تركيب شبك الجيب الرانجلر JK‏ (2007-2012)

[motyyam_575]

السلام عليكم ورحمة الله وبركاته ..

حبيت اشارككم بتجربة إضافة شبك لوجهية الجيب الرانقلر .. او كما يسمى باللغة الانجليزية

Jeep Wrangler Grill Inserts

طبعاً هذا للموديل

JK

من موديل 2007 إلى 2012

فايدة الشبك الأولى اهي حماية الراديتور من الحصى اللي ممكن يجيك من السيارة او الشاحنة اللي امامك وخصوصاً على الخطوط السريعه.. والثانية انه ممكن يعطيك شكل احلى..

استغرق مني العمل كامل تقريباً ثلاث ساعات (المفروض اقل) لكنّي اخذت راحتي بزيادة في التنظيف والتنظيف .. والتنظيف .. خصوصاً في الأماكن اللي بستخدم فيها السوبر جلو

عشان ما ينفك وارجع افتح الوجهيه مره ثانيه..

الشبك شريته من موقع Ebay وركبة عندي في البيت

كامل التكلفة تقريباً 130 ريال

هذي الصور قبل بداية الشغل ..

نبدأ الشغل

بديت بفك براغي الوجهية وبعدين وايرات لمباة الاشارات البرتقالية ...

وهذا الشكل المجنون بعد الفك .. ((ودي طلعت فيها مشوار كذا ههههههههه))

ونبدأ عملية النظيف داخل البيت .. وهذي الخطوه مع اللي بعدها (بنشوفها بعد شوي) .. اهي اللي خذت وقت طويل .. ساعتين ونص تقريباً

التنظيف كان عادي (بمنشفه وشوية صابون) .. وبعدين بمسحة كحول (مسحة طبية).. للتأكد ان المكان اللي بنلصق فيه القطع اللي تمسك الشبك نظيفه وما تنفك بالسهولة...

بعد التنظيف تجي الخطوه الصعبة شوي .. اللي اهي صف القطع البلاستيكية ووزن الشبك .. وتربيطهم ...

هذي صورة قبل التركيب..

وهذي بعد ما خلصته واستخدمت السوبر جلو ..

كذا باقي لنا بس نرجع نشبك الوايرات .. ونركب البراغي .. وانتهينا ..

وهذي الشكل النهائي..

رايكم يهمني ... وأي استفسار أو أي ملاحظه انا حاظر .. كل لعيون رواعي الرانجلر..

اخوكم : محمد (أبو دانه)

[Avalanche]

ما شاء الله تبارك الله

شغل مرتب جدا ...

واحلى شيء انك ركبت الشبك بنفسك

يعطيك العافية على هالتقرير المميز

ولا تحرمنا من جديدك

[قطاع الأرماس]

موضوع يستحق الرفع

[ديفون]

والله فنان ماشاءالله عليك . بس البلاستك ما يتكسر مع الوقت من حرارة السيارة