ارتفاع حرارة ددسن

[ابووووو سعود]

السلام عليكم ورحمة الله وبركاته .. يااخوان عندي ددسن 2007 مشكلته الحرارة ترتفع الربع وماتتعدى الخط الثاني مع العلم انه بدوون بلف واول كان على السي اما الحين الربع وتحت الربع واليوم انا مغرس والموتر طافي ماله 5 دقايق وشغلته وترتفع النص ونزلت بسرعة الربع,,,, ولا فيييه اي تهريب .

[patrol-fa]

وعليكم السلام ورحمة الله وبركاته ..

هذي طبيعية بالحييييييل .. بالبلف ربع .. وبدون ع C

وطبيعي إذا كانت محتمية وطفيتها وبعدين شغلتها ترتفع بعدين تنزل

لا تشيل هم .. والله يبارك لك

[ابووووو سعود]

وعليكم السلام ورحمة الله وبركاته ..

هذي طبيعية بالحييييييل .. بالبلف ربع .. وبدون ع C

وطبيعي إذا كانت محتمية وطفيتها وبعدين شغلتها ترتفع بعدين تنزل

لا تشيل هم .. والله يبارك لك

اولااشكرك على الرد ,,, لاكن اول كان على السي اما الحين على الخط الثاني واليووم اول ماشغلت ارتفعت النص ونزلت بسرعة

[دحيم الفزعة]

السلام عليكم
أخوي أعتقد والله أعلم أن المشكله بحساس الحراره وتوصيلاته
أختبره ورد لنا خبر

ودمت بود ===

[مركز حراره]

واليوم انا مغرس والموتر طافي ماله 5 دقايق وشغلته وترتفع النص ونزلت بسرعة الربع,,,, ولا فيييه اي تهريب .هذا الامر طبيعي خل الموتر يشتغل شويولا تصير مره ثانيه
اما الحراره متى ترتفع الحراره مع السرعه او الوقوف؟

[ابووووو سعود]

واليوم انا مغرس والموتر طافي ماله 5 دقايق وشغلته وترتفع النص ونزلت بسرعة الربع,,,, ولا فيييه اي تهريب .هذا الامر طبيعي خل الموتر يشتغل شويولا تصير مره ثانيه
اما الحراره متى ترتفع الحراره مع السرعه او الوقوف؟

مع الوقووف,, ترتفع لاكن ماتتعدى الخط الثاني وهو بدوون بلف واول كان على السي 24ساعة.... واذا امشي تنزل لاكن اول ما كان كذا

[عبدالعزيز بن احمد]

اذا صار ترتفع وتنزل بسرعه فهذا طبيعي انا معي ددسن 2009 ونفس حالتك اذا طفيت الموتر شغلته تترتفع لين حول النص وترجع مررره ثانيه بين السي والخط

[عبقري91]

حرام عليك ركب البلف ترا الزيت راح يقلب بسرعه اسود وراح تشرب بنزين ركب البلف احسن

[أبوسليمان السهر]

أخوي ابوسعود بارك الله فيك لاتشيل هم
أنا سيارتي ددسن 2003 والحرارة احيانا تتعدى
فوق النص والراديتر ممتاز وجيد والليات ماعليها
وديتها للصيانة وقال أن العداد خربان ،
وحط ببالك أن الدداسن من المستحيل ترتفع الحرارة ،
واعقلها وتوكل.

[مركز حراره]

تاكد من تماتيك المروحه