{{{رابطة ملاك البرادو }}} الجزء الثاني

[سال السيل]

أنصح جميع ملاك البرادو والتويوتا خاصة بعدم شراء قطع من السعودية وإنما شرائها من الأمارات لفارق السعر


أ مساعدات خلفية هيدروليك للبرادو من الإمارات سعر الحبة 840 ريال عندنا السعر 1100 عند الموزعين قبل الزيادة الأخيرة 13%
شريت فحمات أمامية برادو 250 ريال أصلى
شريت فحمات خلفية برادو 120 ريال
شريت فلتر قير 120
سيفون يباني 30
فلتر هواء 80
فلتر بنزين 125
ربلة خلفية اللي يدق عليها الموتر 60
الغريب تحصل عندهم زيت تروس سواء دبل او كارونه اصلى ياباني وأيضا ماء إديتر واللي عندنا سعودي
سألت عن المساعدات عند البازعي قبل أروح 1350 الواحد
وعبد اللطيف جميل حول السعر 1300 الواحد

جزاك الله خير على حرصك..
أنا لا رحت للقصيم جبت معي سيفون للزيت ياباني ب35أو40 وفتلتر الهواء أظنه ب90-100 من الحصان وكيل معتمد..
لكن هل فيه موثوق يوصل من الأمارات ونعطيه أتعابه؟؟

[ali7760]

يا جماعه معي برادو 2009 vx

و رحت لأكثر من ورشه حصلت بـ 150 ريال وغيره بـ 170 ريال

والجربوع بـ 500 ريال

صحيح فيه فارق سعر موب بسيط

بس جلست أدور على الورشات يومين و أشوف شغلهم

فيه فرق بالشغل بعضهم يفك مسمار واحد ( باقي مسمار ثاني وحديده )

والبعض يفك مسمارين وحديده ( زين بس يبدأ ينقص مع الخطوط )

والبعض الأخر يلحم المسمارين ( مع المده ينفك اللحام أو نفس الحديده الي ملحم فيها تنكسر وشفت وحده عند الجربوع منكسره )

الجربوع ( سر الزياده أن الموتر ما ينقص عندهم حل )

دخلت ورشه الجربوع وحصلت واحد أعرفه شريك معه و خلان أشوف الشغل كامل بس خلان أقسم بالله أنه ما يطلع الكلام


راح تلاحظون أن لحضه قومة الموتر تقل شئ بسيط لا يذكر

للأستفار الي يبي جوالي أرسله بالخاص

أتمنى أني أفدتكم

دعواتكم لي و لوالديني

وللمسلمين أجمعين

[سال السيل]

حيالله الربع كلن بأسمه


انا أول ماشريت البرادو 2006 VX سمعت عنها ومباشره من بكرا رحت الورشه وفكيتها , وماأخذ ولا نصف ساعه بالورشه

وانصح اي واحد يشيلها ويفك عمره منها ومشاكلها

لان صار لي مقلب منها بموتري الاول وأضطريت اغير المكينه كامله ب 9000 ريال بعد ماطاحت .


وفكها مايكلف الا 150 ريال , بس تريح راسك .


ومايفرق معك الموتر بأي شي بعد شيلها .

كلم لي واحد يقاله أبوسليمان مان يشتغل بفك الثلاجة للنيسان..
يقول جان برادو 2006 فكس..
طايحات مسامير الثلاجة..
لكن ما مر علي غيره..
وكان راعي تفجير وهبال بموتره..
يقول أخذت عليه 400-500 ريال وتاخذ له أبونص يوم!!

فأنا أقول نفكهن ونرتاح..

