مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
كلام صحيح ويرضي الجميع البايع و الشاري واللي اوله شرط اخره نور
السلام عليكم
اخوي هزاع بيض الله وجهك ولاهنت ولاكن انت نسيت نقاط مهمه في الطير
هل الطير يكوش ؟
هل الطير يحقل ؟
هل الطير ينقل ؟
هل الطير يصيح ؟
اما بالنسبه للسته اللي انت حاط مافيها كلام
اما بالنسبه لكلمه شرط محد شارط على طيره لواحد ما يعرف صقارته وانت ما قصرت وضحت النقاط كلها
الله يرحم والديك وكل مسلم وعساها في موازين حسناتك
تقبل مروري
صح عليك يابومشعل
بيض الله وجهك يابو مشعل وانا اشهد ماخليت لااحد مجال لابايع ولامشتري قيدتهم تقييد بس لي ملاحظه حقت الفحص اذا به شي على المشتري لان البايع اذا كان شريطي معقوله بيقعد يكب فلوس على كل طير علاج وكمان الكشف عليه يكفيه خسارته بالطير المريض والراجع له؟؟؟؟؟
ماقصرت يابو مشعل كفيت ووفيت وانا اتفق مع اخوي عصويد بالنسبه للفحص لان هذي نفس تمرض باي وقت واي لحظه وانا علي بالظاهر اما الحاجات الداخليه علمها عند الله وعلى نظر الشاري واذا بغا يتأكد يفحص على حسابه و أسف عالاطاله وهذا مجرد رأي لا اكثر
اقتراح 100% وانا مؤيد لك واتمني من الأداره انظره له بعين العتبار
وشكرآ
بارك الله فيك يابو مشعل
بيض الله وجهك كفيت و وفيت وانا مع رايك
اخوي اهم وهل من المنطق ان اشتري بالموسم فوق خمسين طير اترزق الله فيهم ويطلع بها عشرين بها شي لااعلام خافيه سوى اني اشتريت من حراج ومن قنوص طارحينه وابيع الحاضر هل يعقل ان فوق خسارتي في الطير المريض كمان اخسر في الكشف هذا الكلام لايعقل وهل من المنطق اني ابيع طير ويجلس عند المشتري اسبوع اسبوعين وبعد ماقنع منه قال فيه وفيه هذا الكلام لايعقل اناابيع طير روح مهدده بالمرض في اي لحظة ومع تغير اي جو او اي اهمال فيها ولاابيع محركات سيارة حتى بالسيارات الكشفيه على المشتري وليس البائع هل من المنطق ان اكون ان الخاسر الوحيد؟؟؟؟؟
راعي الطير لا رجعنا للعرف ملزوم بكل شي يجمل الطير بستثناء
ما يوظح عن طيره بالعلن مايحطلي السته ويوم تكلمه يطلع بطير عذاريب ويقوم يسهل الامور لك حتا يصرفه عليك
انا اقول ياخوي هزاع المشرفين على خيمة الصقور والبيع والشراء لا زم يشوفون ناس ثقه لنقل الطير ويوضع اسمه من ضمن السته
2- ليش مايكون فيه مندوبين يشوفون الطير ويفحصونه لشراي ويرسلونه ويكونون ثقه بالمنتدي يعني مندوب او اثنين لكل منطقه يتم التواصل عن طريقه للشخاص
ونا ارشح لمنطقتي حسب ما شفته وعرفته للمصداقيه العظو ((دعاس)) ابو نواف الله يباركله بحلاله رجل ثقه بمعنا الكلمه
اللستة والهرج والمدح للطير مايقدم ولايؤخر شي اذا بالطير شئ .. والله من واحد اكلها مفلفلة على كلام البايع من ان الطير شيخ واذا المشتري اشترى مالقى العلوم اللي كانت قبل البيع ولكن التجربة خير برهان واللي يبي يشتري طير يشرط التجربة لمدة معينه ويكون هناك مكاتبة على البيع والمشترى خاصة اذا كان الطير بقيمة عالية والظاهرة المنتشرة والناس مدحدرين فيها لاقال البايع هذا الطير مخرج من ( الشيخ ) فلان زاودوا فية على عماها وصماها واذا شرى الطير وهده مالقى طير لقى كومة ريش الا هو دافع فية ماجمعة لمدة سنه على يقنص ويفرح وينبسط الا هو ماحصل الاالخسارة .. لذا يا أخوان الطير اللي فية عيب اما باصبع منقطع او هدلة جناح لااحد يسومة لو بريال .. . والتجربة التجربة التجربة وهدد الطير خاصة اذا كان بقيمة عالية ولا احد يزود الا على معرفة وعلم بالطير .. ودمتم .
الذين يشاهدون الموضوع الآن: 1 (0 من الأعضاء و 1 زائر)