التيربو الألماني خطييير وارد باخشوين بس عذروبه الوحيد سعره غالي بس يستاهل قطع غياره متوفره
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
قدر ضغط سب الفرنسي
قدر ضغط تيربو الألماني
قدر ضغط السيف
قدر ضغط المغربي
قدر الضغط الأيراني
غير ذلك يذكر في المشاركات
التيربو الألماني خطييير وارد باخشوين بس عذروبه الوحيد سعره غالي بس يستاهل قطع غياره متوفره
.....
افضلهم التيربو. بس يعيبه سعره والسيف. يقوم. بمقامهم كلهم
التيربو الالماني بلا منازع (طبعا وارد باخشوين)
والزين حقه فيه
ومن فتره شفت برنامج باليوتيوب عن صناعه القدور وخصوصا الصينيه وللاسف حصلت ان اغلب القدور الصينيه تصنع من فائض (رجيع مصانع الالمونيوم) بحكم ارتفاع سعرها
وجدنااااااااااااااااااااك ولا عدمناااااااااااااااك
قدر ماقفيسا الاسباني
السيف والحق اهلك
الافضل وبلا شك ولا منازع قدر الستينلس ستيل
بالانجليزي stainless steel اي الصلب الذي لا يصدأ
اما الالمنيوم فهو مضر للصحة وبالذات مع الصناعات الرديئة
الناس تحب الالمنيوم (يقولون الطعم فيه مجنون)
بينما الحقيقة ان الحب هو لتوفير المال فقط !!
وينسون ان الصحة اهم بكثير وبالذات ان القدر من الاشياء الي تشتريها مره وحدة او مرتين مو عشرين الف مره
وهذي صورة مثال لقدور الالمنيوم بشكل عام
طبعاً هذا الكلام من ناحية المعدن للقدر ، اما من ناحية الماركة او الصناعة
فسابقاً ال seb هو المتربع على الصدارة ، والدليل للان الي معاهم هالقدور مازالت عايشة و كانها جديدة ولا تغير فيها شي وهذا دليل جودة الصناعة الفرنسية في هالمجال
لكن هالنوعية انتهت وماعاد تلاقي جديد ، فما الحل ؟!!
اقول بكل بساطة ، شركة seb اندمجت مع tefal او اشترتها ولو رجعت للكرتون بتلاقي الاسمين موجودة
المهم فالموضوع ، ان افضل قدر ضغط حالياً هو قدر tefal
وحالياً نزلت قدور tefal اسمها كلبسو ، ولها نظام مريح بالفتح او الاغلاق
لكن انصح بالعادي الكلاسيكي الي لون مقابضه اسود زي الي بالصوره هذي
هالنوع من تجربة رهيب مره ، وبيجي يوم وبينقطع ويصير اسطورة زي ال seb
لقيت عروض عند قصر الاواني عليه تخفيض
ال 10 لتر سابقاً ب 615 وحالياً ب 545
ال 8 لتر سابقاً ب 585 وحالياً ب 495
ال 6 لتر سابقاً ب 525 وحالياً ب 435
الكلام هذا قبل كم يوم ، وللامانة مريت شارع السبالة بالرياض ولقيت
ال 8 لتر ب 450 ريال يعني برضو ارخص
زبدة الكلام، حبيت انقل لكم هالكلام لاني احب لكم زي ما احب لنفسي
ياشباب فيه قدر استيل عند واحد من الشباب 9لتر يمدحه له 10 سنوات حتي الجلده ماغيرها وله قاعده حراريه ويمدحه انقطع من السوق فتره ورجع واخذة منه له سنه استخدمه في البيت ممتاز وسريع بس يحرق الرز واذا نزلت النار عنه ممتاز وسعره معقول والغطا حقه زي التيربو بس ماله يد علي جنب اليد فوق وشفت السنيدي عارض منه وهو صيني وله صفيرا وكل الشباب الي اشرت عليهم به مدحوه وله قطع غيار اشوفها عند السنيدي
اكثر قدر اعجبني من ناحية الجودة هو قدر تيفال سب
وهذي صورته
الي مسكاته لونها اسود هذا ممتاز وصناعته فرنسيه
هذا افضل شي (جودة صناعة + معدنه صحي وغير مضر)
انا شريته من قصر الاواني بالرياض
لكن شفته بالسباله قبل فتره عند محل ابن شيهون
وبالسباله فرق بالبضاعه من ناحية السعر ب 30 الى 40 ريال
نصيحتي لك خذه وتوكل على الله قبل لا ينقطع من السوق ويلحق الاصليات الي قبله
السيف كل يوم اسوي كبستي عليه لايعلى عليه
بس اهم شي تعرف الوزنيه
ويكون داخله معدن
جزاك الله خير وبارك فيك وين ماكنت الغالي ..
شكرا اخوي ع المداخلة بالموضوع .. ولكن كلمة لازم تعرف وزنية !!
هذا بكل شيء تعرف وزنيته بيطلع يروع وخيال .. حتى لو تطبخ في (( طباقة ))
واقرب مثال لكلامك الي يقول وش فرق البنتلي عن الصني .. كلها اربع كفرات وبنزيمهم واحد واذا رحت للعمل الصني اسرع ولا اخاف عليها .. يعني الحين صارت البنتلي .. شينه !!
فسلر الالماني
لو جربتوه ماراح تشتروا غيره
موضوع جيد وتشكر عليه
افضل قدر بالنسبه لوجهة نظري سب ستيل
وللمعلوميه اي قدر ستيل صافي بإذن الله انه الافضل
سبحان الله وبحمده
السلام عليكم ورحمة الله وبركاته
فعلا موضوع اكثر من رائع و وقد تم اثرائه بكم هائل من المعلومات
وهو جدير بذلك ويستحق اكثر ولكن في نظري أن اﻷعضاء تفاعلو وابدعو
وتبقى الكرة في مرماك ابا رايف
لتعطينا الخﻻصة فنحن باﻻنتظار منك فكم انت كبير ابا رايف
الف الف شكر يا رائع
الذين يشاهدون الموضوع الآن: 1 (0 من الأعضاء و 1 زائر)