يجي ميلادها بسباب تلاقي واللقي مشهود (طرجم).....لم يحل

[torrjom]

السلام عليكم ورحمة الله وبركاته

جديد يقطر دمه

انا بنشدك عن بنتن لها ياصاحبي ميلاد=يجي ميلادها بسباب تلاقي واللقى مشهود
على حسب اللقى تلفى وعلى حسب اللقى تزداد=وهي ماهيب تتحكم بنقصن كان او هو زود
نهايتها تموت البنت وموت البنت ذا معتاد =وتحيى بعد ماماتت بحالن يختلف ويعود

وسلامتم جميع



طرجم





منتديات مكشات





خيمة الالغاز

[صقر السديرات]

صح لسانك
جزل ما تجيب الا جزل
زادك الله من زوايد فضله
اررررررررمع
برغوث
دمت بخير

[torrjom]

صح لسانك

جزل ما تجيب الا جزل
زادك الله من زوايد فضله
اررررررررمع
برغوث

دمت بخير

هلابك اخوي صقر

وصح بدنك

والجزل كلامك

ومرورك العطر

والرمعه للاسف

مالك لوووووووووى

كل الووووووووووووووود

[الخامسي1]

أنا مريت با اسلم على من هو تعب وأجاد @ ولا به رمعه الا انت مبدع والجميع شهود

عسى الله يحرسك من عين عيانن يجي حساد@ تجمعها درر ترسل علينا كانها البارود

لطيفه في صيغتها تركبها سيوف احداد @ تقص العظم واتجامل- بسيطه ماعليكم زود

الا يا ويل ويلي منك مع الصيده تبي صياد@ ومع الرمعه تأبي الرماع يدندن بالوتر والعود

يجي سرداد مع مرداد ومرداده معا سرداد @ يصلي الفجر ماجابه وينعي حظه المقرود !!

[ابوماريا]

نار الغاز(الأنبوبة)
أو
نار الولاعة

[غالي ثمنها]

صح لسانك
نقول السحابه

[حمد؟؟]

صح لسانك الشيخ ابو عبد العزيز
ونقول
وش رايك في السنه
احيان تنقص وحيان تزود
بأيامها
او
كذبة ابريل

[الخامسي1]

الارض & البذرة ( ايً كانت)

وانا طالبك تتقبل الدعابه بصدر رحب واسمح لي بالرد على رمعتي

( تبطئ عظم ياابونايف) قصدي مالك لواا كل هواااا قصدي كل الود

معجب مع مرتبت الشرف بطريقة تركيب الألغاز التي تركبها إيه المبدع دائماً تحياتي

[تميمي.1]

صح لسانك ياطرجم
الله يعينا على ذبحه...!
اقول وش رايك في:
الرغوه اللي تجي على الحليب

[مكرم الضيف]

صح لسانك وش رايك ب

الجرادة

[مكرم الضيف]

وش قلت ب

النار

[مكرم الضيف]

ولي رمعه وهي

عين الماء

او

البئر

[النبهاني]

وعليكم السلام ورحمة الله وبركاته
صح لسانك يابو عبدالعزيز
مبدع والله وتسلم
اللي جاء على البال - الشراره
ودمت بالف خير

[torrjom]

أنا مريت با اسلم على من هو تعب وأجاد @ ولا به رمعه الا انت مبدع والجميع شهود

عسى الله يحرسك من عين عيانن يجي حساد@ تجمعها درر ترسل علينا كانها البارود

لطيفه في صيغتها تركبها سيوف احداد @ تقص العظم واتجامل- بسيطه ماعليكم زود

الا يا ويل ويلي منك مع الصيده تبي صياد@ ومع الرمعه تأبي الرماع يدندن بالوتر والعود

يجي سرداد مع مرداد ومرداده معا سرداد @ يصلي الفجر ماجابه وينعي حظه المقرود !!

هلا وغلا

وحياك الله ياابونايف

وصح السانك مليون على هالدرر

وانا اتعلم منكم وامشي على اثركم

وبيوتك هذي شهاده اعتز بها

ووسام تشريف على متصفحي

وكان ودي على الاقل اجاريك

لكن الوقت لم يسعفني وانت منتب حي الله

انت جزل ولا نقبل لك الا جزل

الا يافكري وش عندك علامك ماتبي تنقاد=دخيل الله يافكري تجمل لايجي منقود
على اهل الطيب رد الطيب تجمل يافكر وش عاد=اذا هالحين تعصاني اجل وقت الرخى لاتعود

الارض & البذرة ( ايً كانت)

وانا طالبك تتقبل الدعابه بصدر رحب واسمح لي بالرد على رمعتي

( تبطئ عظم ياابونايف) قصدي مالك لواا كل هواااا قصدي كل الود


معجب مع مرتبت الشرف بطريقة تركيب الألغاز التي تركبها إيه المبدع دائماً تحياتي

كل شي مقبول منك الا الهووووو

واعجابك محل تقدير

وعلى خطاكم نسير

كل الووووووووووووووود

[torrjom]

نار الغاز(الأنبوبة)

أو

نار الولاعة

هلابك وحياك

اخوي ابوماريا

والرمعه للاسف

مالك لوووووووووى

كل الوووووووووووووود