15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمة الله وبركاته
يا اخوان انا موعد الولد بشتري له سياره اول مادخل الجامعه وهذاهو خلص
ويبي ربع 2012 وهو يستاهل مطيع لي ولمه وطيب الولد
وقالي ابي ربع انت يابوي موعدني وانا بالثانويه تقولي كمل الثانويه
وادخل جامعه وخذ معدل حلو وابشر وفعلآ انا قايله
وانا عند وعدي له ما ابي اكسر في خاطره ورحت لمعارض النسيم مولعه الربوع
العادي فوق 144 الف البريمي
وش تشورون علي يالاجواد
مكشاتي متقدم
خذ ربع سعودي أقل نوع
سعره في الوكاله 110 الاف
الصراحه حرام 30 الف زياده عشانه خليجي
والفرق في الاكسسوارات
،،،
وإذا تـبـي الـشـور
الربع انتهى وقته :
خــذ اف جي قير عادي
وريح نفسك
وسعره 127 في الوكاله و
(يتفوق على الربع في المكينه اقوى
والقير 6 سرعات
وفيه دفلوك)
مكشاتي
يالغالي اثريتني والله بالمعلوماتالمشاركة الأصلية كتبت بواسطة has-120
المشكله هو مايبي الا ربع حاطه براسه
مانحيتي انا ما ابي الربع خطر لكن شسوي هو مصمل عليه
طيب الربع 2011 احصل جديد ؟
ولا بس مستعمل ؟ واذا مستعمل بكم هوبه وشاكر ومقدر لك
اول شي الله يخليك له ويخليه لك لكن شف ربع مستعمل اخو الجديد تجدقيمته مناسبه بالتوفيق
مكشاتي متقدم
2011 نادر الجديد
والمستعمل ما يصلح ولو بريال
قليل تلقى النظيف وسعره معقول
انا كان عندي ربع وبعته
وجربت اف جي قير عادي
فرق بين السماء عن الارض
اف جي قير عادي أفضل بكثير
من كل النواحي(بر _بحر _جو)
ولا تدور غير السعودي
لأن سعره أرخص من غيره
وإذا صملت على شيء
راسلني على الخاص
وأحاول اجيب لك اللي تبي .
مكشاتي ذهبي
مر على وكالة عبداللطيف جميل عندكم بالرياض وشوف اسعار الربع عندهم اسعارهم ارخص من الخليجي بكثير
خذ السلق الكفر النحيف
والله يحفظ لك ولدك ويخليه لك ويستاهل دامه وعد بوعده
مكشاتي برونزي
شف ياطويل العمررر والسلامة اناا الاسبوع للي راح كنت جالس مع راعي معرض من المعارض المعروفة بالربوع والحوضه يقول انه راح يزل بالصيف من سعرر البريمي 10الاف تقريبا بالصيف ذا ان شاءالله
ام سعرر الربع11 جديد مالي علم لكن المستعمل على 115 وانت طالع على حساب النظافة والممشى وترا هو دفعتين الدفعة الاول نفس خط العشرة والدفعة الثانية 60عام
اذا تبين اخدمك رسلن بالخاص ...
مكشاتي متواصل
نصيحتي حاول تقنعه ان الربع مايستاهل فلوسه وانه ماهو مريح او انو صعب يركب معاك احد اكثر من واحد
ومن هالكلام اغدي يقتنع لانه بصراحه الاف جي افضل بكثيييير من ناحية الراحه ويخدمك لانه اوسع بالمكان وفي السفريات مريح يعني
مافيه مقارنه ابدا
والحاجه الاهم سعره حليو ويمسك سعره في البيع
وموفق لكل خير ان شاء الله
عضو موقوف
شف وانا أخوك ،،،
نصيحة لوجه الله لازم توفي بوعدك معه والا تراه بيدحدر في الدراسة ،،، وهذا الشي قد صار مع واحد أعرفه ولده ممتاز ووعده بشاص ولا شرا له بحجة انه مايصلح له ، والولد في مثل هذا السن صعب اقناعه ، والولد بعدها دج وابوه تحسف انه ماشرا له ولا ضيع دراسته .
المهم انا اضمن لك مايكمل معه الربع 6 شهور الا وهو مل منه ويبي يغيره لانه غير مريح وغير راسي ومتعب،،
لذلك دور له واحد مستخدم نظيف بتلقى والأيام هذي المستخدم بدا ينزل سعره عشان الصيف جاء،، ثم خله يطيح اللي في راسه ولا قرب الشتاء حاول تجس نبظه يبي يبيعه والا لا ،، لانه مابيقدر يقولك ببيعه خوفا من ردة الفعل ،، اذا مل منه و يبي يبيعه كويس تبيعه براس ماله او خسارة بسيطه او بربح وخذ له اف جي ممتاز جدا اقوى وافضل ،،،
وبذلك كسبت الولد وهو كسب تجربة ونفذت وعدك
مكشاتي برونزي
وعليكم السلام ورحمة الله وبركاته ....والله ماعندي شيئ أضيفه لما قاله الإخوان سوى الدعاء بأن يحفظ الله إبنك ويجعله من البارين بوالديه ولكن إحرص ثم إحرص ثم إحرص على الوفاء بوعدك ...أكرر شكري وتقديري لك ولجميع من شارك
مكشاتي متواصل
اسعارهن ( المستعمله ) والجديد طايره مرة شي يهول مرة امس كنت في معارض بريدة اسعار المستعمل النظيف من 2008 الى 2012 ماينزل تحت الميه ابدا معقوله يناس اصبرو قاطعوهم المستعمل والجديد وتبي ترجع الاسعار لنزول ان شاء الله بعد شهر
مكشاتي
قبل اسبوعين رحت للبحر العربي وقلت باخذ ربع 2012 قالي 143 قلت غيرك ب140 وانا صادق قال خلاص ب 141
يعني الحين ممكن 137 والمستعمل ممكن انزل منه بشوي
مكشاتي متقدم
ياشباب انا رحت للقصيم ادور هايلكس واشطف رااعين الجيووب الشيصاان اسعاارها رخيصه لقيت شاص 2010 ماشي في 40 الف وزياده ولوحه درب 10 ونش دفلك بريمي واصل السووم عليه 115500 الجيوب رخصن اما الهايلكساات من 2005 وتحت مولعه
مكشاتي متقدم
الا الستين عام كم وصل جديد ومستعمل
مكشاتي
صباح الخير
الله يصلح ولدك ويخليه لك
بنسبه لشباب الي يمدحون الف جي
يربع انتم من جدكم الف جي افضل من الربع الي يستخدم الربع يعيف السيارات من بعده بس مدام ولدك مهو راعي بر اقنعه بلف جي واذ مقتنع امرك لله
تقبلوو مروري
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس