مشكلة في اللاندكروزر 2007 ارجو طرح الحلول

[محمد سعود]

السلام عليكم ورحمة الله


اخواني اعضاء منتدى مكشات عندي مشكلة بسيطة ارجو ان تشاركوني البحث عن حل:

هذا سلمكم الله معي جكسار 2007 قير تماتيك طلع عندي صوت في الكبوت صوت طنين رحت لورشة وقالوا لي هذ الشداد حق المكيف مع ان الصوت ما له دخل بتشغيل المكيف او تطفيته.

وفيه مشكلة ثانية قالوا لي المروحة ضعيفة بعض الشي وش الحل مع اننا هالحين بالشتاء ما تبين الحرارة.

وفيه ملاحظة على عداد الحرارة اذا جيت من مشوار وطفيت السيارة وبعد دقايق شغلت الاحظ ان ان انبير الحرارة يرتفع عن مستواه اللي قبل اطفيها وبعد دقايق يرجع لمعدله الطبيعي. وش المشلكة.

اعتذر منكم على كثرة الأسئلة وتقبل شكري وتقديري وامتناني.

[آ’بوخالد]

اخوي ياليت تحدد شلون الصوت بالظبط والمشكله الثانيه امرها طبيعي جدا

[التمسساح]

بالنسبه للحراره شي طبيعي انك تحصل الانبير مرتفع عن المستوى الطبيعي بسبب ان الماء والمحرك متوقف يكتسب حرارةالمحرك وعند تشغيل المحرك يدور الماء من المحرك لللديتر ويبرد

[محمد سعود]

شكرا لكم

اخوي الصوت اللي اقول طنين يعني مثل طنين الاذن او صوت بعض النجفات اذا صار قلبها خربان الصوت ما اذا ركزت تلقاه يعلو على صوت المكينة شوي

[الوقيدي]

السلام عليكم : بالنسبه للصوت فخذ مسمار او ماسوره ضغيره وضعها على رمان الشداد اومكان الصوت حسب ماتراه وتسمعه أذنك وبعدها تحدد الخلل ,او تفصل السيور وتشغل السياره لتحديد مكان الصوت .
بالنسبه للحراره الامر عادي عندما تطفىء السياره حساس الحراره يسخن زياده بسبب حراره ماء الرديترالذي يحيط به وعند تشغيل السياره يبرد ماء الرديتر فينخفض الموشر. الى اللقاء