اها يعني سيارتي صليبية اجل مسيحية للهابو ابو هشواشتهاا
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اها يعني سيارتي صليبية اجل مسيحية للهابو ابو هشواشتهاا
{إذا كـُنت لا تقرأ إلا ما يُـعجبك فـقـط .. فإنك إذاً لن تـتـعـلم أبداً}دروس ألأصيل الحجآزي *** لكل جواد كبوهمـا حك جـلـدُك مــثــلُ ظـفـرك ‘ فــتــولّ أنـت زمـآمُ أمرك.
الظاهر بسوي كذاا وفي عندي شعار بالدفرنس بعد بشيلها
الله يعطيك العافية يااصيل
بسم الله والصلاة والسلام على أشرف الأنبياء والمرسلين
السلام عليكم ورحمة الله وبركاته :
أحببت أن أشارككم في الموضوع لأني صاحب تاهو 2012
طبعأ التاهو موتر ويستاهل بس مايقارن بتايوتا!!!
"وكلن يمد رجله على قد لحافه" وكذالك نقول"لولا أختلاف الأذواق لبارت السلعه"
طبعأ أنا جربت التويوتا بأنواعه جي أكس أر وهدد و في أكس أر لايعلى عليه بس بالغو بسعره في الأاونه الأخيره ولو مايستاهل ماوصل المواصيل هاذي
وقلت خل أغير أجرب تاهو مع أستشارة بعض أصحابي به فأيدوني لشراءه
توكلت على الله وشريت وكاله من الرياض وشغلت ووجهت للقصيم وفي اليوم الثاني سمعت صوت طقطقه في الماكينه ياربي الموتر جديد مامشا إلا 400 كم فقط ياربي وش السواة قلت عين شكيت في بعض الشباب طبعأ أدري أنه على الضمان بس قهر يطيح من عينك الموتر إذا فك فيه شيء وخاصه في المحركات قلت هاذا الأمريكي الي يقولون مخلي خويه ورطنا طبعأ عندي ورشه ميكانيكا سئلت الميكانيكي قبل أوديه الوكاله قال طرمبة زيت ياناس والله حرام المهم رحت لوكالة الجميح وقلت ياجماعه شوفو الموتر قالوهذا خطأ في خط الأنتاج 2012 عيب فني أومصنعي المهم قلت يعني وش فيه قال صبابات قلت ياجماعه الصوت فعلأ صبابات لكن المشكله في طرمبة الزيت لأن الظغط فوق الشرطه الأولى ومن المعروف أنه يكون على 275 أو أقل بسيط وكذالك الصوت يجي أذا أحتمى فقط وأحيانأ وأما الصبابات فتكون تسمعها الصباح إذا شغلت قال كل 2012 كذا ظغط الزيت المهم مااقتنعت بكلامهم ودخلت على المدير ونبهته بالشيئ هذا قال هذا شغلنا ومالك ألا تستلم سيارتك جاهزه بعد 48 ساعه والله ياجماعه إن هاذي الحقيقه ولم أقتنع بكلامهم المهم دقو علي يوم خلص ودخلت مع المهندس جوا الصيانه وإلا أشوف أغلب الي في الورشه جديد قال المهندس كلها 2012 وبعضها مامشا شيء..!!! وربي أندهشت استلمت الموتر وأنا لم أقتنع أنها صبابات وبعد ثلاثة أيام سافرت ألى مكه وبعد العمره مريت مطعم وأنا واقف أسمع الطقطقه...(لاحول ولا قوة إلا بالله)قلت أبمشي عليه والي كاتبه الله بيصير والحمد لله وصلني طبعأ الصوت يجي ويروح وسبحان الله وأنا جاي ياجماعه إتصلوعلي الشركه
وأسئله معاي كيف الصيانه طبعأ شرحت لهم كلامي سالف الذكر وبعدها بثلاث ساعات تقريبأ وإلا المهندس ألي سلمني الموتر يدق علي ليش تقييمك كذا وراك مابلغتني قلت أنا ماقلت شيئ غلط أنا قلت الواقع وصلت بالسلامه وسلمتهم الموتر والأن ننتظر للمره الثانيه النتيجه لعلها تسفر على خير إن شاء الله .
ياحليلك ياتويوتا والله جربت أكثر من جيب ولاعمري وقفت عند ورشه بسبب عطل في الماكينه أو القير.
هذا والله أعلم وصلى الله وسلم على نبينا محمد وعلى أله وصحبه أجمعين.
