( مساجلات شعريه بين اعضاء الخيمة )

[ابو اسامه 2]

السلام عليكم ورحمة الله وبركاته




من باب الترويح عن النفس ، وتغيير الروتين


بين افراد هذه الخيمة




ولعدم الخلط بين الالغاز والمساجلات




تم وضع هذا الموضوع للاستمرار في المساجلات الشعرية بين الاعضاء



وامتداداً لما حصلت من معارك ومزوح في هذا الموضوع



بين




الزعيم والهلالي وابو اسامه من جهه

ضد



الهيل وابو ذيبان من جهه





http://www.mekshat.com/vb/showthread...=484040&page=2



وكانت المعركة كالتالي

السلام عليكم ورحمة الله وبركاته
هذا لغز والرمعه سمعت ابو محمد الهلالي
وابو ماجد الزعيم يسولفونبه واخت المعلومه منهم
ووضعت الغز عليها وانه الحين ماعاد ت أو نادره
بس ألأسم غريب علينا ياتلويه

الهلالي يذكره بوقتٍ قديم=الهلالي جاله طاري واذكره
ذكرياتن خاضها مع الزعيم=بالسوالف طارمن فمه غبره
عن قديمه ويسولفبه القديم=ألفتاه الي أسلوبوها أشكره
تُنتَزع من جسم ابوها يالفهيم=وتُوضع مع جدها ذا أقدره
كلِ ذا لجل النتائج بالصميم=ناتجه بالمستوى على عشره

أغبره (غبار نسبه للقدم)

مع فائق التقدير والأحترام
الهيل

انا معك من التلوية

هيلنا رمز الشباب المستقيم=وبالرياضة هيلنا شات الكرة
ياحبيبي جيلنا جيل النعيم=نحمد الله والرجاء بالمغفرة
لاتجالس عود من وقته سقيم=لابغى ياقف تعكز بشجرة
وش تبي بأثنين يالشب الوسيم=قد تجاوز عمرهم راح اكثره
واحدٍ يشكي الصلع والشوف غيم=وواحدٍ يشكي الركب لا وظهره
عقدونا بالغطو واللعب قيم=وجرجرونا بالمغبر جرجرة
وش يعرفنا بماضي ياسليم=كل عودٍ حافظه في دفتره
حنا حنا ’حنا حنا’ ياكريم={ياتلوية} دوم نحب الغشمرة
ناكل البرقر ونشري عسكريم=وشايبك يبغى مرق غث المرة
نركب اللكزس وبالدنيا نهيم=وشايبك وسط المزارع فرفرة
نلبس البنطال نشابه للمقيم=وشايبك سروال سنة ما اكبره
ندخل النادي ونسبح في السليم=وشايبك وسط الشبا له غرغرة
نقفز القفزة نطنبح في الصميم=وشايبك بمحيفرة هج احذره
نربي القذلة نماري ياحكيم=وشايبك من الزمن حت اشعره
صيدنا بالجيب والرامي حكيم=ناصل السودان ونرمي بثمرة
الوعل والريم والارنب مقيم=والوبر والخرب طيري بعثرة
وصيدهم يمشون لو كانت حميم=بالرجل يمشون ومعهم محفرة
من طلوع الشمس لليل البهيم=وصيدهم قارور وفرخ الحمرة
جيلنا جيل الشباب جيلٍ عظيم=وجيلهم ولى ’وباقي بستره
هيلنا هيلٍ مقاوم مستقيم=ضد عويدٍ جيت خص ابا شكره

