مشاكل التاهو واليوكون من2007-2012

[رحال7]

الامريكى مثل الرز نفخ الكروش وجاب الضغط والسكر الله يجيرنا وياكم من كل مرض ولكن اذا شفناه فوق السفره اصبح عندنا انفصام فى الشخصيه..الامريكان فى امريكا يكابرون ومن حقهم ويشرفهم لان الصناعه صناعتهم ولكن كمتابع والله انهم يقولونها بين السطور كثيرا وعلى العلن قليلا صناعتنا اصبحت صينى!, ولكن اذا تشجع احدهم وقال انا بدلت الى تويوتا او مدح تويوتا هاجموه وشرشحوه ...هم محبطين ولكنهم وطنيين وللاسف البعض منا اكثر وطنيه منهم..

ياناس اتقو الله ولا توهمون الناس وتقولون كل شىء تمام..يشترون لا بأس وذلك لانها ارخص وارحب واريح ولكن...جى ام وشفر من 2008 الى 2012 مضروب والسبب ان هذا الموديل بدأ مع الازمه وتسريح الموظفين واثر كثيرا على هذه الموديلات حتى انهم وصولو الى ربط الاعطال بمصانع محدده وشركات قطع غيار محدده لانهم اثناء الازمه تعاقدو مع شركات قطع غيار رخيصه واشترو كميات كبيره ولا زالو يركبونها! ويتحملون عواقبها! بالمناوره والتأجيل لانها مشاكل لا تعطل السياره تماما ولا تخرب تماما الا بعد انتهاء الضمان..محسوووب عمرها !
1فى 2008 2009 بدات شكاوى كثيره من صرفية الزيت غير بسيطه علبه واكثر فى 2007 انكروها فى البدايه ولكن اليوم لو تسأل مدير اى وكاله يقول لك صح وعندهم تعليمات اذا لتر او حولها فى الف الفين كيلو عادى..فى البدايه حاولو يصلحونها فى كل الموديلات وطلعت خساره كبيره وحسبوها!! فوجدو ان الغالبيه فى هذا النطاق فاصدرو تعليمات اذا الكميه كذا وكذا عادى!!! ..يتهربون من الخساره الفادحه!..

يارجل نحن والعياذ بالله نكابر اكثر منهم..مدمنين رز! والكثير من الناس لا يشتكى واللى يشتكى يصرفونه بسرعه! حمايه للشركه الام من تكاليف الضمان ..سألت مهندس محترم يخاف الله نحسبه والله حسيبه ..وقلت له هذى مشكله! حقيقيه فتهرب فاصريت عليه فرد "نعم" ولكن نقول عادى!؟؟؟ ويذهبون ولا يعودون!!!

يا اخى حتى حنا كنا وكنا وكنا وكنا وعلماء المسلمين معروفين ومنجازتهم العلميه لان ينكرها حتى العدو واخترعنا واكتشفنا حتى الفضاء ولكن هل هذا يعنى ان نأخذ اى شىء على علاته وندافع عنه بسبب الماضى..هذا منطق لا يصح!

كل المشاكل التى فوق حقيقيه ولها اصلاح موثق من جى ام اذا اشتكى الزبون واصر على الاصلاح فانهم ينفذون الاصلاح وابوها واخوها صرفية الزيت..جى ام لا تصدر وثيقه برقم وتاريخ وتحدثها باستمرار لاى خراب الا اذا كان هناك شكاوي كثيره تضر بسمعتهم وكل ما ذكر موثق برقم وتاريخ لموديلات 2007 وما فوق..وللحق الحنه فى الدفرنس غير معروفه مثل الباقي ولكنى اعرف واحد غير كل شىء داخل الدفرنس بأمر من جى ام! على الضمان والسبب الحنه!

