عاجل ياهل الفتك (( باترول )) زيت القير وصيانه كامله

[اابوشوق]

السلام عليكم يالربع عندي باترول محرك فتك 4800 يحتاج تربيط + ومتردد في زيت القير وفلتره مع العلم ماتغير ولا مره والسيارة ماشيه تقريبا 145 الف والوكالة يقولون نغيره لك تحت مسوليتك انت !!

وغيرت بواجي + فلتر بنزين ، هواء ، زيت + صوف دبل

افيدوني بزيت القير وافضل ورشة تربيط وشغل ممتاز (( الرياض ))

واي شغله تلاحظون الموتر يحتاجها افزعولي

[sgl2002]

والله ياخوك ماودي اورطك


المشكلة التماتيك لابد يتغير كل ٦٠٠٠٠

بس فيه فكرة لاخونا اصيل

فرغ ربعه وعبه زيت جديد

ثم امش عليه ٥٠٠٠ وغير نصه فقط

ثم امش عليه ٨٠٠٠ واخر شي غيره كامل

طبعا كل تغييره مع الفلتر

التربيط رح لاقرب ورشة وربط بطنه ب١٥٠ ريال مع ملاحظة انك لابد تغير اي جلد او جلب تالفة

وخلك من الورش الباقية النويصر وطقته اللي يربط ب١٥٠٠ مادري على وش

[اابوشوق]

والله ياخوك ماودي اورطك


المشكلة التماتيك لابد يتغير كل ٦٠٠٠٠

بس فيه فكرة لاخونا اصيل

فرغ ربعه وعبه زيت جديد

ثم امش عليه ٥٠٠٠ وغير نصه فقط

ثم امش عليه ٨٠٠٠ واخر شي غيره كامل

طبعا كل تغييره مع الفلتر

التربيط رح لاقرب ورشة وربط بطنه ب١٥٠ ريال مع ملاحظة انك لابد تغير اي جلد او جلب تالفة

وخلك من الورش الباقية النويصر وطقته اللي يربط ب١٥٠٠ مادري على وش

والله وناخووك ان زيت القير خلاني في حيره مدري وش السواة معه

ورشة النويصر ماتنصحني فيها ابد !! ..؟؟

اسعارهم مبالغ فيها بشكل مجنون بس يقولون شغلهم ممتاز فمدري من الي جربهم ويفديني

وابيض وجه وناخوك ماقصرت

[سفاري959]

اخوي زيت القير حق الفتك يتغير على 100000 وانا استغرب وكاله يقولون نغيره تحت مسئوليتك انت اي وكاله هذي بالله هذا كلام هذا دليل انهم دجه حسبي الله عليهم عموماً عندك ورشه ابوصالح التركي بالصناعيه القديمه بالنسبه لزيت القير اما التربيط ماجربت اني اربط لكن لو رحت لورشه ابوصالح هو راح يدلك على واحد متخصص تربيط

[اابوشوق]

اخوي زيت القير حق الفتك يتغير على 100000 وانا استغرب وكاله يقولون نغيره تحت مسئوليتك انت اي وكاله هذي بالله هذا كلام هذا دليل انهم دجه حسبي الله عليهم عموماً عندك ورشه ابوصالح التركي بالصناعيه القديمه بالنسبه لزيت القير اما التربيط ماجربت اني اربط لكن لو رحت لورشه ابوصالح هو راح يدلك على واحد متخصص تربيط

الحمراني مخرج 18 .. (( قطع غيار - ورشة )) هذا كلامهم بالحرف الواحد .. وماقصرت

[خط الأستواء]

وعليكم السلام ورحمة الله وبركاته

بالنسبة لزيت القير أنا معي فتك 2004 قير تبترونك ماشي 370000 كيلو ما شاء الله
غيرت زيت القير قبل 6 شهور وكان ماشي حول 350000 كيلوواخر مره غيرته كان ماشي 100000 كيلو
يعني ماشي 250000 كيلو بدون تغيير

التكلفة 600 ريال

الوكالة اللي يقولون لك نغيره على مسؤليتك أتوقع يحطون زيت زيتون

[اابوشوق]

وعليكم السلام ورحمة الله وبركاته

بالنسبة لزيت القير أنا معي فتك 2004 قير تبترونك ماشي 370000 كيلو ما شاء الله
غيرت زيت القير قبل 6 شهور وكان ماشي حول 350000 كيلوواخر مره غيرته كان ماشي 100000 كيلو
يعني ماشي 250000 كيلو بدون تغيير

التكلفة 600 ريال

الوكالة اللي يقولون لك نغيره على مسؤليتك أتوقع يحطون زيت زيتون

ماشاء الله ...