وشيبك وسط الشبا له غرغرة =شبا= الطحالب في بركة سباحة الربع

صح لسانك يا الغالي

ما شاء الله عليك

ابدعت ووسعت على صدورنا

الله يوسع عليك

وخذ هذا الرد مداعبه

انا اشهد انك شايب ٍ يا هالوسيم=وش عرفّك بالشبا والغرغره
ثم ان اسم اللي شريته " آيسكريم " =ماهو عين ٍ تظهره لا استره
اشك انك في المشي ما تستقيم=احدب ٍ ظهرك وحالك بعثره
تصلي العشاء ثما ّ على طول ٍ تنيم=ما تعترف بسم السهر وتحذره
خل الشباب لاهل الشباب يا هلوسيم= وانا ادري انك شايب ٍ بك غشمره

الى طريدي الفارس المزعوم

الى فتان ابو ذيبان
ماعليش حقكم ماقدر اوفيه والسبب امليص املز
ولكن استلموا الجود من الماجود

شفت شوفة هيضت قلب الحليم=شفت انا اثنينٍ بعمر الختيِّره
شوفة اللي نيته دايم سليم=لو تغلغل به شكوكٍ . يقهره
قلت هذا راكعٍ يرجي رحيم =خاشعٍ والعين دمعه تنثره
يوم تبيّن واثرها طبعٍ مديم =في ركوعٍ مجبره قوس اظهره
والبصر من بحلقه اصبح سقيم=مالِعَينِه بالتبحلق مقدره
ومن مشى يارب عفوك ياكريم=كن دجاجٍ عن فرارٍ يحجره
والسوالف الجمت عقل الفهيم=بعثره في بعثره في بعثره
ذي حروفٍ مانطقها مستقيم=لو نطق له حرف في عشر اعثره
ومن غدى فمِّه من اسنان عديم=لو حرص ماكل حرفٍ يظهره
هذا والذكرى غدت عنده هليم=مابقى الا يسيرٍ يذكره

مازلت متعلق بالشيخ يمكن لاشافن غرقان بينكم يبي يسوي نفسه البطل المنقذ

ياشويب ادحر ابليس الرجيم=شوف شيبك دوك طالع منظرة
ماقطع قلبك سوا زين الحريم=لكن الهمة نزول ودحدرة
حنا نعشق مي و ضي لالا وريم=وانت هايم في منيفة المقبرة
حنا ننطق راء وثاء وننطق بجيم=وانت حرف الثا معلق حنجرة
حنا نتواعد بفندق له نسيم=وانت مواعيدك بجنب المنجرة
حنا نلبس كننا ابو شكيم=وانت فنيلة بالية ومبقرة
بس تبون الجد ذا الشايب حشيم=وبالشدايد احتزم به واذخره
اسأل الوهاب الفرد الرحيم=يحفظه للطيب شيخه ومنبره
السبوطي احذره لدغه اليم=ان تكلم بان عنفه وخطره
ياجماعة ياجماعة الزعيم=انفضح امره وجرد خنجره
شاعرٍ متربعٍ فوق القصيم=الحقيقة يستحق الجمهرة

ياللي تعشق مي مع ضيٍ وريم=واقعك صعبٍ علينا تستره
قصتك من جيت يم ارض القصيم =مقدمٍ لزواج معلوم امهره
في منامك قبل عرسك ياغشيم =ماحصل قصه وكاد امشفره
ناهضٍ من نومتك كنك سقيم=تزعج اصواتٍ عرفنا اكثره
قلت قضينا مالي شفٍ بالحريم =مالي شفٍ يالربع بأية مره

اخوي ابو ذيبان والله ماني شاعر لكن مضطر
واللياقه انتهت شفني افح
ارفقوا والا تراي ابستخدم النووي
الظاهر ابصير مثل بعض الدول الوح بالنووي وانا ماعندي ولا العاب ناريه
وين انت ياشيخ مسكين

صح لسانك واستلم

يا هلا بابو الشبا والعسكريم=يا هلا بالشايب اللي نخبره
انت شايب والشباب هوه الزعيم=وكل واحد واضح ٍ من منظره
لا تقل مي ٍ ولا ضي ٍ وريم=انت لك وحده قريبة غرغره
كلنا شفنا وعيّنا الزعيم=له وسامه للعدا هي تقهره
وانت جسمك هازل ٍ كنه سقيم=شايب ما عاد عندك مقدره
غيرتك من حد جده للقصيم=سببت ربكه وجابت جمهره