الحكومه الامريكيه هى التى تدير وتتحكم فى شركة جي ام وشفر مقابل المبالغ الطائله التى دفعتها لتنقذها من الافلاس المحتوم وستعيدها بعد ان تصبح رابحه وتسترجع اموالها او جزء منها لا اعلم فهناك تفاصيل لا تهمنا!

وكثير من الناس يشرون السوابر ويحطونها فى القراش للمشاوير البعيده او العائليه ولا يستخدمونها كسياره يوميه وتلقى عنده كامري والا ترسل او هوندا اكورد والا حتى كرسيدا يكد فيها ليل نهار وهذا معروف ونشوف السوابر عند البيوت محنطه!! فكيف تبغاهم يتعرفون على مشاكلها الا اذا طفت بالطريق او طلعت الدخاخيين مثل العجاج من الشكمان او شافو الزيوت تنقط او او... وفى النهايه يبيعونها ما مشت الا شوية الف كيلومتر !! واذا ذكروها شبهوها بصواريخ باتريوت وطائرات بي 52 اللى ما تشتغل الا مره كل 10 سنوات وبعدها يبيعونها خرده...حقيقه الشبه واضح! مثل الشمس ...سبحان الله

والحمد لله وصلى الله على محمد واله

[ابوعلي911]

السلام عليكم ورحمة الله وبركاته

انا مستخدم سوبربان موديل 1998

واستخدمته 7 سنوات درت فيه السعوديه وبعته ولله الحمد مكينه وقير ودفرنس على الشرط

واشتريت سوبربان موديل 2000

واستخدمته سنتين ووضبت القير بعد ما اشتريته بمده

واشتريت سوبربان موديل 2004

واستخدمه من 3 سنوات ووضبت القير بعد ما اشتريته بمده

طبعا كلها استخدام امريكي

الشاهد...ان السيارات الامريكيه (جي ام) لا يعلى عليها في السفر والمكده والعائله والتحميل

حرب الوكالات القذره مالنا شغل فيها...كلهم حراميه مافيه جدال

لكن السوق مفتوح والمفروض يتنافسون على الخدمات والصيانه ورضى العميل

مو يتنافسون على السب واللعن وانتقاد بعضهم البعض

آسف على الاطاله...بس حبيت اقول رآي شخصي بكل صراحه

وسلامتكم جميع

[فرفور بريده]

يا اخوان هذا سبق ونزل موضوعه بمنتدى السيارات

وحذفوه .. والله يهديه ان شاء الله

وترا نيته طيبه .. بس هو الله يصلحه فسر هالشي من راسه وهو بالاساس مافيه اي مشكله

وشكرا اخوي شهم

[رحال7]

يا اخوان هذا سبق ونزل موضوعه بمنتدى السيارات

وحذفوه .. والله يهديه ان شاء الله

وترا نيته طيبه .. بس هو الله يصلحه فسر هالشي من راسه وهو بالاساس مافيه اي مشكله

وشكرا اخوي شهم

يعلم الله اننى لا احب الجدل واخاف امدح شىء او انتقده فاظلمه وحقيقه اول ما قرأت الموضوع تنبهت ان الهدف هو الرد على ما حدث للاندكروز ولكن بعد تفكير ومراقبه وجدت ان الموضوع مهم وحقيقي فلماذا نخفي الحقيقه اذا كنا المستفيدين اولا واخرا.. ولكن هذا المنتدى ليس منتدى السيارات فهو على اسمه وربما هناك تدخلات فى ذلك المنتدى من وكلاء او احدهم بمقابل طبعا لانه متخصص وموجه..الله اعلم ولكن هذا غير مستبعد البته!

هذا الموضوع مهم ويجب ان نحسن الظن مره ومرات حتى يتبين العكس تماما...كل المداخلات مفيده وفيها معلومه وخبره ويجب ان نشكر الله اولا ان اعطانا هذه التقنيه لنتعلم ما هو نافع لنا! ونتبادل الخبرات بدل ان نبقى تحت رحمة مافيا الوكالات والورش!

