لغز جديد ................................ حله ( ارمادجي ) .. الحل ( البندق والرصاص )

[دام عزك]

السلام عليكم ورحمة الله وبركاته

مسيتم بالخير عندي لغز جديد

أبنشد اللي يعتلون المراقيب=أهل العقول النادرات المهمه
عن واحد دايم غريب الاساليب=رجال منزاله على رأس قمه
يجامع أمه لاملامه ولاعيب=قدمي وقدم الناس وأمه تضمه
وأنجب بنات دون شك ولاريب=وزواجهم شرعي ولابه مذمه
زفوه لأمه في كفوف المعازيب=ولولا معازيبه فلاجامع أمه

[حمد؟؟]

صح لسانك اخوي
وماشاء الله ابداع الله لايضرك
والرمعه
نقول
الكبريت

[تميمي.1]

صح لسانك
وش رايك بالكاميرا والفلم
والبنات الصور

[دام عزك]

صح ابدانكم اخوي حمد واخوي التميمي

شرفتم متصفحي البسيط

واقول مالكم لوى
بنتظار رمعات جديده

تحياتي لكم

[ولدالرايس2010]

ممكن يكون لقاح النخل

[دام عزك]

مالك لوى يالغالي

[مقرنس الشيهان]

وعليكم السلام ورحمة الله وبركاته
والله يمسيك بالخير والرضى
اخوي دام عزك صح لسانك ودام عزك
لازلت اتلذذ بالابيات والرمعه لم تحضر بعد
تسجيل حضور ولي عوده

[مقرنس الشيهان]

وش قولك بالبذر
الحب بلارض امه الارض
وبناته السنابل بعد خروجه من الارض والله اعلم

[zxcvc]

هلا بك يالغالي
.
ممكن يكون المهراس ؟؟
.
.

[دام عزك]

هلابـك اخوي مقرنس

صح بدنك

وبالنسبه لرمعه مالك لوى

وابنتظار رمعه ثانيه

[دام عزك]

هلاوالله اخوي zxcvc

مالك لوى طال عمرك

تحياتي لـ♥ـگ وابنتظارك

[مرسال 2000]

الله اعلم انها النخله وسعفها والذكر اللى يحتاجونه للتلقيح

[دام عزك]

مالك لوى يامرسال

توضيح للغز جماد لاحيوان ولا نبات

تحياتي للجميع

[تميمي.1]

عندي ثلاث رمعات على الطاير :
1- الشفاط اللي في وسط زمزمية الشاهي (مدري وش يسمى)
2- اللغز الجديد في خيمة مكشات
3- العقال

[حمد؟؟]

ممكن الختم
والبنات الكلمات
وامه حقت الحبر