ههههههه ههههههههه
هههههههههههههههههههههه

اشهد ان الشيخ رجالٍ حكيم=ما تدخل والنداء ماعبره
شايبٍ مولود في شارع ثليم=يوم يجي توحيد بلادي يذكره
وانت ياعود التسلّط { ياعديم=النشاط } تهدم عزومك قنبرة
لاتفحفح دوبنا والله عليم=بمسك السيدين وراكب مفخرة
دوبنا نسري وبالليل الظليم=والفجر باقي مافج انحره
ياشويب لا تسوق في العثيم=الركب هلكا ونسمع صرصرة

هههههههههههههههه

يااسامه امسك الوالد هشيم=ارحم شويب زمانه مرمره
مرةٍ شفته وسط حي النظيم=راكبٍ ددسن وحسه طرطرة
قلت وش عندك هنيا قال ميم=قلت وشو قال ميم المعصرة
الضروس مافيه واكلي له ضريم=ناشفٍ وآتي هنيا اعصره
قلت له هيا تفضل قال ميم=قلت وشو قال ماما المعذرة
التلعثم هد عودك الجريم=والشحم لخبط علوم الدخترة

يا اسامه علّم ابو العسكريم=قله منه والدك ثم اقهره
انا مدري وشهو ذا حي النظيم=انا معرف غير جده واشكره
نركب السنبوك ونبقى في نعيم =وانت راكب ددسن له صرصره
نرمي المقسوم ويا لله يا كريم=وانت تلحق ضب رجلك اغبره
أجلس على الكورنيش اكل ايسكريم=وانت ما تعرف يا كود اتمره
جسمي امنسق وماشي في السليم =وجسمك امفلطح صاير بعثره
انا ادري عنك شايب بالصميم=جالس ٍ عند الجمل والمعصره
خل بس عنك . يا شايب سقيم=دايم ٍ عند الصيدلي والدختره

السلام عليم ورحمة الله وبركاته



ندخل معكم بهذه المعمه بالرغم من محاولاتي بعدم الدخول


وهذه القصيده موجهه للهيل


ومن باب الميانه والدعوى مزح في مزح

ابدتي باسم ربي الحكيم = جل شانك ياقوي المقدره
ياعزيز ويا كريم وياعليم = يارحيم رحمتك والمغفره
لاتواخذ شايب عقله سقيم = يدعي في ركب خيله مفخره
مستجير بالرمض عقب الجحيم= صار عقله مثل رايش منجره
رز روحه فوق خيل ٍ به يهيم = غير يصوصي مثل تسحالي بشجره
شف خيله مابها عظم سليم = واللحم من كل عظم امزره
ياهبيل وياسفيه وياصتيم = الدلاخه مركبك فوق ضهره
شف اخييك راجح عقله زعيم = وانت خبلا فوق سور المقبره
والبساسه عظمها اصبح هشيم = كل بس يشتكي ظرب حجره
خف من الله في منيفه يالنديم = ارحم اللي دمعته فوق نحره
لاتزيد الكيل في غلك يتيم = لاتزيده بالقهر زود اقهره
غير تبكي كل ماذعذع نسيم = والنسيم من يم صوبك اكدره
يابوذيبان لاتوهق بالغشيم = لايغرك مظهره مابه ثمره
مثل عود للعشر جوفه هليم = مايتحمل لاوقع طير كسره

