المشاركة الأصلية كتبت بواسطة ابوعلوش
صراحة دايم أقرأ استفسارات من بعض الأخوان عن الجيب الفورتنشر وخاصة الذين يرغبون شراء هذا النوع من السيارات ذات الأربع سلندر .. لكن أفاجاً بأن بعض الردود تكون فيها ذام لهذا النوع من الجيوب .. خصوصاً الاربعة سلندر فحبيت اوضح بعض الشئ وذلك من باب التجربة ..
ياعزيزي وسسسع صدرك
لولا اختلاف الأذواق لبارت السلع
والردود هذي شي متوقع
مثل اللي يسأل الصقارين عن رأيهم في الخصيفي أو العقاب...
لازم نعرف اننا في موقع محترف أسمه مكشات
ولازم نتوقع أن أعضائه محترفين كشتات أو أغلبهم على الأقل بروز
وبصراحة بعض المكشاتية المتعصبين يعيبون على الرجال مثل هالأسئلة اذا كان من هل البر أو يجلس في مجالسها.
ولكن برا المندى ممكن يقولون لك ياخي حلو ال4 سلندر...أوفر بنزين...شكله وااااو....تويوتا....النور العالي قوي مرررره.....المسجل رايق...مكيف يبرررد.....أو يكفي أن اسمه معناه المحضوض بالعربي......ومن هالكلام
وبكل حيادية
اذا تبي الأفضل خذ 6 سلندر وادفع زياده شوي
أو أذا ماتقدر تدفع الفرق غير الوكيل وخذ أفضل منه بكثير
وأذا منتب راعي بر خذ سيارة عائلية ولا هايلكس أصرف لك
مع تحياتي و احترامي لك ومن يقرأ
وتقبل اعتذاري اذا لم تعجبك صراحتي
اخوك لوقامالوقا