[فرفور بريده]

يعلم الله اننى لا احب الجدل واخاف امدح شىء او انتقده فاظلمه وحقيقه اول ما قرأت الموضوع تنبهت ان الهدف هو الرد على ما حدث للاندكروز ولكن بعد تفكير ومراقبه وجدت ان الموضوع مهم وحقيقي فلماذا نخفي الحقيقه اذا كنا المستفيدين اولا واخرا.. ولكن هذا المنتدى ليس منتدى السيارات فهو على اسمه وربما هناك تدخلات فى ذلك المنتدى من وكلاء او احدهم بمقابل طبعا لانه متخصص وموجه..الله اعلم ولكن هذا غير مستبعد البته!

هذا الموضوع مهم ويجب ان نحسن الظن مره ومرات حتى يتبين العكس تماما...كل المداخلات مفيده وفيها معلومه وخبره ويجب ان نشكر الله اولا ان اعطانا هذه التقنيه لنتعلم ما هو نافع لنا! ونتبادل الخبرات بدل ان نبقى تحت رحمة مافيا الوكالات والورش!

كلامك سليم .. بس ياليت يكون كل شي واقعي

والمنتدى اللي قلته انا ماله دخل بالوكلات ولا غيره ,,

يكفي ان اغلب الردود , ولا واحد اشتكى اكثر من 10 نفو هالشي ولا واحد قال ان كلامه صحيح

هذا غير الاشخاص اللي عنده اكثر من جمس وجربها كثير ولا شاف اللي يتكلم عنه ابدا

ولعلمك انه سجل بيوزر ثاني .. عشان يقول ان كلامه سليم

بالله اي فايده هذي ؟؟

والموضوع هذا كذلك مافيه احد وافقه الرآي

[شهم1111111111]

كلامك سليم .. بس ياليت يكون كل شي واقعي

والمنتدى اللي قلته انا ماله دخل بالوكلات ولا غيره ,,

يكفي ان اغلب الردود , ولا واحد اشتكى اكثر من 10 نفو هالشي ولا واحد قال ان كلامه صحيح