السلام عليكم ورحمة الله وبركاته
بشاركم برايي بهذا النقاش وارجوا تقبله وان شاء الله دون تعصب لاي نوع من السيارات
ودون امتداح نوع اخر ماتم ذكره فيه من الصحه نعم وتم تحديده بالاحمر
اضافة الى عيب طرمبة الزيت
ملاحظة هذه العيوب اراها استثنائية ليست بكل السيارات
رغم اني امتلك تويوتا الان الاني ارى ان هذه العيوب لاتقلل من قيمة اليوكون كسيارة عائلية جيده
رغم ان لدي تحفظ على سعره جديد فمثلا الفل الكامل اصبح تقريبا سعر جيب تويوتا gxr
اخيرا اقول لولا اختلاف الاذواق لبارة السلع
كرهتنا في الامريكي ليش يالشهم ماذا بك يا ريال .. ابك انت علامك ؟؟؟؟ ههههههههههههه
السلام عليكم
بالنسبة لما ذكروه الأخوان سابقا عن الأمريكي وأخذ ضاهرة المد والجزر في النقاش المثري لمعلومات القراء والأعضاء أحب أن أضيف وأدلوا بدلوي من خلال تجربتي وأقاربي من إخوتي بين الأمريكي والياباني أن الأمريكي رمز من رموز الغشش وبيع الغبن بكل أمانه وينطبق عليه مثل البطيخة ومو أي بطيخه بل اللتي تأتيك في أول الموسم غالبا قرعا فبداية مني شكيت من طرمبة الزيت عام 2002 على سوبربان سعودي فاكه وكالة وكان الوقت صيف والموتر ماشي حول ال85000كم وكنت بمواقف السوق أنتظر عائلتي تتسوق وجالس بالموتر وما دريت ألا اللمبات بالطبلون تشيك إنجن ولمبة الزيت وضغط الزيت نازل والدنيا ليل عقب العشى وأنزل من الموتر وزيوت مختلطه بالأرض مع موية المكيف على الإسفلت والحرارة مرتفعه ومواصلة للئتش قلت بس جات الجلطه لموتري طف يولد ودور السطحه المهم مالكم بالطويله راحت المكينه وغيرناها مستعمله وكتبت تعهد على نفسي إن يحرم علي أقنى أمريكي مع العلم إني من يوم شريته لم أرض إلا بعزمه اللي ما يتحمل إنك تستمتع بقيادته لازم ينجلط بعكس الموتر ال8سلندر الألماني عملي أكثر ولكن يعيبه الصوف والجلد تحتاج تقريبا كل سنتين تغيير وأيضا من الأمور التي ترضي بالجمس راحته بكل أمانه ولكننا نتحدث اليوم عن 2012 يعني كل الشركات أو غالبها تتنافس لتحقيق أقصى درجات الراحة وقد حققت معايير أعلى بالجودة والإقتصاد وبالرغم من أن ذلك مع الإرتفاعات العالميه إلا أنها مطلب لا يمكن أن نتنازل عنه كمستخدمين ولا عذر في ذلك لمن جيبه مرتاح أو مادته متوفرة فالمعايير والمواصفات للجودة مطلب أساسي وحق مشروع للمستهلكين كافة دون إختلال في أحدها..!
الأمريكي يوهم ببداية إقتناءه بعالم مليء بالرفاهية والنعومة والمساحة الرحبة ولا يحتاج إلا لصيانة دورية حاله حال الشركات الأخرى وواقع الحال يقول أنه لا يفرق عن الصناعة الرديئة ولكن بقناع زائف مصنوع من إعلان وعروض وحجم مركبة ومحرك وضمان مزيف ولم يكتشف الوكلاء سر ذلك الزيف وإنجراف الناس إليه لما تنافسوا على الإستحواذ على القسم الأكبر من كعكة جي إم سي وأيضا فورد كذلك لا تختلف عنها بفارق بسيط كأفضل نسبياوقس على ذلك بقية الأمريكي ولو طبقنا نظرية في علم الإجتماع تعتمد على التأثير على الرأي بالحجم للعين المجردة للإنسان لوجدنا ذلك ديدن الأمريكي مع إننا ننادي بالمظهر وفي السابق كانوا يقولون المخبر أي وش أنت خابرن منه ووش معدنه ومظمونه.
الياباني وما أدراك ما الياباني الأفضل بلا منازع ويعيب عليها سابقا التواضع في المساحة والفخامة وقوة المكينه وسعر القطع لكن بالمقابل كانت الجودة ملموسة ولها مذاق الرضا عند ملاكها ومع الوقت عوضت السيارات اليابانيه المساحة لمختلف الفئات في سياراتها والفخامه المدمجة بين الأمريكي والألماني قوة المكينه حتى ضاهت الأمريكي والألماني معا ولكن على حساب السعر عند الشراء والصيانه كذلك وتلك برأيي لا تغير في إعتمادية وثقتهم بالياباني بل من الأولى بالمستهلك جدولة إحتياجه كإختيار مواصفات أقل أو شراءها إستعمال خفيف فالياباني مهما غلا سعره يعتبر صاحب بصمه قوية الملامح في سوق السيارات ويوج دبه بديل ممتاز للسيارات الأمريكية من رحابة وراحة وقوة ولكن السعر مرتفع لذلك أحاول أن أتنازل عن بعض المواصفات من أجل الجودة.مثال على ذلك اللاند كروزر الvxr ب300000 ريال 8سلندر نفسه الgxr ال8 سلندر ب200000ريال مع غختلاف بسيط وليس جذري في المواصفات هنا زاد السعر عن الجمس ولكن تحققت الجود.