والله وناخووك مابي القير يروح علي وارجع اوضب ولا ادور في التشاليح ..

اذا خليت القير بزيته الحالي مشكله واذا غيرته يمكن تكون مشكله

فمدري زادت الحيره

[مقلع الرمث]

رح لورشه الثنيان بصناعيه الدائري يغيرلك الزيت

اما من ناحيه خوفك من تغيير الزيت والوكاله

جميع الوكالات بالامارات يغيرون الزيت ويقولون لهم كل 60 الف او اكثر بقليل

اغير بستمرار زيت الماني ولا عليك توكل على الله واذا مشى 60 الف اغيره ثاني ولافيه شي

[التاكسي]

رح لورشه الثنيان بصناعيه الدائري يغيرلك الزيت

اما من ناحيه خوفك من تغيير الزيت والوكاله

جميع الوكالات بالامارات يغيرون الزيت ويقولون لهم كل 60 الف او اكثر بقليل

اغير بستمرار زيت الماني ولا عليك توكل على الله واذا مشى 60 الف اغيره ثاني ولافيه شي

لا تعدي نصيحه مقلع الرمث
الثنيان والله والنعم رجال نصوح
وسعره ممتاااز حتي في التربيط
ربطت الجيب عنده فتك 2002 وغيرت زيت القير
وما شاء الله عليه رجع مثل الوكاله
ومن قبل تسمع الاصوات من كل مكان

[ابوسند9]

الشباب ما قصرو الله يعطيهم الف عافيه
بالنسبه لغيير الزيت لو تخليه يمشي 200 الف ما عليه ان شاء الله
واذا تبغى ورشه فيه ورشة محمد التركي فيه الصناعيه القديمه متخصص باترول وخليه يفحص اليساره ويشوف برمجتها واي شي عطلان راح يقولك طبعا اذانت بالرياض
وبالنسبه للتربيط ما فيه شي يربط السياره جامده يعني ماراح تحصل مسمار منحل اوشي من ها القبيل
اللهم شيك على الرباطات امام وخلف وهي اهم شي بالسياره وكذالك كرسي القير وكراسي المكينه وربلات اعمدة التوازن والمساعدات فقط هذا مايحتاجه الباترول واذا استطعت انك تخلي محمد التركي يشيك على السياره من اسفل يكون احسن من ها الاجانب اللي ممكن يغير لك اشياء ما تحتاج تغيير

[اابوشوق]

الشباب ما قصرو الله يعطيهم الف عافيه
بالنسبه لغيير الزيت لو تخليه يمشي 200 الف ما عليه ان شاء الله
واذا تبغى ورشه فيه ورشة محمد التركي فيه الصناعيه القديمه متخصص باترول وخليه يفحص اليساره ويشوف برمجتها واي شي عطلان راح يقولك طبعا اذانت بالرياض
وبالنسبه للتربيط ما فيه شي يربط السياره جامده يعني ماراح تحصل مسمار منحل اوشي من ها القبيل
اللهم شيك على الرباطات امام وخلف وهي اهم شي بالسياره وكذالك كرسي القير وكراسي المكينه وربلات اعمدة التوازن والمساعدات فقط هذا مايحتاجه الباترول واذا استطعت انك تخلي محمد التركي يشيك على السياره من اسفل يكون احسن من ها الاجانب اللي ممكن يغير لك اشياء ما تحتاج تغيير

السيارة فيها قرقعه وناخووك

واتوقع بوديها لورشة النويصر يربطها

ولا وش شورك

[الوسيطاء]

اخوي موترك جديد على ممشاه توك على البهذله شيك على زيت القير وزوده لين 200000وغيره ونظف الفلتر

[راعي طويلات]

السلام عليكم يالربع عندي باترول محرك فتك 4800 يحتاج تربيط + ومتردد في زيت القير وفلتره مع العلم ماتغير ولا مره والسيارة ماشيه تقريبا 145 الف والوكالة يقولون نغيره لك تحت مسوليتك انت !!