هذا غير الاشخاص اللي عنده اكثر من جمس وجربها كثير ولا شاف اللي يتكلم عنه ابدا

ولعلمك انه سجل بيوزر ثاني .. عشان يقول ان كلامه سليم

بالله اي فايده هذي ؟؟

والموضوع هذا كذلك مافيه احد وافقه الرآي

شيء غريب!!!!!!!
أشكر الجميع وخاصةً رحال فهو بصراحة بين نقاط مهمه في غاية الأهمية لم تكن لدي هذه المعلومات القيمة...
ولانريد ان يتحول الموضوع إلى جدل عقيم ... لا يوجد أحد وافقه كلامه وأكثرهم نفو وكلامه مو واقعي ومن هالكلام الإنشائي ....قل رأيك فهو من حقك ولاتتكلم بالنيابة عن االآخرين فهو ليس من حقك
الأخ رحال ... انا قد ألحيت على جي إم لمدة سنتين ولم تحل مشكلة الدفرنس بل وأقسم بالله إني قلت للوكالة بدلو لي دفرنس من سياراتكم الواقفه ورفضوا ورحت لقسم العناية بالعملاء وقلت لهم نفس الكلام قالوا مايجي كامل قلت من سياراتكم الواقفة وما أبغى لكم ضمان أبدفع لكم 10000 ريال وافق ... وبعدين كلم له واحد وما أعرف اللي داربينهم في التلفون وغير رايه وقال خل موترك المره هذي وشف هو يصلح وألا لا وإذا ما صلح لك ذلك
وبصراحة هذا كان رئيس قسم خدمات العملاء وهو شمري ورجال محترم ومثقف جدا وعنده معرفة جيدة بمشاكل السيارات في جي إم لكن البلا في معازيبه
طبعاً أنا مليت وكرهت السيارة وكل ما جربت سيارة من سياراتهم عندنا في المعرض لقيت فيها نفس المشكلة
وحبيت أكتب تجربتي لكم أعزائي القراء
ومثل ما قال الأخ رحال ... الكثير من الناس يوقف السوبر وألا التاهو أو اليوكون ويستخدم سيارة ثانية ولذلك لا يكتشف مشاكلها
بل الكثير من الناس لا مشت عنده السيارة 60ألف وألا 100ألف قال يازين هالموتر!!
مايعرف ان فيه سيارات من ماركات معروفة قطعت 800ألف ولم تحدث بها أي مشكلة ميكانيكية وهذا في هالسيارات أصبح طبيعي
ووالله اني أعرف واحد مشت عنده سيارة سيدان من نفس هالسيارات مليون ومافك المكينه أو القير وما صار فيها مشاكل كبيره
يا أعزائي نحن يجب أن نكون أذكى من هالوكالات نعرف وشنختار سيارة ونتبادل المشاكل لكل سيارة بكل صدق
لا نمدح سيارة لمجرد إننا نملكها
وياإخوان ... سيارات جي إم تمشي ماتقول لا بس لازم يدك فيها كل فترة تسحب منك فلوس...طبعا واحد بيقول ما فيه شيء ما يخرب أقول هذا صحيح ولكن هناك شيء معقول وشيء غير معقول ...إضف لذلك غلاء قطع الغيار
وضعف جودتها...فالقطع الموجودة لدى الوكالة وقطع الغيار ليست بنفس جودة القطع الموجودة في السيارة
ولذلك من أن تبدل القطع الأصلية(وهي أصلاً جودتها ضعيفة مقارنة ً بقطع جي إم سابقاً)الموجودة في السيارة تصبح السيارة أكثر طلب للصيانه وهكذا تزداد معاناة مالك سيارات جي إم
وكمثال على السيارات الإقتصادية
أنا أملك سيارة كامري 2004 6سلندر (تورنق) وكالة وماشية 200ألف كلم وما صلحت فيها إلا الفحمات الأمامية مره والسير مره والكفرات مرتين ولا فيها ولا أي مشكلة بالله عليكم أليست هذه هي الجودة؟
ماهو وجه المقارنه عندما نقارن ذلك بشخص إستخدم لومينا 6 سلندر وألا8سلندر ماذا تتوقعون حدث له مع هذه السيارة
أنا أقول إنه قام بإصلاح أغلي مايلي:
1- مكيف السيارة بمبلغ على الأقل 1000ريال لن الكومبروسر راح يخرب هذا إذا لم تخرب الثلاجة
2- غير الثرموستات(الكوع) 100قطع+50شغل=150ريال
3- قام باصلاح الراديتور 150 ريال
4- أصلح تهريب قازقيت السيفون 1000 ريال
5- غير القماشات 4 مرات او ثلاث بمبلغ 1000 ريال
6- غير صوف المكينه 500 ريال
7- غير المساحات 3مرات بمبلغ 100 ريال
8- غير صوفة القير الخلفي150ريال
9- غيرأسلاك البواجي مع البواجي 700 ريال يمكن3مرات
10- غير طرنبة البنزين مرتين مع شغل اليد1000 ريال
11- غير مروحة تبريد المحرك (لنها تتكسر) + تغيير الدينمو 250 ريال
12- عنده لمبات مولع فيةالطبلون
13- غير بيرنقات الكفر الأمامي مرتين 1000 ريال
14-غير طرنبة الموية مرتين 1000 ريال
15- وغيرها وغيرها وهذا إذا سلم من مشكلة كبيرة مثل القير وألا خراب المكينه بسبب إرتفاع حرارة مفاجيء للسيارة مثل خراب طرنبة الزيت فجاه وإذا سلم من مشكلة مصنعية
وعليكم الحساب للتكلفة والمقارنة والحكم

[رحال7]

