مشكور اخوي الكريم ومشرفنا العزيز وموضوع خطير وانا كان لي تجربه مع السبيطي :
ما لكم بالطويله نزلت من منطقة عسير لمنطقة تهامه واخص بالذكر منطقه اسمها (( المعجز )) طبعا منطقه ساحليه بكر وفيها اماكن صيد وغوص ومناظر خلابه بصراحه وهو مكاني على الاغلب اللي دائما اروح له طبعا ما فيه خدمات ولا شئ خذ عفشك كامل وتموينك كامل قبل تروح المهم بعد ما نصبنا الخيمه وعيننا من الله خير قمت اصيد واجرب واستفتح بالبوصه وليست السناره البوصه للسمك الصغير المهم انا سنارتي ما شاء الله طولها 6 متر تقريبا تساعدني بالرمي البعيد من على الشاطئ مجهزه بثقل مقاس ( 1 )وخيط مقاس 70 المهم وانا اصيد بالبوصه صدت سمكه من نوع ( السيجان ) صغير يمكن بحجم كف اليد المهم من صدتها وعلى طول حطيتها بالسنارة العوده صارت جاهزه طبعا الطريقة تدخل السناره من العينين وتشكها بظهر السمكه وهي حيه وعلى طول رميتها رميه موفقه وما هي الا عشر دقائق يمكن والله اعلم لاكن ما طولت الا وهالسناره تتحرك بشكل رهيب وأثاريه كان طاير الاخ مشوّت يعني هههههههه المهم وهنا بدأت المقاومه كل ما اسحبه يمين راح شمال واسحبه شمال يروح عني يمين ولمن سحبت ولمن سحبت على وجه الشط كان يتجه على البحر داخل بصراحه غريب تحس له مراوغه بشكل محترف طبعا جلست اسحب فيه على اليمن فتره وبسيطه ومن ثم على اليسار الى ان طلع وبين معي ما شاء الله تبارك الله كنت افكر انه قرش تعرفون القرش هذي عوايده لاكن لمن بين معي الا وهذا السبيطي اللي يحبه قلبك ما شاء الله تبارك الله وزنه يمكن يعدي 2.50 كيلو جرام تغدينا عليه ذاك اليوم الضو كانت شابه وجاهزه جمر يحبه قلبك من نوع ( القرض ) وعلى طول قطعت زعانف السمكه وملحته وبهرته ومن دون اي اضافات وحطيته ولفيته بقصدير وعلى طول حطيته على الجمر ودفنت عليه من الجمر من فوق وما هي الا 30 دقيقه او اقل الا وغدانا جاهز وفي حياتي ما اكلت مثل هالسبيطي طعم بصراحه شئ ما يوصف وبعدين طازه يا طازه هذي فكرتي عن السبيطي وتجربتي معاه وكانت ذكريات حلوه فموضوعك مشرفنا العزيز ذكرني بالسبيطي وبالتوفيق ان شاء الله للجميع .
كل الود،،،
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة مدمن السبيطى
