(( رابطة ملاك الهايلكس دبل 4×4)) الجزء الثاني

[صحيح]

أخوي صحيح الله لايهينك وبيض الله وجهك ماقصرت معي
والصراحة كنت أفكر أول ماشريت موتري أني اركب ونش
لكن ترددت كثيرا في تركيبه وبحكم اني بالغاط ولا عندنا محلات تبيعه
لكن عقب ردك هذا عطاني شوي دفع أني اركبه
وبالله التوفيق

لاشلت يمينك ياصحيح

ومن يقول الله يوفقك ويوفق الجميع

[ابو حمود 511]

مساء الخير ياشباب ابغاء شد مثل حق السندي او الاختيار او عروق الشمال هايلكس دبل 2011
جديد او مستعمل

[ك ط و 472]

السلام عليكم ورحمة الله وبركاته
اولا مبروك علينا وعليكم امطار الخير والغيث

ثانيا انا معي هايلكس ٢٠١٢ طبعا مدبله وابي اركبلها حامي وجه او عالاقل حامي للشمعات عشان لا ترمل
وش تنصحوني احط حامي وجه ولا برقع ولا اذا بغيت اسافر رشيت الوجهيه ومشيت
اتمنى تفيدوني وشكرا

[~ Abo Rashed ~]

////////////////////////////

[الغاااااطي]

السلام عليكم ورحمة الله وبركاته
اولا مبروك علينا وعليكم امطار الخير والغيث

ثانيا انا معي هايلكس 2012 طبعا مدبله وابي اركبلها حامي وجه او عالاقل حامي للشمعات عشان لا ترمل
وش تنصحوني احط حامي وجه ولا برقع ولا اذا بغيت اسافر رشيت الوجهيه ومشيت
اتمنى تفيدوني وشكرا

وعليكم السلام ورحمة الله وبركاته
الله يبارك للجميع الأمطار والله يجعلها متبوعة غير مقطوعة
وثاني شي الف الف مبرووووووك الموتر الجديد ياخلفهم والله يطعمك خيره ويكفيك شره

الظاهر ان حامي الوجه لايقل عن 1500 ريال ( ترى السعر غير مؤكد
ونصيحتي لاتركب برقع ابد ابد ابد لأنه مع الهواء وأنت تمشي يحك بوية السيارة :::: ويجي من يفيدك من الشباب
والأفضل أنك ترش الوجه قبل كل سفرة

تعرف الكلاد؟؟؟ البلاستيك الشفاف للخبز الصامولي؟
خذ لفة كلاد من السوبر ماركت وحطها على وجه الموتر كامل
ولاتصير مثلي نسيت افتح للشبك / ارتفعت علي الحرارة

اهم شي انك تفتح الشبك عشان يدخل الهواء

[الغاااااطي]

الله يسلمط يالغاطي وماتفقد غالي ومشاغل الدنياء وتتبع اخبار الامطار الله يديمها
انا شاريها من عندنا من صناعية العاصمة حقت باترول وتركب على طول في الهايلكس اما السعر 350 قبل شهر ونص

فيصل ولا عليك امر
مساعدات الباترول كم مديله؟
وهل هي قوية وماسكة الوجه

[فيصل التميمي]

فيصل ولا عليك امر
مساعدات الباترول كم مديله؟
وهل هي قوية وماسكة الوجه

هلا بالغالي انا مركبها وراء حقت باترول من 2004 وطالع
من صناعية العاصمة وكانك تبيها جبتها لك

[أبو سليمان...]

حي الله الإخوة جميعا
وش رأيكم وش الحل للمرتبة الخلفية عندي تقرقع واجد
والكفرات وش رأيكم هنكوك نقشة شاهين ولا حجرية لأني محتار جدا فيه ناس تمدح الشواهين وفيه ناس تذمها من ناحية انسلاخ الكفر من الحصى او غيره
وجزاكم الله خير ولا عدمنا نصائحكم ..

[ملاك الشاص]

السلام عليكم

انا ادور على هايلكس نفس المواصفات اللي بالصور
أنا أدور على موصفات هايلكس دفرنسين من اي موزع ! غير عبداللطيف جميل
تخشيبة
طبلون ليز
مراتب مفصولة

وكم سعره ؟

[ابونبيل]

^^^^^
هذا عماني بس مدري اذا الدفرنسين يجئ كذا

[غاطي 13]

السلام عليكم

عني اكثر من استفسار

حوالي 3 استفسارات

الاولى
ودي اغير الكفرات

وش ازين نوع كفرات وازين مقاس


الثاني
انا مركب لعاب 16 سم
وودي ارفع الموتر من قدام كم سناتي ارفعة

الثالثة
ودي اركب صندوق صغير بالصندوق..<<< محشش خخخخ

زي ذا



ولو تلاحضون نوع الحديد
وين القاء محل يفصل زية



معليش فيه شي رابع

جنوط الهايلوكس خليجي مقاس 15
تنصحوني اغيرة ولى اخلية على شغلة

بانتضاركم

[D.luffy]

يااخوان انا ودي اركب ونش لئن عندي ونش قبل مركبه على هايلكس دفرنسين غماره واللهم لك الحمد شريت هايلكس جديد دفرنسين المهم اني ودي اركب عليه الونش بس يوم ناظرة جسره ولاه ضعيف المهم لو فيه واحد مركب ونش على الهايلكس الشكل الجديد يصوره من داخل يعني من ورا الصدام> بشوف شلون ركب <ما بي صوره من برا الله لا يهينكم .....

[bader7787]

السلام عليكم يالربع انا جايكم من ذا الموضوع http://www.mekshat.com/vb/showthread.php?t=496481

الي يعرف طريقة فصل الارباق اي صفحه انعميت وانا ادورها

[صحيح]

http://mekshat.com/vb/showthread.php...=1#post7949627

[أبو سليمان...]

السلام عليكم
حياك الله اخوي الغاطي
بالنسبة للكفرات انت وإستعمالك إذا انت راعي نفود ولا شعبان وعلى حسب الجنوط اللي مركبها
مثلا إذا انت راعي نفود أنصحك بجنوط الجي تي وكفرات هنكوك مقاس 275/70/16
وبالنسبة للرفعه من قدام كعكة 2سانتي
والصندوق تحصله عند السليماني جاهز وسعره بحدود
900
هذا اللي أقدر أفيدك فيه
تقبل مروري،،