السلام عليكم ورحمة الله وبركاته
اسعدكم الله مشرفينا.اخواني.اخواتي.زوارنا
وحياكم الله بكل الاوقات
سالفتنا من وقت طويل ،كنا صغار طلعنا للبر ونسمعهم يسولفون عن صيد الضبان وللوالده عم بعمر 16 سنه ويحب الضحك ويخوف البزارين ومن قرادتنا طلبنا انه يودينا نصيد ضبان مثلهم ،،
رحنا لمكان قريب من مكاننا اللي قاعدين فيه وقال هذا مكان فيه ضبان وانتبهو وأخيراً بعد البحث لقينا واحد
قعدنا نحاول اللي بعود واللي يحفر واللي يناظر بجحر الضب يحسب نفسه زرقاء اليمامه(مهوب انا) ما أمداي اوخر إلا ويطلع هالك الضب!!!!!!!!!
من كبر عمره تقل تمساح وفلم مرعب بدل ما اركض وراه صار يركض وراي من سرعته تقل مركب مساعدات استراليه ..
وعمي قعد يضحك وقال خلكم صيدو ضبان و ركب سيارته وراح عند مكان قعدتنا يشوفوننا بس بعيدين على الرجلين،، والضب عض طرف ثوبي وتعنقط ومن الخوف وصلت لهم ومعي ضبي بطرف ثوبي،، وعلى الحطب واكب دلتهم وابريقهم واجدع طرف ثوبي بالتمساح اللي متمسك ويترك ثوبي من حر النار وعلى عمي ويعض اصبع رجله ولا فكه إلا عقب ما ذبحوه والله لين الحين اذكر اصبع عمي ،،رحمته لو صابرين عليه شوي قطع الاصبع لا عادة عليه من ضب ،، بعد اللي صار لو وش يقولون لا ابي اصيد ولا حتى اشوف..
تحياتي
اختكم
..قوافي..