صوت بيرنقات و غيرتها ولا نفع!!!

[ksaboss]

السلام عليكم
لما امشي بالسيارة بسرعة 80 و اكثر، اسمع صوت من جهة الكفر الامامي الايسر. الصوت مثل لما تقول "وووو" متقطعة. قال لي المهندس عند وكالة تويوتا هذا صوت بيرنقات، رحت غيرتها و لا زال الصوت موجود ولا تغير فيه شي. الكفرات بريجيستون شبه جديدة و على كلام المهندس في الوكاله و الميكانيكي اللي غيرت عندة البيرنقات ان كل شي سليم في السيارة من ركب و اذرعة و غيره.

وش تتوقعون الصوت منه؟

السيارة كامري 2008

[يكفيني نظرة]

وش هي البيرنقات؟؟
اظاهر الصوت عندك من الرمانات.

[ksaboss]

يكفيني نظرة..
البيرنقات هي الحلقة يكون بوسطها الرمانات. هذي هي:



وهذي الرمانات داخلها

[ksaboss]

ارمجدون
و عليكم السلام و رحمة الله و بركاتة

شكرا على ردك و جزاك الله خير. فحصت العكس ولا لقيت فيه مشكلة.

[محب الشافعي]

اخي الكريم : احيانا يكون السبب من الكفرات وقد حصلت معي , وقد يكون السبب في عملية استبدال البيرنقات , اعني الطريقة التي تم فيها كبس البيرنقات في داخل الفلنجة , وكما تلاحظ ان البيرنق له حلقتين واحدة خارجية كبيرة واخرى داخلية صغيرة فاذا تم الكبس على الحلقة الصغيرة فان ذلك يؤدي الى تلف البيرنق والصحيح ان يتم الكبس على الحلقة الخارجية ,

[جمس_454_97]

اخوي انا اشور عليك انك ترجع للوكاله وراح يصلحها على حسابه لانه ماشخصها صح وانتبه من وكاله تويوتا
فيها تلاعب كبير مرات يقولك غيرنا وهم ماغيرو شي انا كان معاي كامري وكنت اعمل لها صيانه مستمره بالوكاله وماغير زيت السياره الا بالوكاله سافرت لشرقيه وقبل لا امسك الخط قلت اغير الزيت عند البناشر عشان مافيه وقت احط السياره بالوكاله وكان الزيت توني مغيره لم يتجاوز ثلاث اسابيع بالوكاله
ولكن من زود حرصي قلت اغيره والسياره جديده لمن سحب البنشري العيار مالقى زيت الا على راس العيار زيت مايل لرمادي
يعني الزيت ماكان يتغير طوال الفتره الماضيه وكانت السياره تدخل وتطلع على الفاضي وانا الغلطان كنت اثق فيهم ثقه عمياء
انصحك اخوي الغالي انك ترجع لهم والوكاله ماينفع فيهم الا واحد لسانه طويل وصوته عالي
هم شخصو لك المشكله وخسروك وماطلع المشكله من الرنقات وهذول الوكاله المفروض مايشخص الا وهو متاكد والاحتمال الثاني انهم دخلو السياره وطلعوها لك مابدلو شي

[YUKON_GMC]

احيانا يكون العكس اللي تركب عليه البيرنقات متآكل من البيرنقات القديمه ولايروح الصوت حتى لو غيرت بيرنقات جديده

الا تغير العكس

[ksaboss]

محب الشافعي..
اذا كان الصوت من الكفرات فإني بحاول اتحمل الصوت لاني توني مغيرهم اما اذا كان طريقة كبس البيرنقات خطأ الله يعين و على ما يقول المثل "راحت فلوسك يا صابر" . جزاك الله خير


جمس 97
شكرا على ردك
الفحص كان في الوكالة و زي ما قلت يبدو انهم ما فحصوها مضبوط لان المهندس قال هذي لازم واحد يطلع بها قلت له السيارة عندكم خل اي واحد يطلع بها قال طيب بس الاكيد انه طنش و عطاني اي كلام. تغيير البيرنقات كان خارج الوكاله نظرا لسعر الوكاله الخيالي.

YUKON_GMC
حياك الله
بحاول افحص العكس مره ثانية

[العابر2222]

أخوي انا معي كامري ركبت كفرات برجستون وبعد اسبوع طلع نفس الصوت الي تقول

ووديتها لمكانيكي وقال غير الكفرات .. وغيرت الكفرين الأماميه سومو تومو والحمد لله اختفى الصوت نهائياً

والله ان الكفرات بزرعها ما مشيت عليها الى اسبوع فقط

[عفشك مكمل]

فحصها مايبي شي

ارفع الكفر الي بجهة الصوت ودوره بيدك وتسمع الصوت اذا هو من البيرنقات

اذا مافيه صوت فالكفر محبل

هز الكفر للخارج والداخل ايضاً حتى تعرف العمر الافتراضي الباقي لها

اذا يرقل بقوة فتراه منتهي

[ksaboss]

العابر..
شكرا على المداخلة
ارجو ان يكون الخلل من الكفرات

عفشك مكمل..
جزاك الله خير على الطريقه السهله و العملية هذي. ما سمعت صوت لما دورت الكفر. اظاهر ان الخلل من الكفرات زي ما قال العابر و بعض الاخوان.

[يكفيني نظرة]

يكفيني نظرة..
البيرنقات هي الحلقة يكون بوسطها الرمانات. هذي هي:



وهذي الرمانات داخلها

الله يجزاك خير ويرحم والديك على المعلومه وعلى الصور..

[محب الشافعي]

اخوي الغالي : اذا كنت تنوي ان تستبدل الكفرات فعندي اليك نصيحة , توجد علامة مثل السهم على وجه الكفر ويجب ان يكون اتجاه السهم الى الامام يعني < عكس اتجاه عقرب الساعة > لان المصنع لم يضعها اعتباطا ولا بد ان لها تأثير من ناحية الصوت او ربما يؤثر على وزنية نظام التعليق .

[YUKON_GMC]

طيب الحل الاسهم لتكتشف انه من البيرنق او الكفر

ارفع السياره من الامام جهة الكفر اللي فيه الصوت إذا كانت السياره دفع امامي وشغل وعشق وامش عليها على نفس السرعه اللي يطلع فيها الصوت ..

هل تسمع صوت ام لا .. لو ماسمعت معناته الكفر .. لو سمعت معناته البيرق او العكس متآكل