(( رابطة ملاك الهايلكس دبل 4×4)) الجزء الثاني

[فيصل التميمي]

سلام عليكم
وش رايكم في مساعدات استراليه ورى بالهلي الدبل
تنصحوني بهن
ودي اركبهن ومتردد وانتظر الجواب ×

واحد من الشباب مركب حقت مورنو ويمدحها

[فيصل التميمي]

السلام عليكم ورحمة الله
هذه اول مشاركة بالمنتدى
انا عندي هايلكس دبل 2012 قير عادي
وانا استفدت من المنتدى كثير من قبل شراء السيارة وبعدة فللقائمين علية والمشاركين كل الشكر والتقدير
انا تصفحت الرابط الاول من البداية حتى النهاية صفة صفحة
والآن متابع للثاني

حياك الله وان اخوك وان شاء الله تفيد وتستفيد

[ABO A]

عندي استفسار صغير ثاني

انا ناوي على كفرات واستعمالي كل شيء يعني مره نفود ومره شعبان ومره خطوط والشكل له نسبه

ابركب جنوط هلل

مع كفرات حجريه دنلوب ( ابو لبنه ) 235/85/16 والي مجربها يعطيني رايه

او شاهين دنلوب زي حقات الشاص وكاله 225/85/16

او شاهين سومو تومو 245/85/16

هلابك اخوي

انا ركبت الدانلوب الحجري(على جنوط هلل) و الدانلوب شاهين مقاس 15(جنط الوكالة) اما الاخير عاد اول مرة اسمع به صراحتا .

راح اقولك الايجبيات والسلبيات:
نبدا بالدانلوب الحجري صراحتا كفر عليه الكلام يتحمل قوي بالشعبان والطعوس ممشاه ولا احلى كفر ترتاح عليه يقعد معك مايتسحل على طول يعني بمعنى اخر كفر حق (مكدة)

اما السلبيات انه نوعا ما قاسي شوي وغالي السعر

اما بخصوص الشاهين فانه حلو ولين بالمطبات والبطانيج، ممتاز بالنفود افضل من الحجري، راسي بالخط .انا اعجبني الشاهين كاستخدام فترة محدودة بعدين تفكة ،يعني تركبه وقت الشتاء واذا خلص الشتاء تفكهن (عشانه يقضي بسرعة) كفر صراحتا روعة كشكل وكراحة

اما السلبيات فهي بالشعبان انا ارجح الدانلوب الحجري، ثقيل نوعا ما ، يتسحل بسرعة (طبعا على حسب الاستخدام) بالمنعطفات والماء بعض الاحيان لازم تاخذ حذرك ..

وانا ارجح الدانلوب الحجري لي انا طبعا لانه استخدامي قاسي شوي..

واي استفسار انا حاضر اخوي


اخــوك ابو احمــد

[ABO A]

واذا ودك تشوف شكل الموتر وهو عليه الكفرات هذي ارجع للصفحات السابقة ...

[أبو سليمان...]

السلام عليكم ورحمة الله وبركاته
حي الله الاخوان

أتشرف بالانضمام لهذه الرابط
وسأقدم ما لدي للإفادة

موتري هايلكس 2007 دفرنسين

الإضافات:
1-شد حائل الاختيار
2-تانكي 200لتر
3-بطارية اضافية مع توصيل اللمبات
4-تدبيل مساعدات مرسيدس أمام
5-لعاب خلفي
6-جنوط لاندكروزر 97 على كفرات دنلوب

وسأوافيكم بالصور قريبا

أخوكم أبوسليمان

[ABO A]

^^^^^^^^

يامرحبا ومسهلا ,,, الله حيه ياهلا والله بابو سليمان نورت الرابطة ,, يامرحبا فيك بين اخوانك وانشاء الله تفيد وتستفيد وننتظر الصور.

[فيصل التميمي]

حياك الله يابو سليمان وان شاء الله تفيد وتستفيد

وحيا الله ابو احمد لنا مده ماشفناك عساء المانع خير ان شاء الله

[ابو حمود 511]

حياك الله يابو سليمان

[فيصل البهيشي]

بيض الله وجهك يالذيب لعلي اجرب

لكن ليه افصل والسياره طافيه هل فيه ضرر وهي مشتغله !


وبيض الله وجهك

وجهك ابيض طال عمرك

ياخي افصله والسياره طافيه وبس هههههههههه

الصراحه لان الي علمني على طريقة فصل الفيوز يقول سوها والسياره طافيه عشان لا تجيك مشاكل انت في غنا عنها

زي مثلاً الكمبوتر لو تفصل سلك الكهرب حقه وهو شغال مع الوقت تخرب قطعه فيه نسيت اسمها فـ الاحسن انك تطفيه بعدين تفصل السلك براحتك



شوف بالنسبة للأف جي كروزر هذا هو الفيوز المخصص للـ نظام التراكشن كامل مع الـABS





عاد انت خذ دليل المستخدم ( الكتلــوج ) وتلقى رسمه لـ علبة الفيوزات وشوف وين الفيوز المخصص للـ abs



بالتوفيق

[فيصل البهيشي]

شووف الموضوع ذا يمكن يفيدك اكثر

http://www.mekshat.com/vb/showthread.php?t=314982

[ABO A]

وحيا الله ابو احمد لنا مده ماشفناك عساء المانع خير ان شاء الله

الله يحيك ويطول بعمرك ,, والله ندخل الرابطة بس بسكات <<< هههه

[بيضان]

السلام عليكم ورحمة الله وبركاته
كيف الحال شباب من زمان مارديت على الرابطة يابو حمود طلبتك تكفى انك تنزل صور موتـــــــــــــــــــــــــــــــــــــرك

[شغيه]

وجهك ابيض طال عمرك

ياخي افصله والسياره طافيه وبس هههههههههه

الصراحه لان الي علمني على طريقة فصل الفيوز يقول سوها والسياره طافيه عشان لا تجيك مشاكل انت في غنا عنها

زي مثلاً الكمبوتر لو تفصل سلك الكهرب حقه وهو شغال مع الوقت تخرب قطعه فيه نسيت اسمها فـ الاحسن انك تطفيه بعدين تفصل السلك براحتك



شوف بالنسبة للأف جي كروزر هذا هو الفيوز المخصص للـ نظام التراكشن كامل مع الـABS





عاد انت خذ دليل المستخدم ( الكتلــوج ) وتلقى رسمه لـ علبة الفيوزات وشوف وين الفيوز المخصص للـ abs



بالتوفيق

الله يرفع قدرك ويجزاك خير
ماتقصريالطيب

[شغيه]

للأسف فتحت الكتلوج !!!

وأثر رسمهم غير مطابق للحقيقه !

الظاهر مالي إلا خطه الخالدي

[الغاااااطي]

اتصلت البارح على معرض نجد للسيارات بالرياض وسعرت الهلكس2012 جي إل إكس
وقال عنده تماتيك فقط بسعر 118000

سؤالي للجميع ماهو السبب في إرتفاع اسعار التايوتا فقط بشكل مهول وغريب؟؟