عاجل ياهل الفتك (( باترول )) زيت القير وصيانه كامله

[ابوسند9]

اخوي ابو شوق
الشباب ما قصرو اعطوك العلم واذا كان فلوسك زايده وديه تربيط انا اشوف قيمة التربيط حطها في قطع غيار
انا قبل سنتين والله ما ا اذكر بالضبط غيرت تقريبا 28 قطعه ربل اسفل السياره بقيمة تقريبا 2400 ريال اسفل الباترول ربل في ربل ووالله تغيرت السياره على مره
وبالنسبه لزيت القير انا مغيره قبل سنه ونص عند ورشة محمد التركي تقريبا ب 800 ريال تغيير زيت وتنظيف الفلتر ومعايرة الزيت
ولو ذهبت لورشه اخرى لتغيير الزيت كيف راح يعاير لك مستوى الزيت؟؟؟المشكله في عيار القير لان العيار موجود عند الوكله فقط وبعض الورش المتخصصه بالفتك والفتك ياتي بدون عيار مو زي بعض السيارات
وبالنسبه للكبوت تقدر توزنه بنفسك عن طريق الربلات الموجوده بالرفارف او تغيرها افضل

[اابوشوق]

اخوي ابو شوق
الشباب ما قصرو اعطوك العلم واذا كان فلوسك زايده وديه تربيط انا اشوف قيمة التربيط حطها في قطع غيار
انا قبل سنتين والله ما ا اذكر بالضبط غيرت تقريبا 28 قطعه ربل اسفل السياره بقيمة تقريبا 2400 ريال اسفل الباترول ربل في ربل ووالله تغيرت السياره على مره
وبالنسبه لزيت القير انا مغيره قبل سنه ونص عند ورشة محمد التركي تقريبا ب 800 ريال تغيير زيت وتنظيف الفلتر ومعايرة الزيت
ولو ذهبت لورشه اخرى لتغيير الزيت كيف راح يعاير لك مستوى الزيت؟؟؟المشكله في عيار القير لان العيار موجود عند الوكله فقط وبعض الورش المتخصصه بالفتك والفتك ياتي بدون عيار مو زي بعض السيارات
وبالنسبه للكبوت تقدر توزنه بنفسك عن طريق الربلات الموجوده بالرفارف او تغيرها افضل

يعني تنصحني وناخوك اربطه عند النويصر ..؟؟

ويستاهلون السعر المبالغ فيه ..؟؟

[التاكسي]

رح لورشه الثنيان بصناعيه الدائري يغيرلك الزيت

اما من ناحيه خوفك من تغيير الزيت والوكاله

جميع الوكالات بالامارات يغيرون الزيت ويقولون لهم كل 60 الف او اكثر بقليل

اغير بستمرار زيت الماني ولا عليك توكل على الله واذا مشى 60 الف اغيره ثاني ولافيه شي

لا تعدي نصيحه مقلع الرمث
الثنيان والله والنعم رجال نصوح
وسعره ممتاااز حتي في التربيط
ربطت الجيب عنده فتك 2002 وغيرت زيت القير
وما شاء الله عليه رجع مثل الوكاله
ومن قبل تسمع الاصوات من كل مكان

[راعي طويلات]

الموتر فيه اصوات قرقعه والكبوت يهز مع السرعات العاليه

والظاهر بوديه لمراكز ون ستوب واغير زيت القير .. ولا وش شورك ..؟؟

والموتر حاشمه ومواظب على القطع الاستهلاكيه لاكن نسيت زيت القير ماغيرته والموتر عداده الحين 145 الف

