●● رحـله الى القصيم وحايل وجبل اللوز ●●

[Abo.Soltan]

بسم الله الرحمن الرحيم

السلام عليكم ورحمه الله وبركاته ,,
يا هلا وسهلا فيكم اخواني المكشاتيه ,,
في الحقيقه طرت ببالي فكرة ,, اني اروح لجبل اللوز
الجبل اللي اشتهر بمناظره الساحرة والثلوج من فوقه تقل منت بالسعوديه
ولكني ,, اجهل حقيقه اجرائات الوقاية والسلامه والتشيكات والفحوصات الازمه على الموتر
+ مسافه الرحله + احادثيات الجبل + نصايحكم لي + تجرابكم ايضا

علما اني اخطط جعل مده الرحله ( يومين - 3 ايام )
الموتر ددسن دفرنسين موديل 2003 ,,

ننتظر ردودكم احبتي ,,

[رحال ملهم]

رحله موفقه ولاتنسى التصوير .

ابي افيدكم في خط سير الرحله

تبداء من الرياض الى القصيم تسلك طريق حايل اذا دخلت حايل يجيك دوار اخذ يسار معه طريق تبوك
فلل بنزين او ماتطلع من حايل تمر الشملي وواصل لين يجيك طريق المدينه يسار والعلا سيده وتبوك يمين
اطلع يمين ثم عب بنزين وامش لين تاصل تيماء وعب بنزين ثم واصل الى تبوك ثم اذا تبي طريق جبل اللوز تبي تحصل هناك من يفيد بالطريق

[Abo.Soltan]

الله لا يهينك على الرد اخوي رحال ملهم

افدتني كثير بخط الرحله يا بعدهم ,,

ولا زال فيه باقي اسئله ارجو من باقي الشباب رد عليها

وفي سؤال اضافي : هل في متابعه لجبل اللوز متى نزول الثلوج فيه
ما اردي قطع مسافه على الفاضي ؟.

[ابوراكان تبوك]

ما قصر اخوي رحال

نجي لتبوك
اذا تعديت نقطة التفتيش بعد 40 كيلو يجيك دوار مدخل تبوك خذ منه يمين وعلى طول لين تقريباً 6 كيلو ويجيك دوار كبير خذ منه يمين وامش لين توصل بئر بن هرماس دور لوحة حقل تجيك لفتها يسار وامسك الخط وتتعدى قرية العيينة حول 100 كيلو تجيك لوحة جبل اللوز لفه ع اليسار 10 كيلو تقريباً وانت واصل اطرافه

ولو معك ماجلان ع الجوال بيخدمك كثير لأن المسافات اللي كتبتها تقريبية

عموماً طلعات الجبل ماهي صعبه اطلعها حتى بالفورد بس فيه طلعه زي النقب هي اللي لك عليها شوي وخصوصاً في النزول صعبة شوي انتبه
جوها بارد اللحين قبل يومين سجلت 9 تحت الصفر ونصيحه اذا مابها ثلوج لا تتعنى لها الا بالصيف جوها كلام واذا ملزم تروح الايام هاذي كثر الغطيات وخذ معك حطب قبل لاتجي الجبل لأن الحطب قليل فوق والماء متوفر ولا يوجد تموينات او اي محلات خذ احتياطك بدري

واي خدمه لا يردك الا الكيبورد

[Abo.Soltan]

ما قصرت اخوي ابو راكان
وبغيت اسئلك هل في متابعه ,, متى تنزل الثلوج في الجبل ؟
لانه ما يسوى العنا ,, هنا برد وهناك برد ,, نبي نشوف الثلوج بارك الله فيك ؟

ما ادري هل فيه مكان فحص ممتاز بالرياض ,,
والله انا شاك بالموتر سامعن عليه اصوات غريبه

[البدراني11]

اضم صوتي لصوت ابو سلطان ...

