تكفون صملوني ياهل الفزعات يااهل مكشات

[براق وسمي]

مساكم الله بالخير

تكفون صملوني على رآي ياآهل الفزعات يااهل مكشات
انا احترت بين جيب GXR 2000 سعودي تماتيك خطه 2005 نضيف ماشي 227الف ماجاته سمكره ولارشه وراعيه فاكه وكاله ولاهو راعي بر (فيه تهريب زيت خفيف مع الصدر .... وفيه تنسيم لفريون المكيف من عند الاديتر) قيمته(82000)

وإلا هايلكس دبل جديده

وانا استخدامي صيد شعبان وما شعبان ماني براعي تطعيس
تكفون شورو علي بسرعه لاني مواعد الرجال بكره للفحص

[HAS5SAN]

الجديد الجديد
خذ هايلكس ولا تشاور
ولا تنسى الاستخارة

[ابونبيل]

اشور عليك بالهايلكس تراه موتر يطربك خاصه البر يبي له حوض

واللند اذا هو تماتيم المفروض ماتفكر فيه لانه مايتحمل راعي القنوص الا العادي

[براق وسمي]

الجديد الجديد
خذ هايلكس ولا تشاور
ولا تنسى الاستخارة

اشكرك على شورك الطيب بس كيف الهايلكس مع المطبات مع الخط

[الصمان 2]

مالك ومال الخربات



توكل على الله وخذ جديد .




موفق يالغالي ،،













.

[كهلان]

لاند موديل 2000 يعني عمره 12 سنه ويبي صيانه
مايقارن بالهايلوكس جديد علما ان اسعار السيارات اليابانيه مرتفعه بسبب العمله (الين الياباني)
لكن توكل على الله وخذ الهايلوكس
الله يوفقك ويكفيك شر الاشرار

[سيف وقلم]

أرشح الهايلوكس ما فيه مثل موتر تطلعه وكالة

[ابونبيل]

اشكرك على شورك الطيب بس كيف الهايلكس مع المطبات مع الخط

ممتاز جدا بس فيه نطة الوانيتات يعني التنقيز للي يركب ورا اما قدام ابد جيب
بس هو اخف من الدفرنس مناقز

[براق وسمي]

اشور عليك بالهايلكس تراه موتر يطربك خاصه البر يبي له حوض

واللند اذا هو تماتيم المفروض ماتفكر فيه لانه مايتحمل راعي القنوص الا العادي

الله يجزاك الجنه على شورك الطيب

2-0 للهلي

[هلي ديزل]

ارشح لك الهايلوكس اذا مافيه خيار ثالث!
اما اذا ممكن نعطيك خيارات احسن (مثل مانشوف) فأنا ارى انه أفضل لك

[براق وسمي]

الصمان 2
كهلان
سيف وقلم
شوركم طيب جزاكم الله خير

[براق وسمي]

ارشح لك الهايلوكس اذا مافيه خيار ثالث!
اما اذا ممكن نعطيك خيارات احسن (مثل مانشوف) فأنا ارى انه أفضل لك

هلا اخوي هلي ديزل اشكرك على اهتمامك
عطنا خيار اخر ماعندك مشكله ولا عليك امر

[براق وسمي]

ممتاز جدا بس فيه نطة الوانيتات يعني التنقيز للي يركب ورا اما قدام ابد جيب
بس هو اخف من الدفرنس مناقز

اشكرك اخوي ابونبيل على توضيحك
اسعدني جداً توضيحك

[الشلفا]

أخوي خذ الهايلوكس جديد ولا تشاور

الجيب يبي له 5000 ريال على ظهره إذا ما قال هل من مزيد

وبحسبة بسيطة جدا لو اشتريت الهايلوكس بـ 100 ألف فرضا , وجربته وما صلح لك ما راح تخسر فيه إلا حق التجربة ألفين ثلاثة وطابور من الزباين يشتريه
وأجزم إنك ما راح تبيعه ما دام أنت اللي فاكه

[Salamah.y]

الجيب التماتيك , زين للديره و الخطوط و الطلعات الخفيفه
و لكن ماهو مثل أداء العادي , اللي يبيض وجهك مع توفيق الله
,
خذ لك هايلوكس جديد ,, أزين لك !!
او دور لك باترول نظيف فتك 4800 موديل من 2005 و فوق !!

,

الله يوفقك بالموتر اللي يسر خاطرك