نوع من الحطب أسمة قرض وين ألقاه؟

[عزوز 2005]

بسم الله الرحمن الرحيم

فية نوع من الحطب أسمة قرض أو قرض المدينة
هل ألقاه عند أللي يبيعون الحطب بالرياض عند صناعية النسيم
وش رايكم فية أحد جربة لأنة معالج وفية مميزات
مايطلع دخان وجمرتة تطول ولهبته قوية

[مهد البطولة]

يوجد لدي كنت ابيع بالسيارات والان ابيع بالحزم وعلى فكرة تراه نادر ان كنت تريد راسلني على الخاص

[شاص]

حطب القرض يكثر في جنوب المملكة وهو حطب جيد ومافيه كلام لا من ناحية الرائحة أو الجمر .. وأذكر إني شفته قبل مدة بالرياض لكنه قليل .. أما مسألة أنه معالج فهذي أول مرة أسمعها

[الرحال2222]

اخوي القرض معالج طبيعي من الله وهنا بالغربية والجنوب ينظرب فية المثل جمرتة يجي اليوم الثاني وهي ما طفت
بس للاسف الطلب علية خلاهم يقطعون بشجرة الى ان شارف على الفناء

[Abo gssar]

القرض معروف ومن افضل انواع الفحم ويجيك اثقل من الفحم الثاني وميزته ان يولع بسرعة لكن يطول مارمد شجرته تتواجد بكثرة على سفوح الجبال وحواف الاودية والشعيب عليه طلب شديد واصبح الان غير متوفر واسعارة عالية واللي موجود الان اغلبه مخلوط بسمرة وبصراحة اكثر من يطلبه الان ويبالغ في دفع اسعار عاليه فيه هم اصحاب الشيشة لان كربونه قليل جدا ومايحتاجون منه الا شي قليل بعكس الانواع الاخرى ..اما سالفة انه معالج اتوقع ان ماله اصل الا عشانه اقل كربون من غيره

[shaheenoo]

القرض زين
دخان قليل
جمره ما ترمد على طول
سعر ( مع العلباه ) غااااااااالي
يجلب من الجنوب
قبل شهر شراه واحد من الربع حموله داتسون مسح 1000 ريال

[ديك الجن]

القرظ ممتاز بسرعة يولع وجمرته قوية وتطول.
لكن دخانه قوي يمسك قي المواعين. تتروش مرتين وبالقوة تروح منك الريحة.

[عندليب العرب]

فيه محل في سوق العزيزيه في الرياض يبيعه الحزمه ب 10 ريال موقعه فيه مسجد صغير من حديد هو حوله

[كاكا6]

يااااااااااااااابو السمر والغظى وبس

[ابوعبودوحمودى]

المشكله

انه يوجد فى افريقيا وبكثره نسبه الى سواق الوالد ولايجيبونه التجار مع انه مطلوب ليش ما ادرى

بحثت عنه ولم اجد المستورد سعره ممناز

[صدى الهاوي]

يا رجال لو لك طلعه الجنوب عطني خبر وابشر بالسعد ادسم شاربك .. واترس لك دينا قرض لو تبغا .. وما ابي غير سلامتك .. لاني جيت الرياض وما لقيت الا سمر او غضا .. وكلها الحمدلله والشكر .. ما يمديك تشب الضو الا وهو رماد ..

وسالفة الاسعار .. بالفعل صحيحه قبل فتره واحد جانا ويقول بعت غماره هايلكسس مسح بـ 1500 في الرياض .. بسس مدري كيف وصلها لانه ممنوع في التفاتيش ويتصادر ويتغرم . ويتحول على وزارة الزراعة .. بحسب الانظمه

[سلطان1977]

حياك أخوي

حصلته في النعيرية معروض قبل اسبوعين حملة ددسن غمارتين بـ 1000 ريال ويقول براعيك لامن صملت.

وبالتوفيق إن شاء الله

[سفاري959]

فيه واحد قبل اسبوع منزل اعلان بجريده الرياض

قرض افريقي كلمته لكن ما احتفظت برقمه بس

مكانه حسب كلامه قبل محطه خزام على اليمين

في الثمامه لو تسأل راح تحصله

تحيـــــــــــــــــــــــــــــــاتي

[نجر الصحراء]

والله حسب ما اعرف ان القرض هو الحطب الي ماتفحم بالكامل عند عملية تحويل الحطب الى فحم
وسعرف رخيص جدا خيشة الخمسين كيلو تاخذه بــ 15 او 10 ريال
وتلاقيه عند حقين الفحم
تقبل مروري

[عزيزالجار]

هو صادق سفاري فيه واحد قبل خزام يبيعه مافيه غيره هناك شفه مسوي بوابه من القرض على الخط وعنده هو من زمان يبيع القرض في الرياض