[خ الفياض]

اخوي علي ممكن ترسل لنا رقمك على الخاص
اخوي سال السيل شكرا جزيلا على جهودكم

الخلاصه اذا كنت راعي تفجير ومطارحات راح ينفكن عليك
غيره ما اتوفع
لكن هذا مايمنع انا نفكهن احتياط
واسلم طريقه حقت الجربوع اذا كان بالطرق الاخرى النقص واااااجد

نبغى تقرير كامل ومفصل حتى نوضح بعض الامور من شخص سوها بسيارته من الاعضاء حتى نرتاح من التعب والتفكير والدفع الغير مجدي جعله الله في ميزان حسناته

مع اني عندي تحفظ على المشكله لانها لم تكن مشهوره مع ان المكينه قديمه فممكن هناك خط انتاج معين فيه هالمشكله لكن لايعمم على جميع مكائن 4000 vv-it
ولايعني هذا ان المشكله غير موجوده
موجوده والنسبئه ضئيله جداااااااا
لكن الاحتياط واجب


وسلامتكم وسلامة مواتركم جميعا

[ali7760]

هلا أخوي الفياض

أرسل لي على الخاص وأرد عليك برقمي

لأن أنا ما وصلت مشاركاتي 50 ولا أقدر أرسل

[غرابيل]

عندي مشكله في مكيف البرادو

توزيع الهواء مايشتغل عندي , يعني الهواء من فوق فقط والزر مايشتغل عندي حق التوزيع
ايضا عندي الهوايه دائما شغاله تجيب هواء من برا وزرها غير شغال .

وعندي مكان الراكب الهواء حار وماينفع معه تزود او تنقص الحراره , وباقي المكيف يشتغل بارد حتى الخلفي تمام .

حاولت بالكشف كمبيوتر عليه ولكن مانفع ولا لقيت لي مهندس طيب يضبط الامور .

انا من القصيم واللي يخبر لي مهندس شاطر يفزعلي والا يخلف الله مالنا غير الوكاله الله يعين عليهم .

الموتر 2006 VX مكيفه الكتروني .

[سال السيل]

حياك الله أخوي غرابيل..
فيه واحد يقاله السيف ممتاز يشتغل بالمكيفات بالصناعية اللي عند إشارة المحاكم الشرعية أخوه هو اللي بصناعية التجاري اللي يشتغل بالمساعدات..
الصراحة ما أذكر وصفه زين..
لكن غذا بلشت مر أخوه خذ منه رقمه تلقى أخوه أول محل لا تعديت الإشارة بالخبيب وجتك أو لفة يمين تدخلك لتجاري مع الحارة تلقاو من أول 4 محلات وواضحن عنده مواتر بر يشتغل ترهيم هدرزات ومساعدات..
وأظن بالزاوية فيه لوحة محل أخوه الأول أذكر أخذته رقمه من اللوحة..
موفق وبشرنا عن الجديد..

[غرابيل]

حياك الله أخوي غرابيل..

فيه واحد يقاله السيف ممتاز يشتغل بالمكيفات بالصناعية اللي عند إشارة المحاكم الشرعية أخوه هو اللي بصناعية التجاري اللي يشتغل بالمساعدات..
الصراحة ما أذكر وصفه زين..
لكن غذا بلشت مر أخوه خذ منه رقمه تلقى أخوه أول محل لا تعديت الإشارة بالخبيب وجتك أو لفة يمين تدخلك لتجاري مع الحارة تلقاو من أول 4 محلات وواضحن عنده مواتر بر يشتغل ترهيم هدرزات ومساعدات..
وأظن بالزاوية فيه لوحة محل أخوه الأول أذكر أخذته رقمه من اللوحة..
موفق وبشرنا عن الجديد..

الله لايهينك ياطير شلوى

ووصفك عرفته , وان شاء الله اليوم امر الصناعيه وان شاء الله اني احصله ويفيدني .

وبأذن الله اذا حصلت لها حل راح أذكره هنا .



لاعدمتك على الفزعه

[سال السيل]

الله لايهينك ياطير شلوى

ووصفك عرفته , وان شاء الله اليوم امر الصناعيه وان شاء الله اني احصله ويفيدني .

وبأذن الله اذا حصلت لها حل راح أذكره هنا .



لاعدمتك على الفزعه

الله يسلمك ويحييك..
ما سوينا شيء يالغالي..
لكن ترى اللي ذكرت لك بالتجاري راعي المساعدات وأخوه اللي بالصناعية الثانية عشان ما تلخبط..
وموفق..

