وش افضل النعيمي او الحري

[شرقا]

اذا تقصد حقت تهامة اللي تجي بدون اذاني كلامك صح حتى اشكالها مااتقبلها
لكن غنم شهران او حلال شهران مافيه مثلها في الاغنام لا من ناحية شكل فهي تجي بعد النجد في الشكل والا من ناحية الطعم وسبحان الله مبروكة حتى في البيع لكن اماكن تواجدها في خميس مشيط تندحة وتثليث امتداد الى بيشة وجنوب امتداد لنجران هاذي ديارها
اللي خبير في الاغنام يميزها عن الحري تكون اطول قامة واطول عنق ورؤس اكبر شعرتها قصيره وناعمه ليست حصا الإلية(السبلة) طويلة تسحب بالارض عكس الحري المتعارف عليه واللي تكون مبتوره مثل النعيم
وعندي مشروع افكر اسوي تهجين بينها وبين العيسيات لتقارب اللوانها واشكالها ولكن اردت الاستفادة من حجم العيسي

دايما اشتري حري للثلاجه, وطبعا لا افرق بين الحري الطايفي ولا الجنوبي ولا الشهراني...
لكن مره اخذت خروف تميز بشعرته الناعمه والبيضاء وماهي طويله...وحجمه وسط....كان طعم لحمه مميز ولين بشكل لم اعهده
فهل هذا من غنم شهران...؟
طبعا شريته من الباحه...
والصدق ودي دايما تكون الذبايح بطعامته ونعومته...الا ان حجمه وسط...ماهو كبير واجد

وصلى الله على محمد وسلم