قدور الضغط وتعدد الصناعات لها ~تفضل وشاركنا برأيك هنا

[FORD1969]

السب المعدن وبس

موفقين
تم التصويت

جاري تجربة البرتغالي والمغربي يالبى قلبه وقلب صاحب الموضوع الخنفشاري

[ابو سمسم]

يعطيك العافية على المووووووضوع

والله ياصاحبي طبخنا وجربنا كل القدور ضغط وغيره على مدار السنين


الكلام على الي يطبخ بتقول وش دخل الطبخ اقولك


انا عندي اكثر من نوع لكن اخذ السيف والسبب لانه خفيف وسهل فقط

[ناصح]

أنا مجرب أنواع كثيرة
عدا الالماني ما جربته

والسب الفرنسي الستانليس ستيل مع قاعدة محشية بالالمنيوم

هو الأول بدون منازع بالنسبة لي

قوة , أمان , صحي , توزيع حرارة ممتاز , توفر قطع غيار

[صديق اليوم]

وعندك قدر silitممتاز وعمومن الاوربي الاستيل بشكل عام ممتاز بجميع انواعها

[ابو محمد المضياني]

انا جربت جميع الأنواع
وافضل قدر عندي السيف الي يجي معدنه ثقيل اسمه star
وافضل ميزه فيه انه اوسع قدر كاتم مر علي
وقدر السيف اثبت تميزه في ظبط الكبسه فيه بلأ منازع
وباقي الأنواع والله خساره سعره فيها
وأهم حاجه بقدر أرز انه يكون معدن لأن الستيل فاشل مع الرز
لاأحد يزعل وجهت نظر وعن تجربه

اوافقك الراي ولا يهونون الربع

[Mekshaati@]

انا استخدم قدر ظغط مولينكس ستيل قديم جدا لا يعلى عليه



وفيه السيف صغير للخفايف

مشكور على الطرح

[أبوعابد 22]

قدر ساب والسيف القديم
وعندي قدر ضغط اسباني
بس مدري وش صناعته
له حوالي 8 سنين عندي ولا ازين منه
وفيه واحد من الشباب عنده قدر ايراني حليوا
بس ماله قطع غيار
وفي الاستراحه 3 قدور ضغط كلها السيف

[المستعين بالله]

عندي سب المنيوم و اسباني ستيل والسيف ستيل ما شفت بينهن فرق لكن خذها قاعدة
كل ما كان القدر واسع كان اضبط للكبسة أما القدر اللي يكون ضيق وقاعته عميقة ما تضبط به الكبسة خصوصا اذا كان الرز واجد ينلبخ

[ابو زياد 90]

الى الان ماجربنا قدور الضغط

<== الى الان عل قدور ابو عراوي <== قديمك نديمك

ولكم التوفيق ,,,

[cooc]

قدر ضغط فسلر الإلماني
100%

[النادر12]

البرتغالي
اشكر الجميع

[talak511]

اكيد وبلا منافس
السب الفرنسي القديم سواء المعدن او الاستيل

[بن حمد33]

والله اني احترت
هل السب المعدن خطير ومضر
وليس مثل الستيل صحي
ارجوا الافاده

[مكشاتي0]

السب الفرنسي ممتاز وخاصة الألمنيوم القديم ،، واللي يستفسر عن خطر الألمنوم هو خطر اذا كان تم تصنيعة بجودة سيئة وخاصة من الصين،، ويكفي أن كاتم تيربو الألماني الشهير لا يتوفر منه الا معدن فقط على حد علمي ولا يوجد منه ستيل..

[ابوسعود .]

مساكم عسل يا الرجاجيل ...

بصراحه من عرفت قدور الضغط وانا ما اعرف الا قدر السيف مع ان الناس تهوش وتسبه ليش ما ادري لكن في الاخير دريت وهو ان الناس يمكن تفتحه قبل يخلص من تفريغ الضغط اللي داخله فأكيد بينفجر في وجه اللي عنده ...

اما انا بصراحه ما شاء الله عندي 2 واحد 11 لتر والثاني 5 لتر ولا احلى منهن فالطبخ طعم وذوق متناهي ...

وقطع الغيار للحين ما غيرتها مع انه له عندي يمكن سنه او اكثر تنصحوني اغير الربلات ولا ما يحتاج ؟؟؟

ووين القى قطع الغيار ؟؟؟