[غرابيل]

الله يسلمك ويحييك..

ما سوينا شيء يالغالي..
لكن ترى اللي ذكرت لك بالتجاري راعي المساعدات وأخوه اللي بالصناعية الثانية عشان ما تلخبط..
وموفق..

الله الله

فهمت عليك , اللي بصناعية الرواف هو المطلوب

اما اللي بالشارع التجاري هذا للترهيمات .

[سال السيل]

صـــحـــيــــح

[ابولؤي الشريف]

السلام عليم ورحمة الله وبركاته كيفكم يااخوان بغيت اسال عن الشمعات الاماميه عندي القزاز حقها دمران هو يتغير ولا كامل النور وكم قيمتها

[أبو محمد 3113]

السلام عليم ورحمة الله وبركاته كيفكم يااخوان بغيت اسال عن الشمعات الاماميه عندي القزاز حقها دمران هو يتغير ولا كامل النور وكم قيمتها

وعليكم السلام ورحمة الله وبركاته
فيه محلات يلمعون الشمعات وترجع زي الجديدة
لمعها وبعدين اذا مانفعت غيرها

[غرابيل]

حياك الله أخوي غرابيل..

فيه واحد يقاله السيف ممتاز يشتغل بالمكيفات بالصناعية اللي عند إشارة المحاكم الشرعية أخوه هو اللي بصناعية التجاري اللي يشتغل بالمساعدات..
الصراحة ما أذكر وصفه زين..
لكن غذا بلشت مر أخوه خذ منه رقمه تلقى أخوه أول محل لا تعديت الإشارة بالخبيب وجتك أو لفة يمين تدخلك لتجاري مع الحارة تلقاو من أول 4 محلات وواضحن عنده مواتر بر يشتغل ترهيم هدرزات ومساعدات..
وأظن بالزاوية فيه لوحة محل أخوه الأول أذكر أخذته رقمه من اللوحة..
موفق وبشرنا عن الجديد..

اخوي سال السيل ولا يهونون باقي الاخوان

رحت للسيف وكلمته عن المشكله اللي بالمكيف والصحيح انه قالي اذا تبيه مثل الوكاله يعني يرجع مثل أول راح يكلف عليك واجد وقالي حط في بالك من 3000 وحواليها !!

يقول لانه يجي 4 حساسات داخل الطبلون للمكيف والتوزيع وكلها غاليه , غير شغل اليد لان الطبلون كله راح ينفك وراح يكلف عليك كثير

وقالي اذا تبي نسكر لك الهوايه امرها سهل نسكرها وماعاد تنفتح .

والصحيح اني احترت والقيمه ماهي شويه ابد , ولا ودي بالشغل اللي عبر روحك .


والله اني محتار , لكن اذا توفر معي زود دراهم فأني راح اسويها والشكوى لله .

[خ الفياض]

اخوي سال السيل ولا يهونون باقي الاخوان

رحت للسيف وكلمته عن المشكله اللي بالمكيف والصحيح انه قالي اذا تبيه مثل الوكاله يعني يرجع مثل أول راح يكلف عليك واجد وقالي حط في بالك من 3000 وحواليها !!

يقول لانه يجي 4 حساسات داخل الطبلون للمكيف والتوزيع وكلها غاليه , غير شغل اليد لان الطبلون كله راح ينفك وراح يكلف عليك كثير

وقالي اذا تبي نسكر لك الهوايه امرها سهل نسكرها وماعاد تنفتح .

والصحيح اني احترت والقيمه ماهي شويه ابد , ولا ودي بالشغل اللي عبر روحك .

والله اني محتار , لكن اذا توفر معي زود دراهم فأني راح اسويها والشكوى لله .

هل لو غيرت ((التحكم اللمس )) كامل من التشليح تروح المشكله
اقصد تغير جهاز التكييف اللي بالطبلون كااااااااااامل طبعا الخارجي فقط

ممكن تكون قيمته 500 او 800

أسئل الكهربائي اذا كان امييييييييييين