حتى الألماني رائد الفخامة والسلامة بدأ يقترب من الأمريكي من واقع تجربة لي وللقريبين مني والرابط المشترك هنا تحقيق أعلى إيرادات من الصيانه لتحقيقها هامش ربح مرتفع جدا للشركات.
هذا ما احببت أن أظيف وآسف على الإطالة والله من وراء القصد...
بنسبه للحراره بحكم التخصص ماشفت فيه مشاكل الي الطبه الي يسار تنكسر وتبدل وتظبط
مركز حراره لجميع مشاكل الحراره
عندنا جمس 2007 وواجهتنا فقط مشكلة القير
وبعدين بكل أمانة الامريكي لا يعلى عليه ابدا
^^^
موديل 2007 وطلعت فيه مشكلة بالقير ( لاحظ القير ) يعني مو مشكلة بسيطة أو عادية
وتقول بكل أمانة الأمريكي لا يعلى عليه !
ناس عجيبه
سبحان الله و بحمده عدد خلقه, و رضا نفسه, و زنة عرشه, و مداد كلماتهاللهم صلّ وسلم و زد و بارك على نبينا محمدِ
عدد ما ذكره الذاكرون و غفل عن ذكره الغافلون
شهادة حق
شريت يوكن 2010 وفي ال3 الآلاف الاولى تسمع صوت ونة خفيفة على سرعة من 60 الى 80 من الدفرنس
واعدته للتوكيلات وافادوني انه عادي جدا وان السيارة تحت الضمان ومن هالرخيص وووو
عموماً عفت السيارة وبعتها والله العظيم وهي ماشية حول ال10 الاف كم
طبعا نتسائل عن البدائل حتما سنقول تويوتا او نيسان
والمتابع لتويوتا يجد انها في انحدار حيث ركزت على الشكل دون المضمون وغرتها السمعة كثيرا
ولذلك المتابع يجد ان السيارات القديمة افضل من الجديدة تقنيةً وتحملاً وصبراً وتماسكاً وفاعليةً وكفاءةً
فمثلا الجيب اللاندكروزر الجديد ابتداءا من 2008 -2012 يعج بالعيوب المصنعية ومثبت السرعة ليس عنا بجديد فاخباره تملأ الصحف فعاد الناس الى 2007 وتحت لجودته بحكم تجربة الناس له وهضمهم له ثم اصدارهم الحكم بعد التجربة
الكامريات كذلك انا شريت 2007 الشكل الجديد على سنتها ولكنها ليست بجودة التي قبل وكليهما يتفوق عليهما موديل 2002 وتحت من حيث انها سيارات عملية واعتمادية وصيانتها سهلة وقطعها متوفرة ومقبولة من حيث السعر
وجهة نظر عن تجربة
والسيارات الجديدة سواء امريكي او ياباني او الماني ارى انها سيارات استهلاكية ذات عمر قصير جدا من 5-6سنوات وغيرها او الله يعينك على استقطاع جزء من راتبك الشهري للصيانة وتبقى تويوتا ونيسان على سوءهما افضل السيئين الموجودين
وتبقى السيارة وسيلة وليس غاية
اخوي ترى بعض المشاكل الي ذكرها اخ (شهم11111111) حاصلة معي وانا عندي سوبربان 2011 .. قسم بالله جاب لي الموتر الوسواس والصمرقع لدرجة اني كل ما اشوف واحد عنده سوبر اويكون من نفس هالموديلات اروح اسئله وشلون الموتر معه واذكرله المشاكل الي عندي يمكن صاير له نفس الشي .. والله ان بعضهم يطلعون عندهم نفس المشاكل الي عندي والحمد لله بعته وشريتلي سيكويا وهذاهو معي زي الحلاوة وارتحت من الوسواس والمحاتاه .. وانا اقول الي يبي سيارة عائلية كبيرة ماله ألا سيكويا او اكسبديتشن .. وينحاش عن السوابر واليوكن والتاهو خاصة الموديلات التالية من2007وطالع ..!!
لايكون صاب السيارة رمش خبيث تراها تصير انا ولله الحمد عندي تاهو ماشاء الله عليه ماعليه خلاف
لسني احب هذي السيارة بغض النظر عن صحة ماذكر الاخ شهم من عدمه
الموديلات القديمة كانت افضل وعملية اكثر ..
الذين يشاهدون الموضوع الآن: 1 (0 من الأعضاء و 1 زائر)