نريد متابع من اهل تبوك يعلمنا متى تنزل الثلوج اولا باولا علشان العنوة ؟

[رحال ملهم]

ولاتنسى تمر الديسه على طريق ضباء قبل تاصل ضباء تجيك لوحه يسار امش لين تطب بالديسه

[ابوراكان تبوك]

ما قصرت اخوي ابو راكان
وبغيت اسئلك هل في متابعه ,, متى تنزل الثلوج في الجبل ؟
لانه ما يسوى العنا ,, هنا برد وهناك برد ,, نبي نشوف الثلوج بارك الله فيك ؟

ما ادري هل فيه مكان فحص ممتاز بالرياض ,,
والله انا شاك بالموتر سامعن عليه اصوات غريبه

المتابعة الشباب في موضوع التوقعات يحطون الاخبار بالدقيقة وان جيت علي انا بكره كاشت ولاني جاي الا نهاية العطله بمشيئة الله ولو كنت متواجد ابشر باللي يعطيك الاخبار أول بأول
واذا نزلت الثلوج وشفت المناظر تنسى البرد ويوم البرد

موترك شيك ع الكفرات والاذرعه وفحمات الفرامل وعمل البريك اهم شيء موفق اخوي ورحلة موفقة وسترك ان شاء الله

[ابوراكان تبوك]

ولاتنسى تمر الديسه على طريق ضباء قبل تاصل ضباء تجيك لوحه يسار امش لين تطب بالديسه

فعلاً الديسة حطها في جدولك ان تبي الوناسه اذا بغيت تروح لها من جبل اللوز ارجع كنك رايح حقل اذا وصلت الشرف يجيك مفرق البدع اطلع يسار طريق البدع ثم شرما و ضباء وامسك طريق تبوك 50 كيلو تجيك لفتها ع اليمين و 57 كيلو انت بالديسة


موووووووووووووفق

[Abo.Soltan]

مشكورين يا اخوان على الردود ,, نورتو الموضوع بحق !
بغيت اسال ,, لو حبيت اسوي خط رحله وش افضل خط رحله
يجمع بين ( القصيم , جبل اللوز , حقل )
وهل حقل تنفع في الوقت هذا ؟
ووش الإستعدادت المطلوبه ,, بيني وبينكم
انا اجهل المنقطه الشمالية عموما ,, فما اقدر اخطط ولا اعرف امكانيات الموارد اللي ممكن تكون متوفره ونتزود بها

..

وشاكر لكم ,, وتعبناكم معنا

[ابوراكان تبوك]

هذا اهداء لك يا ابو سلطان ولكل زائر للموضوع

جبل اللوز

[Abo.Soltan]

هذا اهداء لك يا ابو سلطان ولكل زائر للموضوع

جبل اللوز

لا تقطع قلبي تكفى ,, والله يا مناظر ترد الروح
لكن على خبري الآن مافيه من المنظر هذا ولا عشره حتى !
فما ادري اذا متوقعين ( بإذن الله ) تساقط قريب للثلوج

وما جاوبت استفسارنا على حقل !!
الوقت الآن مناسب لها ولا ابعدها عن مخطط الرحله ؟.

[ابوراكان تبوك]

والله يا اخوي اذا بتروح تمشيه فقط الشاليهات حالياً رخيصة مره بس جوها بارد سباحه انسى في نظري الوقت غير مناسب وان جيت جبل اللوز انصحك تنام بحقل كلها حول 100 كيلو وجميع الخدمات متوفرة فيها

[Abo.Soltan]

يا رجال ما ظنيت اخذ شاليه ,, الطلعه شبابيه بحت
ومهنا الا فراش النوم واقرب مكان نم به ,,
لكن انا ابغى اقعد جب البحر بس ,, اوقت لها وقت نهار
ظنك بيدفى الجو ,,

واخلي جبل اللوز اليل ,, وهل اقدر انام به ؟
يعني ان شاء الله آمن ومهنا مضره

[نديم القهوة]

يالغالي ترى التنزاني ما يكفي الشمال الغربي برده غيررر
ولا أنصحك تنام بجبال اللوز للسبب نفسه
وانتبه من الإنزلاقات على الطريق خاصة وقت الثلوج أو المطر كن حذر حدا
ولابد يكون معك اجهزة ملاحة أو على الأقل خرائط ورقيه تختصر الكثير المنطقه ولايه لوحدها
الله يوفقكم والمنطقه جميله تستحق الزياره واجمل أوقاتها في غير الشتاء