الخروف المشوي كامل

[الهلالي]

بسم الله الرحمن الرحيم

في بعض الأحيان يكون لدى الواحد منا مناسبة غير رسمية أو طلعة مع الريع خفافية . والربع مصرين على مشوي
ولكنهم كثير فما هول الحل ؟
الحل هو الأتي
خريف صغير هريفي منزوع الشحم أو تويس .
قليل من الملح .
وتحتاج إلى شوايه مثل هذه التي في الصوره





بعد ذلك ركب الخروف في الشواية ويكون الفحم جاهز








يقلب على النار لمدة 3 ساعات و قبل التقديم يرش علية الملح . وهني وعافية .

[kaaaatm]

السلام عليكم ورحمة الله وبركاته


اخوي الهلالي هل الذبيحة تستوي من الداخل ام لا واللي انا اشوفه وانت ابخص انها محترقة من الخارج....

وشكرا

[tiger_shark]

جيت على الجرح يا اخ هلالي
لكن ما قلتلنا وين نلقى هذي الشواية ؟؟؟ جاهزة ولا نفصلها؟؟
أخوك راكان الجيعان...

[مسافر1]

شي جميل لكن الفحم هل يستمر ثلاث ساعات .؟؟؟؟

[الهلالي]

الأخوة الغالين

kaaaatm
شرفني مرورك يالغالي وإجابة سؤالك نعم تستوي من الداخل أما مايظهر أنه محترق فهذا شيء طبيعي لأن الطبقة الخارجية من الذبيحة مواد دهنيه وهي سريعة التأثر بالنار . ولكن غير مؤثرة في الطعم .


tiger_shark
حياك الله يالغالي وشرفت . ولايهمك يالحبيب . أنا مثلك كنت أشوف هالمنظر في الأفلام وأقول ياليت من يجرب هذه الطريقة , إلى أن يسر الله هذه الشواية . وهي بالمناسبة مستوردة , ولكن يمكن تفصيل مثلها وأحسن منها , ولكن ضروري يكون السيخ الداخلي والشوك من الستانلس ستيل .

مسافر1
هلا وغلا وحياك الله , وإجابة سؤالك يعتمد على نوع الفحم , ولكن إحتياطاً خل حولك منقل فيه جمروحسب الحاجة زيد الجمر .

[سحاب1111]

الله يجزيك كل خير والله انه شغل امتيت امحكور

[kaaaatm]

مشكور يا اخوي الهلالي

[عاشق المزون]

ماشاء الله شغل عد والله انا بعد ابي اسوي هذي الطريقة من زمان بس تقول فية جاهز وين نحصلة ماعندي وقت افصل علشان بطني

[السهل 494]

بيض الله وجهك اخوي الهلالي

[فتى الحوطه]

هلا والله بالهلالي
هاذي المواضيع اللي نحتريها من زمان
هذ اللي اقصده......

[الهلالي]

الأخوة الجبايب

ساردار

بارك الله فيك وأنت كذلك جزاك الله كل خير .

kaaaatm

العفو يالغالي في الخدمة .

عاشق المزون

الله يحييك ولو أنك لديك غلطة إملائية فضيعة وغيرت المعنى من المدح للقدح ولكن معليش نمشيها لك بشرط مراجعة الرد في المرات القادمة . وليس لدي علم أين ممكن أن تجدها , لأني سبق أن قلت أن الموجودة لدي تم شرائها من خارج المملكة .

السهل 494

وجهك أبيض يالغالي ويسعدني أن تكون أول مشاركة لك في موضوعي .

فتى الحوطه

حياك الله يا فتى وترى لك مثلها عندما نتشرف بزيارتكم لنا . والحمد لله أن الموضوع حاز على رضاك .

[فتى الحوطه]

انشالله الزياره قريبه
قريبه متى مامرينا من عندكم

[Tamim.cc]

يالطيب حنا من الخرج وين نلقى من يفصل لنا هالشواية بكشخ وأعزم كم واحد من أهل الرياض عاد تعرفون حقين الرياض همبرقر وبقدونس خاف اتفشل عندهم وانا منب راعي بران درجة أولى على خفيف مخططات هههههههههه
أحتريكم

[قناص تميم]

والله طريقه حلوه وجزيت خيرا ً على الطريفه
وشكراً

[داورد]

بيض الله وجهك يا ابو عبدالله على هالشغل العدل .....والله انك ماقصرت ...