أصوات القرقعه ماتجيك الا من الباب الخلفي والا من السقف إذا أنت راعي بر وردميات الباب الخلفي تحت له ربلة عن الفصالة والسقف تشده وينتهي الموضوع
وبما أنك حاشمه فما يحتاج تغير جلد وربلات في بطن الموتر ومثل ماقلت لك عاير الزيت قبل التغيير منت خسران شيء اذا لونه زين ولزوجته ممتازة لاتغيره لانه هاي كواليتي (مواصفاته عالية ويتحمل مسافات أطول من زيوت القير الاخرى)
كان معي فتك بعته وهو ماشيء 240 ألف ولاغيرت زيت القير عايرته عند الوكالة قالوا ممتاز وشفته بنفسي وحاليا مع راعيه بيمشي حول 300 ألف ولاغيره ماشاء الله عليه بس الاستخدام هادئ جدا ومحافظ عليه بدون جور ولاسرعات عاليه ولاجلد بالبر
ولاتخاف من الكبوت من 2005 وفوق يسولف واجد تحس أنه بيطير واهتزازه شديد وهو طبيعي فيه لان تصميمه ماهو انسيابي ويأثر فيه الهواء بعكس ال2004 وتحت الي ثابت ومافيه أحسن منه
وموترك بهالممشيء يعتبر أخو الجديد الله لايضرك ولايضره ولايحتاج الا لبواجي وصفاية بنزين وفلتر هواء وسيور وتشيك الفحمات أمامي وخلفي وعلى دخول الصيف شيك على موية الاديتر اذا هي ثقيلة ولافيها شؤائب والموتر حراراته تمام اتركها وإن لاحظت فرق اغسل الاديتر وحط فيه موية فورد الخضراء وغير بلف الحراره (غسيل فقط انتبه لاتصيخه ويعدمون اديترك عليك)
وسم بالرحمن واستخدم ولاتهتم للموتر بزيادة ترى الفتك طيب وطلباته قليله إذا بارك فيه ربي

[مخطور]

السلام عليكم ورحمة الله وبركاته

معي فتك 2006 ماشي 176 الف ورحت للوكالة ابي اغير الزيت قال المفترض من 80 الى 100 لازم تغيره وسعره عندنا ب 450 ريال بدون اجور شغل يد ويتاخر يوم كامل
ونصحني ان انتجه للفروع الي تابيعن ومتعاونين مع شركة الحمراني تلقاهم في محطات
( ستوب ون 1 ) فيه بالنسيم وفيه بمخرج 9 وفيه بالسويدي مخرج 25 عائشة بنت بكرجانب القلعه للاحتفالات
وبالفعل ذهبت اليه وتقابلت مع الفني فلبيني ونصحني باتغير زيت القير
وبالفعل شغل ممتاز
1- رفع السيارة على الرافعه واحضر ادوات فك السره الخاصة بكرتير القير وقبل ان يتم انزل الزيت احضر جالون 5 لتر ليعرف حجم الزيت الذي راح ينزل من القير
2- وبعد الانتهاء من افراغ الزيت (طبعا مائل للسواد ) يعني منتهي قام بادخل الة شفت الزيت وشفط المتبقي من الكرتير
3- بعد ذلك قام بمقياس الزيت القديم ووجد انه تقريبا 4 لتر
4 -احضر زيت خاص بقير الاوتماتيك للفتك(MATIC J ) في جالون 18 لتر(لون الزيت احمر) وقام بسكب 4 لتر في جالون خالص ليتم وضعه داخل القير
5- قام باغلاق صرت الكرتير الخاصة بالقير وقام بفتح الكبوت ونزع بلف صغير
(مربوط بفتاح رقم 10 ) من خلف المكينة اقرب مكان له هو قربت ماء الاديتر تحتها تماما ووضع لي نحيف وبالاعلى محقان وقام بسكب الزيت

بعد ذلك قام بتسجيل المبلغ (380 ريال ) بفاتورة خاصة تصدر من المحل وتسجيل اسم المالك ورقم العداد وتاريخ غيار الزيت

هذا ماحدث معي بخصوص زيت القير وتغييره والحمدلله السيارة بفضل من الله ماشيه كويس

[أبوعزام660]

إذا لك جيه للقصيم فيه ورشة خيال ورشة الهبيش أبوسليمان خاص بالجيوب

وهو ياقف على العمال بنفسه ويجيب لك قطع غيار بنفسه

الورشة ببريدة طريق خضيراء

[الواهج]

زيت قير الفتك يتبدل كل 35000 ولايتبدل الفلتر

[ابوعبدالله 2005]

اخوي نصيحة اخو ريح بالك و مر ابو صالح التركي في الصناعيه القديمه ووكل الله رجال ثقه و سمح و راعي بخص و ما اعرف لسيارتي الا عنده جزاه الله خير

[ابوعبدالله 2005]

و هذي احداثية الورشه

N24 38.155
E46 44.465