ياهلا بك عد ما هب النسيم=يا هلا بالشيخ رمز المفخره
هذا هو اللي يقوله الزعيم=السلاح اللي يبعثر بعثره
جاكم الموت ومن عقبه جحيم=ومن تعدا الحد يقتل ينحره
هذا هو ذيبان شاهد يا فهيم =هو تدخل والنداء هو عبره
بعد هذا صار حالك كاليتيم=ما معك هيل ٍ ولا لك مقدره
والفهد لا جاء ترا ضربه اليم=ومن وقف قدام شيخ ٍ يعصره
انا يا ذيبان لك ناصح رحيم=من تنحى عن فهدنا نعذره
ما يفيد الهيل وبتصبح نديم=ارفع الرايه و ضعفك اظهره

الهلالي ساطنا والخلق نيم=بالقوايل سل سيفه عنتره
يالهلالي انت رجالٍ قويم=الفرس شقراء لا ومغترة
فوقها هيل الميادين الصريم=كم جدع راسٍ وذب الخنفرة
الفتوة هيلنا خيره عميم=الشباب افعال ماهو ثرثرة
يلبس الغترة يهبل بالحريم=وفلجته تجذب بنات ومبزرة
عند بيته رابط الصبة بسيم=البني غثوه دايم ورورة
النصيحة يالهلالي لا تضيم=اذخره للوقت لالا تخسره
عودك الثاني من السجة حطيم=راعي الحلتيت وشيبة عرعرة
وشوف اسامه حالته حالٍ عديم=بالشٍ بأبوه وصوت الكركرة
يالثلاثة كلكم شىٍ قديم=وحنا الاشبال فتوة ومقدرة
القوافي سيلها عرمٍ عريم=لو خطم سدٍ ابد ما يذعره
دوك برقٍ شافها برق القصيم=صاعقٍ كم لغز والله دبره
يالهلالي تذكر عبدالله النعيم=لا لمحت اسمك على طول اذكره
ياشويب باني ٍ في أم سليم=بيت طينٍ حس بابه حرحرة
ياقديمٍ بالخطوط واللوحة تيم =ومسجدٍ ابيض وحوله بنبرة

رد مداعبه على ابو محمدالهلالي وابوماجد

احمد الله واشكر الرب الكريم=منهو فضل بين نشمي واعثره
ماهو ذنبي بالهذاري يالحطيم=في عيونك تقلب الخيل بقره
كان ركضك للجحش بروضة خريم=منبسط مستانسن فوق أظهره
ويش جاب الجاب يالدب الغشيم=فركبتِ للخيل عز ومفخره
أبراهنكِ من هرفي فطيم=تركبه لوجاء بحفرة بنشره
منهو مثلك يرعبه شخف النسيم=كل مابطنه جابه واعصره
المحارم كبها خلك فهيم=لاتطرق له منيفه المره
والا انت بضاعتك خبري قديم=فوق راسك الحصا بالمحدره
واصراخك الي يسمعه واعي ونيم=علنتبك عجزو عنه الدكتره
وفيه شي من تحت يجري مديم=لبسوه من (الحفايظ)ماعبره
أقضب أرضك لايوهق الزعيم=يكفي قطٍ لو يجيله أحجره
الشجاع انت الشجاع وي الزعيم=لوتصيربالقرق وكثر الدندره
بس ابو ذيبان واقف بالسليم=خمسه زائد خمس يساويله عشره

مع فائق التقدير والاحترام


الهيل

فاضح ٍ نفسك مسوي انك فهيم=الشبا والعين وكلمة غرغره
ثم تتحدث عن اللي اسمه نعيم=شايب ٍ من جيل جيلك تذكره
يا شويب روح كل لك عسكريم=بالتمر والهيل والجح اكثره
وش جابني ما بينكم وانا الوسيم=ذا ماسك ٍ للعصا وذا لظهره
ودام الهلالي جاء بوجود الزعيم=انا انسحب ويبقى عليّ الكركره
اتذابحو اتقاتلو وانا بنعيم=انا ابتعد ما عاد فيني بربره

