدبل يزعلوون على ثم تجي علوووم
رحت مع واحد من الربع معاه شاص فتك ياي والله اني عقب هذاك المشوار كرهت الهايلكس كره ياخي قوه خفه راحه غير طبيعيه وسعره مناسب جدا

ههههههههه الله لا يجيب الزعل بين الاخوان وقول الحق ما يزعل وانا اخوك

الياي أكيد ألين وأريح من السسته وإذا بتقارن لازم يكون من نفس الفئة يعني شاص مع شاص أو هايلكس مع ددسن
والشاص الباترول نوعين ياي وسسته والياي ما ينفع حق التحميل لكنه مريح مثل ما تفضلت وأول ما طلع الياي يوم حطو مكينته فتك لكن اتضح بعد الاستعمال انه غير مناسب للتحميل وأصبح فيه نوعين نوع ياي للاستخدام العادي أظن وللأعمال الشاقة والتحميل فيه سست وأكيد ما راح يكون مريح
وسعره مثل ما تفضلت مناسب جداً مقارنة بمنافسينه من نفس الفئة.

بس لا تنسى انه غمارة وحده ومرتبته مفصولة بمركى يعني ما يشيل الا اثنين
عاد شف لا جيتو تكشتون وانتم ثلاثه اما يركب واحد فالصندوق ولا بتوقف موترك عند البيت منظر وتركب مع راعي الغمارتين
هذا غير عند البيع ما كلن بيرغبه ولا تدري بيمسك قيمته ولا لا
ما قصدي من كلامي الا اني أوضح لك ان كل موتر له سلبيات وايجابيات وانت لا تستعجل بالحكم والتجربة غير الاستخدام اليومي ..
وبالنسبة لي كنت أشوف الشاص الفتك أحد الخيارات لمناسبة سعره لكن بالمقارنة بين الايجابيات والسلبيات وجدت الهايلكس بالنسبة لي خيار أفضل.

خصوصاً لو بتستثمره يعني بتكده وبيخدمك مهوب مجرد قيادة وتمتع وبنفس الوقت يحفظ لك دراهمك في حال احتجت لها بأي وقت.

هذا ما لدي فإن أصبت فمن الله وحده، وإن أخطأت فمن نفسي والشيطان.

والسلام عليكم ورحمة الله.

[هواوي الحلوة]

السلام عليكم ورحمة الله وبركاته



متى راح ينزل الهايلكس 15 دبل سعودي تكففوووون يالنشااماااء