اريد اذهب الى سكاكا من الرياض

[فورد ماركيز]

السلام عليكم

اخوانى مظطر للسفر الى سكاكا من الرياض بر طبعا

اى اقرب الطرق وسمعت ان فى طريق جديد واخر قديم عشان ماالخبط لانى اول مرة اروح سكاكا

وهل الخطوط مزدوجة سريعه

وشاكر لكم

[حمد الحربي]

مسسساك الله بالخير اخوي
الطريق ياطويل العمر الرياض بعدين بريدة ومن بريدة تمسك خط الجوف ويصير حائل ع يسارك (الطريق بعد ماصلحو بعض التحويلات مايطب حائل ابد )
اخوي الغالي انتبه من المحطات ترى اذا طلعت من حائل مافيه محطات الاعند جبه وبعدها تقريبا مقطعة حوالي 250 كم
اتمنى اني افدتك (تروح وترجع بالسلامة)

[فورد ماركيز]

الله يوفقك اخ حمد

اذا ممكن كم كيلو من بريدة الى سكاكا

[حمد الحربي]

تقريبا ياخوي حوالي 700 كم
تقبل تحياتي (اقل شي اقدمه لك ياخوي لاتنسى رح لبحيرة دومة الجندل تراها ونيسة وفيها طيور اذا ودك تصيد )

[فورد ماركيز]

الله يوفقك حمد وين مارحت ويجزاك الله كل خير

[فورد ماركيز]

بارك الله فيك حمد
انا بطلع مع الاهل والاولاد
فيه واحد هناك يكوى للعلاج عشان واحد من اولادى تعبان

ماقدرت ارسلك مشاركاتى قليله

[حمد الحربي]

مايشوف شر ونا خوك وقدامه العافية (يوم ارسلت لك قصدي انك خوتك تنشرى يالغالي بس)
الله يوفقكم وتروحون وترجعون بالسلامة(ابي منك تدعي لي بالسفر بس )

[راع الجوف]

مثل ما تفضل اخوووي حمد

انتبه لا تطلع من حايل الا وانت مفلل التانكي مافي محطااااات الا بعد 250 كلم

وحياك الله بالجوف عند اهلك

[فورد ماركيز]

الله يوفقكم جميعا ان شاء الله

بارك الله فيك ياراعى الجوف

[حمد الحربي]

اهم شي مهرجان الزيتون
تراااااك انت المعزب ياراعي الجوف