ورب يونس لا و يوسف والكليم=ردك ردك مجزرة في مجزرة
المعارك شكلها شكلٍ ذميم=الضحايا والدما له خرخرة
اضرب اضرب والسما تمطر بديم=ديمٍ احمر شاعلٍ له شرشرة
هيلنا شب القوافي في الرميم=والبطون خافت وفيها قرقرة
قادها قود العسايف بالخطيم=ياحلو قافٍ بسيفه شقره
الاسد يزئر وانفخ ياشريم=الزئير اللي يحوس الضرضرة
مسكنه فوق النوايف والشميم=العرين محمي وهيلٍ خضره
ياشبابٍ تعشقك نوف ورنيم=ماهي كدشا شلحتة امشجرة
ياهوى يارا ودانة مع سديم=ماهي كدشا بديرمٍ متفشخرة
مايردك ياكريم الا لئيم=ياوسم جايد بمسك وعنبره
هيل مع ذيبان ياعالم تويم=بخترة في بخترة في بخترة
ان سكن هذا وعاندنا غريم=قام الاخر بالقوافي وامطره
ان شعق هذا فهذا له هزيم=وان وقف سد القوافي فجره

اسعد الله في صباحك يامدير = ياحكبم فوق روس الدختره
البحر مايوم سمي بالغدير = وانت بحرك مد عين ٍ تنظره
بحر موجك لا لطم يعطي هدير = يجفل اللي بوسط راسه انعره
فرخ حر مابعد طش النجير = منوة اللي فوق كفه يصقره
ياعسى ام الطعش بعينه تشير = من سود رمشه ماتحط المسكره
يابو اسامه لاتعجل بالمسير = فزعتك ثم فزعتك بالمشجره
سل سيفك وانت رجال خطير = خل حرفك ثابت في مصدره

سيفي ماهو مثل سيفك يا خطير=انا إعرابي وانت عنتره
اتراجع ثم ارجع للمسير=ماهو مثلك كل شخص ٍ تدحره
انا عن واحد في حسبة ظهير=وانت في الحسبه مساوي عشره
انا قدامك جندي او خفير=وانت ضابط في علوم الدختره
من يشوف الهيل ظلك له صرير=وتسمع لذيبان بطنه قرقره
ارفع الرايه وامشي في المسير=يا مديري وانت رمز المفخره

والان توقفنا عند رد ابو عبدالله الهيل بعد رده الاتي : ـ

فهد الهلالي

اسعد الله في صباحك يامدير=ياحكبم فوق روس الدختر
هالبحر مايوم سمي بالغدير=وانت بحرك مد عين ٍ تنظره
بحر موجك لا لطم يعطي هدير=يجفل اللي بوسط راسه انعره
فرخ حر مابعد طش النجير=منوة اللي فوق كفه يصقره
ياعسى ام الطعش بعينه تشير=من سود رمشه ماتحط المسكره
يابو اسامه لاتعجل بالمسير=فزعتك ثم فزعتك بالمشجره
سل سيفك وانت رجال خطير=خل حرفك ثابت في مصدره

ابو اسامه

سيفي ماهو مثل سيفك يا خطير=انا إعرابي وانت عنتره
اتراجع ثم ارجع للمسير=ماهو مثلك كل شخص ٍ تدحره
انا عن واحد في حسبة ظهير=وانت في الحسبه مساوي عشره
انا قدامك جندي او خفير=وانت ضابط في علوم الدختره
من يشوف الهيل ظلك له صرير=وتسمع لذيبان بطنه قرقره
ارفع الرايه وامشي في المسير=يا مديري وانت رمز المفخره

الهيل










رد لبو اسامه حسب الميانه

يالفرزدق يالحطيئه ياجرير=شايبك بالمدح زاد تبه أهذره
لاتوهق بشيلة السيف الشطير=كم غشيمٍ أصبعه فيه أبتره
والظهير أن قلت ترا أمره عسير=مثل رقي ألأبل الراس الشجره
بس أبو ذيبان راس حربه يدير=بالثمان طعش تشوف الفرفره
وانت للكوره تجلبها تسير=لاطلعت عن ملعبه لو أشعره
واسفٍ بالرد لوفيه أتا أخير=شوفتي له اليوم والله المعذره

تحياتي

تابع ...................