وغيرت بواجي + فلتر بنزين ، هواء ، زيت + صوف دبل

افيدوني بزيت القير وافضل ورشة تربيط وشغل ممتاز (( الرياض ))

واي شغله تلاحظون الموتر يحتاجها افزعولي

وعليكم السلام
أخوي الباترول من 98 وفوق متماسك ولايحتاج تربيط ممكن تحصل صوت بالباب الخلفي وحله أنك تضع جلده على فصاله الباب وبيروح الصوت لاياخذون فلوسك ع الفاضي
وزيت القير اذا كان موجود بالسيارة شد بلد ولاسبق وتغير عايره قبل اذا يحتاج تبديل غيره وإذا كان ممتاز اتركه لان الزيت الي يجي من مصنع صنع السيارة أجود وأفضل ويمشي أكثر من الي يباع ويتغير عندنا واذا استخدامك هادئ وحاشم السيارة ماعتقد بيطلب تبديل
عموما موضوعه سهل اشتر الزيت من الوكالة وغيره عند ورشة يكون شغلها نظيف وقيمة تغييره من 50 الى 100 انت وشطارتك بالمكاسر (مثله مثل اي سيارة لايتفلسفون عليك فكه صعب ويحتاج وقت الخ...) والفلتر مايغير حديد ينظف ويرجع يركب من جديد

[اابوشوق]

وعليكم السلام
أخوي الباترول من 98 وفوق متماسك ولايحتاج تربيط ممكن تحصل صوت بالباب الخلفي وحله أنك تضع جلده على فصاله الباب وبيروح الصوت لاياخذون فلوسك ع الفاضي
وزيت القير اذا كان موجود بالسيارة شد بلد ولاسبق وتغير عايره قبل اذا يحتاج تبديل غيره وإذا كان ممتاز اتركه لان الزيت الي يجي من مصنع صنع السيارة أجود وأفضل ويمشي أكثر من الي يباع ويتغير عندنا واذا استخدامك هادئ وحاشم السيارة ماعتقد بيطلب تبديل
عموما موضوعه سهل اشتر الزيت من الوكالة وغيره عند ورشة يكون شغلها نظيف وقيمة تغييره من 50 الى 100 انت وشطارتك بالمكاسر (مثله مثل اي سيارة لايتفلسفون عليك فكه صعب ويحتاج وقت الخ...) والفلتر مايغير حديد ينظف ويرجع يركب من جديد

الموتر فيه اصوات قرقعه والكبوت يهز مع السرعات العاليه

والظاهر بوديه لمراكز ون ستوب واغير زيت القير .. ولا وش شورك ..؟؟

والموتر حاشمه ومواظب على القطع الاستهلاكيه لاكن نسيت زيت القير ماغيرته والموتر عداده الحين 145 الف

[راعي طويلات]

الموتر فيه اصوات قرقعه والكبوت يهز مع السرعات العاليه

والظاهر بوديه لمراكز ون ستوب واغير زيت القير .. ولا وش شورك ..؟؟

والموتر حاشمه ومواظب على القطع الاستهلاكيه لاكن نسيت زيت القير ماغيرته والموتر عداده الحين 145 الف

أصوات القرقعه ماتجيك الا من الباب الخلفي والا من السقف إذا أنت راعي بر وردميات الباب الخلفي تحت له ربلة عن الفصالة والسقف تشده وينتهي الموضوع
وبما أنك حاشمه فما يحتاج تغير جلد وربلات في بطن الموتر ومثل ماقلت لك عاير الزيت قبل التغيير منت خسران شيء اذا لونه زين ولزوجته ممتازة لاتغيره لانه هاي كواليتي (مواصفاته عالية ويتحمل مسافات أطول من زيوت القير الاخرى)
كان معي فتك بعته وهو ماشيء 240 ألف ولاغيرت زيت القير عايرته عند الوكالة قالوا ممتاز وشفته بنفسي وحاليا مع راعيه بيمشي حول 300 ألف ولاغيره ماشاء الله عليه بس الاستخدام هادئ جدا ومحافظ عليه بدون جور ولاسرعات عاليه ولاجلد بالبر
ولاتخاف من الكبوت من 2005 وفوق يسولف واجد تحس أنه بيطير واهتزازه شديد وهو طبيعي فيه لان تصميمه ماهو انسيابي ويأثر فيه الهواء بعكس ال2004 وتحت الي ثابت ومافيه أحسن منه
وموترك بهالممشيء يعتبر أخو الجديد الله لايضرك ولايضره ولايحتاج الا لبواجي وصفاية بنزين وفلتر هواء وسيور وتشيك الفحمات أمامي وخلفي وعلى دخول الصيف شيك على موية الاديتر اذا هي ثقيلة ولافيها شؤائب والموتر حراراته تمام اتركها وإن لاحظت فرق اغسل الاديتر وحط فيه موية فورد الخضراء وغير بلف الحراره (غسيل فقط انتبه لاتصيخه ويعدمون اديترك عليك)
وسم بالرحمن واستخدم ولاتهتم للموتر بزيادة ترى الفتك طيب وطلباته قليله إذا بارك فيه ربي