كلامك سليم .. بس ياليت يكون كل شي واقعي

والمنتدى اللي قلته انا ماله دخل بالوكلات ولا غيره ,,

يكفي ان اغلب الردود , ولا واحد اشتكى اكثر من 10 نفو هالشي ولا واحد قال ان كلامه صحيح

هذا غير الاشخاص اللي عنده اكثر من جمس وجربها كثير ولا شاف اللي يتكلم عنه ابدا

ولعلمك انه سجل بيوزر ثاني .. عشان يقول ان كلامه سليم

بالله اي فايده هذي ؟؟

والموضوع هذا كذلك مافيه احد وافقه الرآي

انا اشوف من الردود ان هناك موافقه الا على بعض الامور البسيطه ,,, وتحديده للتاهو واليوكون ربما لتجربته والا فالامر هذا يشمل الونيتات تقريبااو كل مكائنAFM 5.3l

قلت ما عندي ولا يهمنى اسم اليوزر ولا من فين جاي ...اللي في النيات يعلمه الله

[فرفور بريده]

اوف 200 الف وغيرت كل ذا

معي 2007 ماشي 263 الف

ماكلف علي ابد .. الشي الوحيد القوي اللي تعطل معي طرمبه زيت

اما الباقي قطع استهلاكيه

1- مشكلة حنة الدفرنش وهي منتشرة جداً وتختلف قوة الحنة من سيارة لأخرى وهي ستؤدي حتماً إلى خراب الدفرنش كاملاً إذا لم تصلح المشكلة لأن الصوت سببه إحتكاك بين السنن
وهذي المشكلة لايستطيع أي ميكانيكي حلها ما عليكم من الكلام لا الوكالة ولا أشطر مهندس ... الدفرنس إذا فك مايصلحهإلا المصنع
2- مشكلة القير وهي منتشره في 2007و2008
وعشان كذا ركبو على 2009 وطالع قير الدينالي أبو 6 سرعات

اما منتشره .. قويه

وسالفه انهم ركبو قير ابو 6 سرعات عشان مشاكل فيه .. لا طبعا

كلها منافسه عشان السكويا

3- مشكلة الحرارة

قديييييييم انت ,

4- ضعف عزم السيارة بسبب ضعف محركها وثقل وزنها باستثناء الدينالي عزمه جيد(يعني ضعف تسارع السيارة من بدء الحركة) والدليل على ذلك إذا تحركت السيارة في إتجاه الهواء لا تتجاوز السيارة سرعة 160كلم/س إلا بالخامس

بالعكس عزمه قوي .. واقوى من الجيوب

10- كرسي السايق غيرمريح

اجل وش المريح ؟

11- كل السيارات تجي مصدية من أسفل خاصة الهيئة الأمامية لها((شيء مضحك سيارة جديدة فيها صدأ))

ماعمري شفتها .. حتى بموتري يوم كان جديد


بالاخير اذا انت واجهت مشاكل , طبيعي جدا الحالات الشاذه بكل السيارات

ولاتعمم على كل السيارات

يعني كل هالجموس بالشوارع فيها مشاكل دفرنس يعني ؟ لو كذا كان انتشرت مثل سالفه المثبت

و 4 من اخوياي معاهم جموس .. واحد 2009 والثاني 2010 والثالث 2009 بس تاهو والرابع 2012 توه شاريه

وانا 2007 , وماشاء الله ولا اروع

والحين لو تروح تشري 2012 لازم حجز من كثر الطلبات وماهم قادرين يلحقون عليها

اسبوعيا تقريبا عند الجميح اشوف 3 شاحنات دورين محمله سيارات

والسيارات ناجحه وبقوه

[شهم1111111111]

إذا ماشي 263000 ماصلحت فيه كذا شغله لكن خلك واقعي وإذا هذا حصل فسيارتك هي اللي حالة خاصة
وبعدين ترى 2012 أبلشونا كل شوي يدقون يعزمون على سياراتهم
وانا قلت في الموضوع اناجربت عدد كبير من السيارات وليست سيارة واحدة مثلك
أضف لذلك هناك تأييد من قبل الأعضاء ذوي الخبرة لأن هذا الموضوع يحتاج لشخص صاحب خبرة وليس له مصلحة لافي وكالة وليس مسوق لشركة جي إم ...