[راعي العجراء]

كفو يابو اسامه موضوع شيق
وتشكر علاه
الله يعطيك العافيه
وين الهال والهلالي وبو ذيبان
نباهم يتصادمون وكل واحد يصلح موتره من دون زعل
بس الهال ودي انه ينغلب نبا واحد يصدم موتر الهال ويهج
قال يبا يتزوج عمتي منيفه ووللحين وهو مواعيد عرقوب
وعمتي صار عنده انفصام بالشخصيه من سبايب الهال
وماغار تدبغ بورعانها اليتمان
وانت يابو اسامه نباك تشارك معهم وتجيب دركتر للهال

[ابو اسامه 2]

كفو يابو اسامه موضوع شيق
وتشكر علاه
الله يعطيك العافيه
وين الهال والهلالي وبو ذيبان
نباهم يتصادمون وكل واحد يصلح موتره من دون زعل
بس الهال ودي انه ينغلب نبا واحد يصدم موتر الهال ويهج
قال يبا يتزوج عمتي منيفه ووللحين وهو مواعيد عرقوب
وعمتي صار عنده انفصام بالشخيه من سبايب الهال
وماغار تدبغ بورعانها اليتمان
وانت يابو اسامه نباك تشارك معنا وتجيب دركتر للهال

هلا والله بالغالي

كفوك الطيب

والله يسلمك يا الغالي

الهال حط قصيدته وهج

ما تشوف الا العج

يدور ورا عمتك منيفه

خايف من الهلالي

وابو ذيبان يظهر ان بطنه الى الان ما طاب

الله يجيبهم بالسلامة



لك مني كل موده وتقدير يا الغالي

****


سيتم تثبيت الموضوع لابعاده عن منطقة الالغاز
ولمن اراد المتابعه



.

[أبوعبدالرحمن0]

ما شاء الله


أَنْعِمْ وأَكْرِمْ بالجميع

[ابو اسامه 2]

يالفرزدق يالحطيئه ياجرير=شايبك بالمدح زاد تبه أهذره
لاتوهق بشيلة السيف الشطير=كم غشيمٍ أصبعه فيه أبتره
والظهير أن قلت ترا أمره عسير=مثل رقي ألأبل الراس الشجره
بس أبو ذيبان راس حربه يدير=بالثمان طعش تشوف الفرفره
وانت للكوره تجلبها تسير=لاطلعت عن ملعبه لو أشعره
واسفٍ بالرد لوفيه أتا أخير=شوفتي له اليوم والله المعذره

تحياتي

[/QUOTE]

استلم

الهلالي من يجي عطر وعبير=وانت لك صاحب جوّك عكّره
الهلالي الملك و انا الامير=ومن يعادي الملك انا انهره
ثم لا شفته في غيّه يسير=امسكه واقتله بيدي انحره
الهلالي اولا ً وانت الاخير=وصاحبك هندي وجهه اغبره
لابس ٍ فوطه كن اسمه نصير=انصحك ابعده روح وسفّره
قادك الاعمى وانت معه ضرير=خايفٍ والظهر لاصق باظهره
والهلالي لا برز بئس المصير=كل واحد في مكانه يحشره

[ابو اسامه 2]

ما شاء الله


أَنْعِمْ وأَكْرِمْ بالجميع

هلا وغلا بالغالي

يا هلا فيك وحياك ربي يا ابو عبدالرحمن

مرور عاطر يا الغالي

تحياتي لك

[إبن دخيل]

موضوع شيّق يابو اسامه

بلا شك متابعين ومستمتعين ..

