ياعضو مكشات .....ادخل لهالموضوع

[ابو البر]

اعذروني يمكن اني حساس عشان كذا طرحت الموضوع ادناه.


اطلع كشته مع اهلي او مع عيالي او مع الجن والعفاريت

واروح لمكان نائي بعيد عن الناس بعيد عن الحركه بعيد عن اي شي يتحرك.

مني .


فجأه اجد من يزعجني ويعكر مزاجي بدخوله او مروره على مكان جلوسي بالبر ويستلطخ ويستخف دمه بالمرور على بعد امتار من مكاني ويستعرض موتره قدامي ولا فيه اي حيا او خجل

والبعض ايضا يسألك عن موديل موترك وكيف صار جيب بالبر .

اللي خلاني اطرح هالموضوع
ما حصل معي
وهو اني طلعت لروضة نوره
وياليتني ما طلعت

لآن كل من مر علي
ازعجني وازعج اهلي وازعج حتى روضة نوره

يا أخوان

ابعدو عن بعض
لاتزعجون بعض
مروركم بالقرب من الكشاته مزعج

الكل يبغا الهدؤ ما يبغا يشوفك ولا يبغا يشوف موترك ببساطه انت مزعج لغيرك.

[سليمان الربيعان]

كلامك صحيح...

[ابوسامي 2011]

كلامك صحيح...

[عين حصنان]

كلامك عين الصواب. ... لاكن وش موترك اللي ازعجوك عليه. .... بارك الله فيك على النصيحه

[ابورايف]

وعليكم السلام ورحمه الله وبركاتة
موضوع رائع
نعم ونحن كذلك ننزعج من هؤلاء ومن تصرفاتهم التي تدل على جهلهم
وما هو المقصود
رجل كاشت ومعة أهله ماذا تريد منهم
رجل مبتعد عنك في المدينة ماذا تريد منة في الخلا
الله يعطيك العافية
تقبل مروري وردي

[ابو البر]

بارك الله فيكم جميع

وبالنسبه للموتر سياره عاديه ونيت

والمقصد من الموضوع ان فيه ناس فيهم بثاره رغم انهم كبار بالسن ماهم صغار .
والشي الآبثرههههههه اللي يضرب بوري ويسلم .

[ولد روووق]

هذي مشكلة كبيرة اغن نفسك عن االناس اعرف الروضات لابد يكون زحمة وازعاج رح لماكن الربيع المبتعدة عن الانس والجن

[حمد الحربي]

بييييييض الله وجهك وماقصرت الله يعطيييييييك العافية
الصراحة ياخوي انت منت حساس ولا شي (كلامك عين العقل) فيه ناس كثير بثرين وقليلين حياء وذا شافو العوايل زاحموهم وضيقو عليهم ليش طيب ؟
اذا انت انسان تافه ومحدود عقلك وتفكر بأفكار متخلفة فيه اماكن غير البر رح لها
في النهاية اشكرك اخوي ع طرح هالموضوع واتمنى لك التوفيق
اخوك /حمد الحربي

[boughalm]

كلام معقووووول بارك الله فيك،

نحن في المغرب لانعاني من الفضوليين عند خروجنا إلى البَر، نحن نعاني من غياب الأمن، حيث نضطر إلى التقارب لنحمي بعضنا من قطاع الطرق والمجرمين... وهذه حقيقة مؤلمة، أسأل الله أن يُديم عليكم نعمة الامن والأمان والسلم والسلام.

[غيث 6]

والله يا اخوي فعلا فيه ناس يضايقك ويجي حولك ولكن ترى فيه ناس خواف ولا راح يقعد في محل الا لازم يكون حوله ناس وانت هد اعصابك وانبسط ومش الامور لإني واثق ان عندنا الحين ماراح تلقى مكان ترتاح ابد حتى لو توصل وسط الربع الخالي عموما لازم تكون هادي عشان ماتتعكر طلعتك وتشين نفسيتك على اهلك وبزيراتك واتمنى لك التوفيق ...

[ابو البر]

اقسم برب الكعبه المشرفه

اني الان بروضة الخفس


وشوفو الساعه 8 واثنين وعشرين دقيقه

اليوم مر علي التالي

العصر
كم سياره جيب وونيت واكسنت
وكلهم يقولون التالي
الآول يقول ما شأ الله عليك بلحالك بهالمكان .
والثاني يقول كم كلفك هالونيت وهالشد اللي عليه .
والثالث يقول ممكن نخيم بجنبك وتمد لنا من ماطورك لمبه .

غير اللي جوني بالمغرب يشمشمون يفتكروني سكران ........وكيف عرفت انهم يشمشمون لآن كل اللي بالجيب اللي وقف بجنبي يطلون على داخل السياره ......واحد يقول لاتكثر من البردقان يسوي حموضه والثاني يقول وش نوع الشراع والثالث يقول افتكرت سيارتك بوفيه .

وغير كذا جا راعي سياره وبغا يوطا السلك اللي مديته بين سيارتي والماطور .


واقسم بالله اني كنت في فجره بالخفس داخله على الغدير وكلهم دخلو علي فيها .


انا ما حطيت الموضوع الا من هاللطاخه .

[الزامل الاول]

كلام صحيح لاكن الله يهدي الجميع

[T33]

ابو البر الله يعطيك العافيه

شكل الموضوع فاقع قلبك والله لايلومك

الارض وسيعه وذولي مايلقون غير النشبه همهم يشوفون من كاشت

المفترض يكون فيهم حيا ومراعاة

المشكله تلقى سياره متروسه شباب او عوائل ماحد يقول للسائق وخر عن خلق الله لاتضيق

[البناوي 12]

ابو البر ..قل لا اله الا الله وهدي اعصابك وروق ..وين ماتروح تلقى المتطفلين من جميع المستويات ..لاكن مالك الا الصبر ..وطولت البال ولك تحياتي ..

[بربنجي]

صراحة انا اعتبر هؤلاء عقليات متخلفة وتفكيرها ما يتعدها انفها
قلة حيا وعدم احترام الخصوصية
يمكن قعاطا بخيلين ويتسلتحون يبون كاسة شاي ولا قهوة ولا شافوك تطبخ تصير التسلتحة والاحتكاك اكثر واكثر كانهم مجاعة نسال الله السلامة والعافية لانه فيه ناس عادي عندها ما عندهم كرامة اللهم لا شماته
لا احد يزعل انتم فسروا لي وش صار مع صاحبنا
ولا ابي اقول اكثر من كذا لان فيه ناس بتزعل مني وانا انسان صريح الي يسالني اجاوب حتى لو جوابي يزعلك