السلام عليكم ورحمة الله وبركاته
الله يمسيكم بالخير اخواني اعضاء مكشات
اليوم موضوعنا هو صيد سمكة الهامور واللي هو منقول من مشاركة اخواني أعضاء الخيمه البحريه والموضوع الأصلي إلى الأخ سلاح (ابوعبدالرحمن)
اللي ودنا في وضع طرق صيد الهامور لك الشباب
بالنسبه إلى الهامور اعتقد بالنسبه لي الخيط افضل شي ويفضل انك تصيده بمحاياة وهي سمكه صغيرة وتكون حيه واعتقد اغلبكم يعرفها.... اما بالخيط فيعتمد على الوقت إذا كان من شهر 10 اكتوبر إلى 12 او 1 .... بالنسبه إلى الطعم فيوجد الخثاق والميد وصلاخت الوحرة والدويلمي فهي ممتازة
والطريقه الثانيه اللي هي القرقور ومتعتها فقط إذا شفت الهوامير مسدحه على سطحة الطراد
اما الغوص فأعتقد ان الغواصين اكثر سمكه يعشقونها هي الهامور مثل ما ذكر اخوي كبير النواخذه
كبير النواخذة
بالنسبه لصيد الهامور انا طال عمرك اشوف انه افضل طريقه لصيده هي المسدس والقرقور
وطبعا المسدس امتع ب 356.5 مره ..وخاصه اذا كان هامور (كبير وغبي)
بوراشد
السلام عليكم ورحمة الله وبركاته
الهامور ومتواجد على مدار العام وليس له موسم وبيت الهامور يسمى (ميفرة) وإذا كانت ميافر كثيرة ومتلاصقة تسمى (الخرابة) وصيد الهامور أما بلمسدس أو القرقور الحداق واللفاح. أما أفضل طريقة عندي فهي اللفاح وأفضل طعم صناعي له هو الطعم اللذي يشبة الحبار.
الخليج
<HR style="COLOR: #cccc99" SIZE=1>
<!-- / icon and title --><!-- message -->
مساك الله بالخير بوعبدالرحمن نحن بإنتظار دور الصبيطي حتى نوافيكم بافضل طرق صيده لان لنا معه عشرة أكثر من11سنه ولاتقول لاحد ان الخليج شايب
بالنسبة للهامور ينصاد بطرق كثيرة وأجودها كلأتي:
1_ المحاياة الحية (كبر الكف تقريبا)
2_راس الخثاق
3_الميدة
4_ بالمسدس مع الجزر لانه يكون في المجفرة
وفقكم الله لما يحب ويرضى
حاضرين لبوعبدالرحمن وللجميع و لازلنا مع الهامور
1-الخيط من حجم 60 ومافوق ويفضل أن يكون نوع (بق-قيم -أميركي)وهو أقوي خيط ولازلت أستعمله وللعلم الخيط ماهو بقوته وبس ولكن اذا تعامل معه حداق جيد كأمثال gulfhunter وأمثال MARINE ماشاء الله عليهم لوأني ماأعرفهم زين ولكني أعتقد بانهم يجيبون الهامور بخيط رقم20
2- الربطة على حسب الما والهوا ولكل مقام مقال
3- كذلك نوع الطعم لان الصيف له طعم والشتاء له طعم والنهار له طعم والليل كذلك صعب تحدد (اقول الكلام هذا حتى أكون دقيق لانني بين حداقة لهم باع طويل )
4-تركيب الطعم اذا ابكون دقيق صعب شرحها كتابة (مثلا تخييط الميدار بالميدة وهي حيه من غير ابرة أوغيره وبسرعة وتبقا حيه وقوية )
وأخيرا صدقني من غير توفيق من الله لا تعنيني هذه الطرق شيئا
هذا ما عندنا هذا المساء وسامحونا على القصور
واتمنى من الجميع المشاركه وبالنسبه إلى الأخوان إذا نسيت شي ياريت لو تضيفون اللي عندكم
تحياتي للجميع
رد مع اقتباس
وإذا حاب أجوفه أرجع حق موضوعي ألي حق الطعم الصناعي وبجوفه في أول صوره.