(( رابطة ملاك الهايلكس دبل 4×4)) الجزء الثاني

[سامي الخالد]

السلام عليكم ورحمة الله وبركاته

هنا نستكمل نفس الموضوع والذي كان على هذ الرابط

الأن (((((((( رابطة ملاك الهايلكس دبل 4×4)))))))))))

وهو للعضو الفاضل أبو عمار الخالدي

وذلك لكثرة الردود و ليسهل على الجميع تصفحهم وبحثهم عن المعلومه

بالتوفيق للجميع



.

.


.

----------------------------

[سامي الخالد]

السلام عليكم وصباح الخير
شريت سياره 2010دبل قير توماتيك ماشي 46000 وراعيها يقول اخر مره لما كانت ماشيه 5 الاف وفحصوها وغيروا زيتها 160 ريال
واريد امشي معهم بالصيانه الدوريه متى الصيانه القادمه ؟؟؟؟كم كيلو؟؟؟؟؟
وبالنسبه للزيت كم تاخد علبه زيت مع السيفون ؟؟؟؟وش افضل زيت ؟؟؟
ولما فحصتها عند المهندس قال الصلبان يحتاجن تشحيم ؟؟؟؟وين اشحمهم؟؟؟عند البناشر او الوكاله افضل ؟؟؟ولما جربتها بالطعوس لقيت فيه حنه بالمكينه بالدبل الثقيل هل هو طبيعي والدبل الخفيف مافيه حنه بالمكينه ؟؟؟؟وسالت ناس قالوا عشان انه قير توماتيك؟؟؟؟

معليش على كثره اسئلتي بس يهمني كل سؤال ؟؟؟؟؟


هايلوكس 2010 دبل قير توماتيك

[أبي عبدالله]

سؤال وش الزين المساعدات للهايلكس

أمامي وخلفي أخد يقول حط مرسيدس قدام
ورى حط جبريل

ولقيت واحد حاط مساعدات مونرو مع ياي فورتشينر قدام
وقال لي ان المرسيدس صح انه ثابت بس ينفقع

وبعد الخلفي حط جبريل اللي معه ياي

تكفون وش الزين انا موتري عليه حمل كبير تانكي

ارجوا الرد على الخاص لقلة دخولي

[فيصل التميمي]

انا ركبت مساعدات شاص وماجلست شهر وانفقعت والان ركبت مساعدات مونرو افضل من مساعدات الشاص بكثير هذاء وراء اما قدام فليس لدي اي معلومة

[أبي عبدالله]

up .......................

[waleed.m.f]

زيت القير هذا اول شي وما يمنع تشييك كامل

[أبو سليمان...]

ياشباب تراها ماهيب للبيع
اللي يبيها فدوه
وأنا مانيب مستفيد منها

[~ Abo Rashed ~]

ياشباب تراها ماهيب للبيع
اللي يبيها فدوه
وأنا مانيب مستفيد منها

بيض الله وجهك
خيرك سابقك يا ابو سليمان وكثر الله من امثال هذا الوجه الطيب

[صدى البااادية]

السلام عليكم ورحمة الله وبركاته
يالربع انا بعت الموتر والاغراض عندي ونظيفه:
1- مراوح سوبارو
2- هنقل
3- شراع للهنقل- زايد مظله
4- جنوط مرسدس فضية
5- مااصورة مقاس:2بوصه ونصف
6- دعااامة المميز
كلها للهايلكس غمارتين من 2006 وطالع
للتواصل: 0555177059
أبوعبدالله

[ك ط و 472]

السلام عليكم ورحمة الله وبركاته

اولا باركولي شريت هايلكس ٢٠١٢ وكاله سوبر جي ال اكس
وانا كنت احلم بهالسياره من زمان وعلى فكره الرابطه كنت اتابعها من زمان من سنه تقريبا
والحمد لله تحقق الحلم ولو انه تاخر بس خيره
بس يا اخوان انا عندي مشكله الي هي ان كل واحد يسالني وش ناوي عليه اقوله هايلكس يقلب وجهه ويقول من جدك انت !!!!! طقلك سييرا اريح واحسن ووووووووو ويقعد يسويلي سالفه

انا رجال ما ارغب بالسييرا بس الناس خلووني اكره الهايلكس نوعا ما والسبه هالسييرا
فا السؤال هو هل مرة عليكم هالحاله ولا بس انا

هذي اول مشاركه واتمنا التفاعل

[ابونبيل]

السلام عليكم ورحمة الله وبركاته

اولا باركولي شريت هايلكس 2012 وكاله سوبر جي ال اكس
وانا كنت احلم بهالسياره من زمان وعلى فكره الرابطه كنت اتابعها من زمان من سنه تقريبا
والحمد لله تحقق الحلم ولو انه تاخر بس خيره
بس يا اخوان انا عندي مشكله الي هي ان كل واحد يسالني وش ناوي عليه اقوله هايلكس يقلب وجهه ويقول من جدك انت !!!!! طقلك سييرا اريح واحسن ووووووووو ويقعد يسويلي سالفه

انا رجال ما ارغب بالسييرا بس الناس خلووني اكره الهايلكس نوعا ما والسبه هالسييرا
فا السؤال هو هل مرة عليكم هالحاله ولا بس انا

هذي اول مشاركه واتمنا التفاعل

اقولك وانا اخوك انا نفسك بس الفرق بيني وبينك ان موتري بدون دبل قالولي بسعره تحصل جمس دبل

بس مع هذا ماهضمت السيرا ابد هو فخم بس ضيق ولو بتاخذ غماره ونص شكله سيء وطويل ولو بتاخذ غمارتين شين مره طووويل

والصراحه انهم ماحطو عليه هالمكاين القويه الا عشانه ثقيل جدا حتى بالبر لازم تدووووس عشان يمشي صح او تنسم وبالنهايه حاله من حال الهايلكس الفرق بس انه قوي بالخط

بس يارجال لولا اختلاف الاذواق لبارت السلع وترا السيرا هاليومين صاير موضه وبتشوف بعد فتره
شلون بيختفي

[ابونبيل]

وبالنهايه انت شريت خلاص وترا الهلي من واقع تجربه سنتين مايطلب ابد ومريح وبالخط يجيب فصلته بالساهل

[ك ط و 472]

انا والله ما شريت الا يوم استخرت

يعطيك العافيه وما قصرت

[abu.abdallah]

انا والله ما شريت الا يوم استخرت

يعطيك العافيه وما قصرت

مادامك شاورت واستخرت ربك، ما احد بيجيبلك راي خير من اللي اختاره ربك..

الله يذعمك من خيره ويكفيك شره..

[فيصل البهيشي]

يا شباب هايلكس دبل 2005 سعودي غماره بودي وكآآله ماشي حدود 80 الف كـم يسوى ؟

وكيف عزمه ؟

كثير يقولون ان الدفرنسيين ما تصلح وثقيله هل ذا الكلام صحيح ؟