الامريكى مثل الرز نفخ الكروش وجاب الضغط والسكر الله يجيرنا وياكم من كل مرض ولكن اذا شفناه فوق السفره اصبح عندنا انفصام فى الشخصيه..الامريكان فى امريكا يكابرون ومن حقهم ويشرفهم لان الصناعه صناعتهم ولكن كمتابع والله انهم يقولونها بين السطور كثيرا وعلى العلن قليلا صناعتنا اصبحت صينى!, ولكن اذا تشجع احدهم وقال انا بدلت الى تويوتا او مدح تويوتا هاجموه وشرشحوه ...هم محبطين ولكنهم وطنيين وللاسف البعض منا اكثر وطنيه منهم..
ياناس اتقو الله ولا توهمون الناس وتقولون كل شىء تمام..يشترون لا بأس وذلك لانها ارخص وارحب واريح ولكن...جى ام وشفر من 2008 الى 2012 مضروب والسبب ان هذا الموديل بدأ مع الازمه وتسريح الموظفين واثر كثيرا على هذه الموديلات حتى انهم وصولو الى ربط الاعطال بمصانع محدده وشركات قطع غيار محدده لانهم اثناء الازمه تعاقدو مع شركات قطع غيار رخيصه واشترو كميات كبيره ولا زالو يركبونها! ويتحملون عواقبها! بالمناوره والتأجيل لانها مشاكل لا تعطل السياره تماما ولا تخرب تماما الا بعد انتهاء الضمان..محسوووب عمرها !
1فى 2008 2009 بدات شكاوى كثيره من صرفية الزيت غير بسيطه علبه واكثر فى 2007 انكروها فى البدايه ولكن اليوم لو تسأل مدير اى وكاله يقول لك صح وعندهم تعليمات اذا لتر او حولها فى الف الفين كيلو عادى..فى البدايه حاولو يصلحونها فى كل الموديلات وطلعت خساره كبيره وحسبوها!! فوجدو ان الغالبيه فى هذا النطاق فاصدرو تعليمات اذا الكميه كذا وكذا عادى!!! ..يتهربون من الخساره الفادحه!..
يارجل نحن والعياذ بالله نكابر اكثر منهم..مدمنين رز! والكثير من الناس لا يشتكى واللى يشتكى يصرفونه بسرعه! حمايه للشركه الام من تكاليف الضمان ..سألت مهندس محترم يخاف الله نحسبه والله حسيبه ..وقلت له هذى مشكله! حقيقيه فتهرب فاصريت عليه فرد "نعم" ولكن نقول عادى!؟؟؟ ويذهبون ولا يعودون!!!
يا اخى حتى حنا كنا وكنا وكنا وكنا وعلماء المسلمين معروفين ومنجازتهم العلميه لان ينكرها حتى العدو واخترعنا واكتشفنا حتى الفضاء ولكن هل هذا يعنى ان نأخذ اى شىء على علاته وندافع عنه بسبب الماضى..هذا منطق لا يصح!
كل المشاكل التى فوق حقيقيه ولها اصلاح موثق من جى ام اذا اشتكى الزبون واصر على الاصلاح فانهم ينفذون الاصلاح وابوها واخوها صرفية الزيت..جى ام لا تصدر وثيقه برقم وتاريخ وتحدثها باستمرار لاى خراب الا اذا كان هناك شكاوي كثيره تضر بسمعتهم وكل ما ذكر موثق برقم وتاريخ لموديلات 2007 وما فوق..وللحق الحنه فى الدفرنس غير معروفه مثل الباقي ولكنى اعرف واحد غير كل شىء داخل الدفرنس بأمر من جى ام! على الضمان والسبب الحنه!
الحكومه الامريكيه هى التى تدير وتتحكم فى شركة جي ام وشفر مقابل المبالغ الطائله التى دفعتها لتنقذها من الافلاس المحتوم وستعيدها بعد ان تصبح رابحه وتسترجع اموالها او جزء منها لا اعلم فهناك تفاصيل لا تهمنا!
وكثير من الناس يشرون السوابر ويحطونها فى القراش للمشاوير البعيده او العائليه ولا يستخدمونها كسياره يوميه وتلقى عنده كامري والا ترسل او هوندا اكورد والا حتى كرسيدا يكد فيها ليل نهار وهذا معروف ونشوف السوابر عند البيوت محنطه!! فكيف تبغاهم يتعرفون على مشاكلها الا اذا طفت بالطريق او طلعت الدخاخيين مثل العجاج من الشكمان او شافو الزيوت تنقط او او... وفى النهايه يبيعونها ما مشت الا شوية الف كيلومتر !! واذا ذكروها شبهوها بصواريخ باتريوت وطائرات بي 52 اللى ما تشتغل الا مره كل 10 سنوات وبعدها يبيعونها خرده...حقيقه الشبه واضح! مثل الشمس ...سبحان الله
والحمد لله وصلى الله على محمد واله