السلام عليكم ورحمة الله وبركاته
حياكم ربي وياهلابكم جميعاً
قصه قديمه سمعت بها من كبارنا الغاليين
كان فيه رجال فقير عايش على ما يجود فيه المحسنين وبمره وهم بصلاة المغرب طلب من اصحاب المزارع انه يدخل مزارعهم وقت خرف النخل وبياخذ اللي طايح بالارض .قالو له لا إلا تاخذ من النخل مثل العاده .قال اللي تعطونن باخذه وهذا انا ابيه بس تسمحون لي..
سمحوله وهم مستغربين لأن اللي طايح ما ينوكل ومعظمه يحطونه للدبش .وصار الرجال كل يوم يروح يلقط الطايح من التمر بعضه خضر وبعضه صغير وبعظه يابس لو تخبط به أحد انفشق راسه.
المهم ان الرجال استمر على هالحال ومرت على الديره سنين من الجفاف وقل الماءولا عاد فيه زراعه ولا غيره وجفت بعض الابيار وصار الناس يعانون الغني والفقير..
ولاحظو اهل قرية الرجال ان رفيقهم اللي ياخذ طايح التمر ماشي حاله ولاعنده هاك المعانات مثلهم وجو ونشدوه وشلون انت عايش ومنين؟؟قال:
اقولكم بشرط تتركونن اساعدكم لأن مامنعن عن تقديم المساعده لكم إلا اني عارف مقامكم وصعب تاكلون ما آكل..
تعجبو من كلامه وراحومعه لبيته بناءً على طلبه وانه بيوريهم شي مهم ..
ويوم راحو اثر التمر اللي كان يلقط مخصص له غرفه ببيته ومسوي به 7 جصات كبار والجصه عادةً الاولين يكنزون به التمر واكيد تمر زين بس الرجال اجتهد وكنز هالمجدع يمين وشمال وقال لهم كل ما انتلت وحده بنيت الثانيه جنبه واكنز به.. الزين يصلح الشين وينفع بالضيق.
تعجبو من تفكيره وسالفة ان الزين يصلح الشين وعطاهم من ما كنز من التمر واجتمعو الكباريه انه لين افرجه الله عليهم كل واحد بيعطيه تمر نخله كامله جزا ما سوا ..
تحياتي
اختكم
..قوافي..
رد مع اقتباس
المشاركة الأصلية كتبت بواسطة ابو عابدّ
