حراره جمس 89

[Jeep 2005]

السلام عليكم

صبحكم / مساكم الله بالخير

جمس موديل 89.. مكينه 350

المشكلة عندي الحراره ترتفع وتنزل .. ماهي ثابته
واذا شلت البلف ((الثيرموستات)) الأمبير ينسدح

مع العلم ان راس المكينه سليم وممسوح بالمخرطه
الطرمبه جديدة
الراديتر مسييخ
الخراطيش جديدة واصليه
غطا الراديتر جديد
كلتش المروحه جديد ((مروحه سير)) الميكانيكة.


البلف شريته من محل وركبته ونفس الشي رحت للعيسى عشان اقطع الشك باليقين من ناحيه انه اصلي وشريته ونفس الحاله
امبير الحراره شكيت انه خربان .. وركبت خارجي ونفس الحاله

امبير الحراره يرتفع وياصل للنص واحيان فوق النص ثم ينزل لفوق الربع
ويرجع يرتفع من جديد ويرجع ينزل

ارجوا من الخبراء يفيدوني عن الخلل

بارك الله فيكم ..

[مكشاتي وفي]

وعليكم السلام

ياخوي المشكله من البلف
خله بدون بلف وجرب كم يوم إذا ظبط لاتركبه

[Jeep 2005]

كيف المشكلة من البلف وانا مغيره بأثنين وواحد منهم من الوكاله.

والبلف ادري اذا شلته راحت المشكلة .. بس الموتر جاي شد بلاده ببلف.
وشيله البلف مضره للمكينه..

عسى ربي يهدي هالجمس بس

[عفشك مكمل]

الرديتر المنيوم

اذا تسيخ مايعطيك ضمانه انه ضبط 100 %

الالمنيوم اذا كسب الحرارة فخلاص معاد يضبط الا اذا شاء رب العالمين

هذا غير ان التسييخ يعدم فتحات الرديتر ويسكر بعضها

لكن انت شيك من جديد وعليك بالصبر ترى الجمس مهنا زود تعقيد

ابداء بكلتش المروحة وشف اذا يفر معك بسهوله ولا فيه نوع من الثقل

البلف استبعده بما انك غيرته مرتين

ركز على هالاثنين وان شاء الله علت موترك بحداهن

[Jeep 2005]

لا هنت على شورك

تدري وانا اخوك .. الظاهر اني بشري راديتر جديد واريح راسي ..

والكلتش مشيك عليه وممتازة ..

بركب راديتر جديد .. واقولكم وش يصير معي


جزاكم الله خير

[راشد الشطيطي]

لا تركب رتيتر جديد ولا شئ المشكلة عندك في البلف او ان الخرطوش الاسفل

ينطبع مع ان هذا احتمال ضئيل اذا فيه بلف ،،واحتمال ان عندك صداء في المحرك وهذا

يسبب خشونة في قلب البلف وبالتالي يحد من حركته وعموما يوجد بلف له اثنين سبرنق والاخر سبرنق واحد مثل الددسن ركب اللي سبرنق واحد انا مجربه وعندي راكب على الجمس ولا احسن منه

تقديري

[بشير حسن]

طيب بلف الحرارة (الثيرموستات) كم رقمه اللي مركب على موترك ؟؟؟

[Jeep 2005]

لا تركب رتيتر جديد ولا شئ المشكلة عندك في البلف او ان الخرطوش الاسفل

ينطبع مع ان هذا احتمال ضئيل اذا فيه بلف ،،واحتمال ان عندك صداء في المحرك وهذا

يسبب خشونة في قلب البلف وبالتالي يحد من حركته وعموما يوجد بلف له اثنين سبرنق والاخر سبرنق واحد مثل الددسن ركب اللي سبرنق واحد انا مجربه وعندي راكب على الجمس ولا احسن منه

تقديري

صحيح كانت الروس ومجرى المويه فيه حلا .. صنفرته ونظفته وطلع فرق عن اول

بس الحراره موجودة


والبلف الي عندك يفتح على كم ؟

والله لايهينك وين القاه هالبلف ؟ ولأي موتر ؟

عشان لا رحت اشريه .. اعرف وش اقول لراعي محل قطع الغيار


والله يجزاك خير .. انت وكل من شار علي