Gxr 2002 انعدم راس المكينة .. وش اسوي ؟

[ابـ معزي ـو]

السلام عليكم ورحمة الله وبركاتة

اسعد الله اوقاتكم بكل خير


ياجماعه انا عندي GXR 2002 ضرب راس المكينة عندي
مع العلم ان الموتر ماشي فوق الـ 450
وش تنصحوني فيه اركب راس جديد والا مكينة من تشليح والا قطع كامله من الوكالة للمكينة .. بس اسعار الوكالة غاليه جدا وصلت فوق الـ 9000 ريال
ياليت اللي يعرف ورشة معينة ينصحني فيها يدلني او ينصحني بالحل
عسى الله يوفق الجميع




؟؟

[العنابي 616]

ما يحتاج تغير مكينة خذلك راس من التشليح أو دور بالنت تحصل مستعمل

[ابوراكان تبوك]

وقبل كل شيء لازم تعرف اسباب ارتفاع حراره السيارة اللي تسببت في هذا تأكد من الأديتر والبلف يمكن كان قافل

شوري عليك اذا كان ينقص او المكينة موشكه وانت بتستعمل وضبه توظيب كامل وغير الراس من التشليح او جديد حسب الميزانية

اذا بتبيع غير الراس فقط

واحسب حسابك مع تغيير الرأس بتركب بلفوف وجلد بلوف جديده ووجيه وقايدات وتكايات وغيرها من القطع

[ابو محمد543]

واذا الراس ينفع معه الممسح والجرم مافيه شئ ابشتريه منك

[YUKON_GMC]

دام الموتر ماشي فوق 450 ألف من الافضل انك توضبه توضيب كامل .. لأنه خلاص على وشك ولافيك خسارتين الا كان تبي تبيع السيارهـ

اصلاح الراس يبي يكلفك فوق 4 آلالف ريال

والتوضيب او التغيير يبي يكلف من ال 7 لل 9

[salih100]

اذا الراس ينفع معه المسح فامسحه ورجعه يمشيك كم سنه وخلال الكم سنه جمع على مهلك حق تكلفة التوضيب وبعدها وضبه تعرف الميزانيه عند الشعب رايحه فيها

[أحمد محمد1429]

وعلى نياتكم ترزقون ياللي تقول إذا كنت تبي تستعمل ولا تبيع لو حصلت معك وش تبي تسوي ,

[YUKON_GMC]

وعلى نياتكم ترزقون ياللي تقول إذا كنت تبي تستعمل ولا تبيع لو حصلت معك وش تبي تسوي ,

لاصارت ناوي تبيع اكيد بتخرج بأقل الخساير .. واللي تبي تبيع عليه السياره ما انت غاشه وقايل ان المكينه مافكت .. تبي تعلمه انك مغير الراس او على الاقل تبي تقول له افحص السيارهـ

وبين البايع والشاري " الورشه " قاعده معروفه .. لأن المشتري بعد ماهو مصدقك لو تحلف له ..!!

[أصيل حجآ زي]

أما تمسح الرآس في مخرطة شآطرة وأمينة
بأشرآف المُهندس اللي بيصلح لك المُحرّك أن أمكن .

أو رآس جديد من الوكآلة الأصلية أضمن وأكمل والكآمل وجه الله .

أو التشآليح بس أحذر من التشآليح وخــُذ مـُهندسك معك يشرف ويشتري :

ارقام تشاليح الرياض والظهرآن -

ووصية وكلام الأخ / يوكن جي أم سي
عين العقل والمشورة الصحيحة 1,000,000% :

دام الموتر ماشي فوق 450 ألف من الافضل انك توضبه توضيب كامل .. لأنه خلاص على وشك ولافيك خسارتين الا كان تبي تبيع السيارهـ

اصلاح الراس يبي يكلفك فوق 4 آلالف ريال

والتوضيب او التغيير يبي يكلف من ال 7 لل 9

موفـق
وتلقى خير بأذن الله

""" و الله ُ أعــــــــلـم وأكـــــمـــل """

تـــآ بــع د ر و ســـي لـلـفـآ ئـد ة :
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% ‏( 123)

هـذا تحــت رآبــط جـمعـُه الـمـهندس
ســــــُبـر فتك VTC جزآه الله خير
أ ُهـــديــــه لـكـــُـم جـمـيـعــآ خآصة :
دروس ألأصيل الحجآ زي

أن تـرى أني قـد أفـدتــُـك بــشيء ذا مـعـنى ...
وأستحق مـــــــنــــــــــــك دعوة صالحة
فـــلا تــنــــــــــــــســآ ني
مـــــن صــــــآ لـح د ُعـآك.

تـحـيــــــــــــــــآ تي

<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """

[عبدالله المطيري]

الاسبوع اللي فات انا بالكويت وسألت عن المكاين هناك خصوصاً للجكسار اغلاها كان ب 10000 ريال


لكن انا افضل التوضيب هنا وان شاءالله مايكلف كثير وهو الاضمن


ولكن اذا مالك الا التبديل هناك في سكراب اسمه سكراب المطوع عندهم مثل الورشه


يغيرون جروم المكاين ويمكن يركبون لمكينتك راس واسعارهم معقوله

[أحمد محمد1429]

لاصارت ناوي تبيع اكيد بتخرج بأقل الخساير .. واللي تبي تبيع عليه السياره ما انت غاشه وقايل ان المكينه مافكت .. تبي تعلمه انك مغير الراس او على الاقل تبي تقول له افحص السيارهـ

وبين البايع والشاري " الورشه " قاعده معروفه .. لأن المشتري بعد ماهو مصدقك لو تحلف له ..!!

وإذا بدت تنقص بعد شهر أو شهرين وش تبي تقول
لو انت صاحب الموقف تبي تقول حسبي الله على من غشني
ليش مايوضب توضيب كامل وقيمته فيه الزبون إذا عرف إن المكينه موضبه توضيب كامل وقطع اصليه يبي يفرق في سعر الشراء

[ابوراكان تبوك]

وإذا بدت تنقص بعد شهر أو شهرين وش تبي تقول
لو انت صاحب الموقف تبي تقول حسبي الله على من غشني
ليش مايوضب توضيب كامل وقيمته فيه الزبون إذا عرف إن المكينه موضبه توضيب كامل وقطع اصليه يبي يفرق في سعر الشراء

من كلامك تقصد مقاصد اخرى صف النيه

لكن حديث رسول الله صلى الله عليه وسلم ( البيعان بالخيار مالم يفترقا )

وكلها سيارت مستخدمه الواحد ما يضمن عمره اذا السياره بها عيب واضح انت تقول للمشتري فيها كذا وكذا وصلحت فيها رأس وغيره واذا بها عيب وانت عارفه وماعلمته فيه وقلت مافيها شيء هذا الغش

[ابـ معزي ـو]

الله يجزاكم خير يآ اخوان
والله ماقصرتوا علي بمشورتكم

وعسى الله ان يثيبكم على اهتمامكم وسعيكم



طيب اذآ بسوي توضيب كآمل .. تنصحوني على مكان او ورشة معينة ؟
ويكون شغله معروف بين الناس



بأنتظاركم

[YUKON_GMC]

^^

وين ديرتك انت بأي مدينه حتى اهلها يفيدونك ؟؟

[ابـ معزي ـو]

انا موجود في


حـفـر الـبـاطـن
ولا مانع من نقل السياره للرياض او الطائف