[شهم1111111111]

صدقت يا رحال ....الأمر يشمل الكل وأنا قلت الكلام هذا أن أقل سيارات جي إم مشاكل هي اليوكون والتاهو وجماعتها(الونيتات- السوبر- أفلانش....)
أما السيارات السيدان فهي أعوذ بالله مليانه مشاكل تشيب الرأس
ويمكن نقسمها لمجموعتين:
1- الكابريس واللومينا وجماعتها (فيها مصايب)
2- سيارات دايو سابقا(فيها كوارث)

[فرفور بريده]

ع العموم

خلاص ارتاح .. السياره كلها مشاكل بمشاكل وماتمشي الا بالدف بعد ,

والدفرنس مايمر معاهم 10 الاف الا هم ماخذين واحد جديد من الوكاله

والسياره كلها تتكسر وتفكك ودايم تخرب .. < -- الصيني ماصارت كذا

النقاش معك عقيم صراحه والتعميم لغه الجهلا , واضح ان معرضك كله تويوتا وطايح سوقك الله يصلحك

ولو الله يفكنا من شركم كان حنا بخير

[فرفور بريده]

وبعدين ياخي خاف ربك

كيف تقول نزلت موضوع بمكان اخر .. والكل آيدك ان كلامك صحيح

وهنا ولا واحد قال ان كلامك صحيح , كلهم ضدك

حتى المنتدى اللي حذفو فيه موضوعك ولا واحد قال كلامك صح

الا شخص واحد .. اللي هو انت مع احترامي لك وسجلت بيوزر ثاني عشان تطبل على كلامك

وش تستفيد من هالكلام قولي ؟

حنا جايين نستفيد ياخي ,, لكن صدق المثل الناجح محارب

[نجم الغربيه]

سبحان الله وبحمده سبحان الله العظيم

[شهم1111111111]

أشكرك ..أخي فرفور بريده على مرورك وإبداء رأيك الذي أحترمه وأقدره ولكن أرجع أقول لا تصادرآراء الآخرين
الله يهديك ويرضى عليك ويرحم والديك ..أدخل على موقع مستعمل وشف
كم واحد إشتكى من نفس المشكلة أو أدخل على موضوعي في مستعمل
وشف هل فيه أحد أيد كلامي وألا لا؟
الله يرضى عليك ...ما عندك إلا يوزر ثاني... موضوعي إنحذف وكذا شخص أيدني وكذا شخص (قروب) عارضني بدون حجة مجرد معارضة ... ماهو التفسير العقلي لحذف الموضوع من ذلك المنتدى؟هو فضح الموضوع للوكالة وإبرازه عيوبها...بل أقسم بالله ان أحد إداري المنتدى أرسل لي على الخاص وقال نحن لنا علاقة بالوكالة
وكذا شخص عارضني وهو صادق تجربته مع السيارة يشوفها ممتازة...أنا صدري يتسع لكل الآراء لكن لاتقل شيء لست متأكد منه
...هناك أشياء توافق العقل ...يعني كل اللي أيد بعض نقاط الموضوع أو كلها مسجل بيوزر ثاني... الله يحفظك ويصلحك ويرزقك...يمكنك الله يعافيك ما قرأت ردود الموضوع بشكل مركز ...راجع المضوع
أخيراً لا أريد الموضوع يتحول لردود بيني وبينك ..نريد العودة للموضوع

[شهم1111111111]

نريد تجربتك عزيزي القاريء ...سواءاً كانت تؤيد موضوعي أو تخالفة... نحن نريد تجارب حقيقية