وصح صح صح ألسنة الشعراء ولا هانو المشاركين

[ابوذيبان]

الى الان وانت فيك عرق ينبض . ؟ ههههههههه

موضوع رائع ياغالي , لكن اقتراح ياليت تتفرغ شوي وتنسخ بداية المساجلة من لغز هيل

حتى ردك الاخير ع الاقل لتسهل المتابعة وتتضح الرؤية

وملاحظة مهمة ’ لنستفيد كلنا يمنع تكرار القافية الا في اضيق الحدود

دمتم بخير

[ابوذيبان]

ياحويشي لا تداحم في البعير=قد سبق جنبك في لحظة قشره
ياحويشي احترس زاد الشعير=الفحل تل السدر لا وافطره
الهلالي وانت والعود الكبير=قد حجركم ياعويّدٍ قسورة
ماخبرنا ضب له ريش ويطير=وماخبرنا فيل راسه عطره
وماخبرنا ذا الورل يفرش حصير=وماخبرنا ديك بيته بخره
ويلكم ماعاد ينفعكم نذير=ذنبكم غزر البحر ما طهره
جيت لك عاني وبالمعنى بصير=شاعرٍ خاض البحر ماشبره

[النبهاني]

وعليكم السلام ورحمة الله وبركاته
مشرفنا الغالي أقديت وبيض الله وجهك
وصح لسانك ولسان شعراءنا الفطاحله
وامسي على الجميع بالخير
واقول لابوذيبان والهيل ترانا بالمدرجات فوق
لاننا ندري انكم كلكم ما انتم بحاجه تسمعو ن الهتافات

[هيل]

الردعلى حبيبنا ابو اسامه

تحياتي

[حمد؟؟]

ماشاء الله ماشاء الله
صايرن به عجه هنا ونا مادريت<وش بتسوي يعني؟؟؟
صح لسانك ابو اسامه
صح لسانك الهيل
صح لسانك الهلالي
صح لسانك راع العجراء
ابداع
لو انا شاعر كان
بس يجيب الله مطر

[ال-رايق]

بيّض الله وجهك على هالفكرة
---------
لكن يابو أسامه حطّوا لنا ابتسامات نيابة عن الصفوف--وحطّوا مستويات وتصفيات ولازم صور المتسابقين تكون موجودة ’’ليه الهيل اللي كل شوي حاطين صورته وخذ ياتعليق عليه..ومن مكملات شعر الرد انك تعرف عن الشخص نبذة او اخبار او صور حتى يوم كان صغير
وازهلوا حبيب الشعب اخوي/حمد صورته موجوده لكن وين الباقين؟؟؟؟؟؟؟؟؟؟
على العموم الله يسلمك ومن يقرا
واعتبرني مؤيد بقوة للفكرة وعلى استعداد بالمساعدة للي تطلبونه!!!!!!

[الأديب]

ماشاء الله ابداع من الجميع
صحت السنتكم اخواننا الشعراء
بيض الله وجيهكم
ملاحظة //اواقتراح كما تحبون تسميته
ليش ماتكون مجاراة او تحدي بالقاف بحيث لايتجاوز كل شاعر بيتين اوثلاثه
وتتناول مواضيع اجتماعيه اوفكاهية
كذلك شعرائنا ماشاءالله عليهم امكاناتهم مميزه وواضحة اتمنى نقرا ابيات في حب الرسول صلى الله عليه وسلم
اعتذر عن الاطاله واذا لم يكن هذا مكان المشاركه فللمشرف الحق في حذفها اونقلها
دمتم برعاية الله

[الخامسي1]

بسم الله الرحمن الرحيم

سلام الله على من هو قراء في خيمة الألغاز=مساجل ربعنا والفكرة الفكرة جنونية
واذا نحتاج نرجوكم يجيب المشرف الإيعاز=لمن له رغبة المبداء بطريقة ذوق فنية

يقيم من يقيم والنتيجة تعلن اللي فاز=شروطً واضحه والكل منا يحسن النيه