وش رأيكم في كلبليتر الباترول التجاري لموديل 90

[أحمد محمد1429]

ياجماعة الخير وش رأيكم في كلبليتر الباترول التجاري لموديل 90 سفاري أريد من اللي مجربه يذكر مساوئه ومحاسنه

[بن نويشر]

والله ما ندري ..

[بدوي جنوبي]

سمعت انه ابو مشي حالك
بعد فتره يبهذلك ويصرف
اخوى أشترى أصلي نسيت بكم ،،، والان يشتكى منه
لكن اتوقع انهم غشوه بنوع يقول صاحب المحل انه أصلي
أظن أصلي أصلي ما تلقي حتى عند الوكيل

[مكشات ابو]

معي موديل ٩٧ كلبليتر اصلي له ٦ شهور معي ممتاز ولا أحلى سعره ٢٣٠٠ ونصيحة ابتعد عن التجاري

[مكشات ابو]

اخوي تلقى الاصلي تسانك بجدة

[الديسي 1984]

اخوي ابعد عن التجاري من تجربه
خذ كلبليتر امريكي حول قيمة الاصلي وافضل
واقوى عزم بواجد والصرفيه اكثر بشي بسيط
بس عزمه بيفرق واااجد فرق واظح
تلقاه بـحدود ٢٠٠٠-٢٢٠٠ ريال
واذا بتاخذ اصلي خذه من نفس الوكيل.

[خيرها بغيرها]

ارفع ثوبك وانحش من التجاري الأصلي وياالله بعد اقوم بالواجب وش لون التجاري

[ابوالوليدخالد]

خذ النصيحة من اخوك
اذا الميزانية فائضة فخذلك اصلي بدون مشاورة
واذا الميزانية نفس ميزانيتي فخذ نوع ياباني اسمه نيكيnikki وتراه نفس الاصلي واكبر دليل وجود ختم شركة نيسان
عليه من الاعلى والسعر حول 1200 ريال ركبه وادع لي ولون كرتونه بني وعليه استكر اخضر
اما باقي الانواع يابانيه اوغيرها لو يحلف صاحب المحل 1000 يمين لاتصدق ولاتاخذ

[أحمد محمد1429]

شكرا على تفاعلكم وجزاكم الله كل خير
اخوي الديسي1984 وين احصل الأمريكي
اخوي أبوالوليد خالد هل الياباني اللي ذكرت مجرب

[فهم العدواني]

اذا شريت الكربريتر وخسرت خذ النصيحه هذي عندك

1- لاتركب غير الفلتر الاصلي لونه احمر وفيه نسبت زيت تمنع دخول ذرت الغبار وسعره 70 ريال ولا تخليه يطول مره لان صعب تنظيفه وانا استخدمه من ثلاث سنوات والله الموتر صافي ولاعمري اشتكيت
2-غير صفاية البنزيم كل ثلاث اشهر وسعرها 40 تقريبا وتسويها ونت واقف سهله ......مع تمنياتي لك بالتوفيق

[أحمد محمد1429]

للتـحـديـث

[ابوالوليدخالد]

معليش ع التأخير اللي وصفتك به كثير من الشباب مركبينه ويمدحونه بالحيل ومنهم واحد سألته قريب مدحه ووصله السماء
بعد خدمة 4 سنوات